​

​បទ គោ​ព័ទ្ធ​ស្នឹង​

-​កើតរឿង​កឿង​ទ័ល​រាល់​តែ​ឆ្នាំ​

​ឆ្នាំមុន​ដំណាំ​អ្នកស្រុក​ថោក​

​ថោក​ថ្លៃ​លើ​ឈ្មួញ​ខ្លះ​គេ​បោក​

​បោក​បេះ​ដាក់​ដោក​ថោក​ដាច់​ផ្ងារ​។
 

-​ផ្ងារពោះ​ព្រោះ​ទុន​ត្រូវ​ខ្ចីបុល​

​បុល​ជាប់បំណុល​រុល​កើន​ការ​

​ការ​កិច្ច​មិន​កប​ស្រប​អត់​ផ្សារ​

​ផ្សារ​ស្រេច​គេ​ថា​មិនដែល​ទៀង​។​
 

-​ទៀង​ដល់​ផល​បាន​ច្រើន​ធ្លាក់​ថ្លៃ​

​ថ្លៃ​ធ្លាក់​ក្នុង​ដៃ​ឈ្មួញ​រៀបរៀង​

​រៀងរាល់​រដូវ​ដូច​គេ​ផ្ទៀង​

​ផ្ទៀងផ្ទាត់​ឲ្យ​រាងចាល​លែង​ធ្វើ​។​
 

-​ធ្វើស្រែ​ចក​ម្ការ​ប្រាថ្នា​ផល​

​ផល​បាន​មិន​ដល់​កល​ស្ទាក់ស្ទើរ​

​ស្ទើរ​ស្ទា​ក់ដាំ​ម្រេច​ដំឡូង​រើ​

​រើ​ចោល​សាកមើល​មៀន​ល្មុត​ល្ពៅ​។​
 

-​ល្ពៅ​ស្រូវ​ត្រសក់​ស្លក់​មុខ​ស្លេក​

​ស្លេក​ព្រោះ​ត្រូវ​ដេក​ពេល​ដឹក​ទៅ​

​ទៅ​គេ​ឈប់​ទិញ​ត្រូវ​សល់​នៅ​

​នៅ​គរ​តាមផ្លូវ​គ្មាន​អ្នក​គិត​។​
 

-​គិត​គួរ​អ្នក​ដាំ​ផ្តាំ​ជួយ​គ្នា​

​គ្នា​ចង់​ធូរធា​ទើប​ពឺត​ពិត​

​ពិត​គ្រោះថ្នាក់​ធំ​បើ​មិន​គិត​

​គិតរ​កឫស​ពិត​នៃ​បញ្ហា​៕