អន្តរជាតិ
ឥណ្ឌូណេស៊ី៖ សាលាខ្លះបិទទ្វារ សិស្សខ្លះត្រូវបញ្ជូនទៅមន្ទីរពេទ្យ ព្រោះការបំពុលផ្សែងអ័ព្ទធ្ងន់ធ្ងរ
×![]()
កុមារឥណ្ឌូណេស៊ីជាច្រើននាក់ត្រូវបានបញ្ជូនទៅព្យាយាមនៅមន្ទីរពេទ្យដោយសារតែពួកគេមានបញ្ហាផ្លូវដង្ហើម ដែលបង្កមកពីការបំពុលផ្សែងក្រោយមានភ្លើងឆេះព្រៃធ្ងន់ធ្ងរ។ គេឃើញមានសិស្សខ្លះទៀតនាំគ្នាពាក់ម៉ាស់ទៅរៀន និងសាលាមួយចំនួនទៀតត្រូវបិទបណ្ដោះអាសន្នដោយសារបញ្ហាប្រឈមនេះ។
កុមារនៅឥណ្ឌូណេស៊ីរងផលប៉ះពាល់ដោយសារផ្សែងអ័ព្ទគ្របដណ្ដប់ពេញអាកាសដែលបង្កឡើងដោយការកាប់ និងដុតព្រៃឈើក្នុងតំបន់មួយចំនួនដូចជាកោះSumatra និងមួយផ្នែកនៃកោះBorneo។កុមារជាច្រើននាក់ត្រូវបានគេបញ្ជូនទៅមន្ទីរពេទ្យខេត្ត Aceh ព្រោះពួកគេមានជំងឺផ្លូវដង្ហើម។
យោងតាមទីភ្នាក់ងារព័ត៌មាន AFP សិស្សខ្លះនៅក្រុង Meulaboh នាខេត្ត Aceh នៅតែរៀនដោយពាក់ម៉ាស់នៅថ្ងៃពុធទី២៦ខែកក្កដា រីឯសាលាមួយចំនួនទៀតត្រូវបិទបណ្ដោះអាសន្នសិនទម្រាំស្ថានការណ៍ធូរស្រាលវិញ។
តាមពិតទៅប្រជាជន ឬក្រុមហ៊ុនបរទេសមួយចំនួននៅប្រើវិធីបុរាណកាប់និងដុតដើមឈើលើដីភក់សម្បូរដោយសារធាតុកាបូន ដើម្បីដាំប្រេងត្នោតនិងដើមអាកាស្យា។ នេះជាមូលហេតុបង្កឲ្យមានផ្សែងអ័ព្ទពុលគ្របដណ្ដប់ជុំវិញតំបន់ ហើយវាថែមទាំងប៉ះពាល់ដល់សិង្ហបុរីនិងម៉ាឡេស៊ីពេលមានខ្យល់មូសុងបក់ម្ដងៗផង។
«កាលពីសប្ដាហ៍មុន តំបន់ដែលងាយឆេះប្រមាណជាង៣៥កន្លែងបានបំផ្លាញព្រៃឈើ៧០ហិតានិងដីជាច្រើនកន្លែងទៀតមកពីប្រជាជនដុតនិងកាប់ព្រៃឈើទើបភ្លើងចេះតែឆេះរាលដាល»។នេះជាសម្ដីរបស់អ្នកនាំពាក្យទីភ្នាក់ងារសម្របសម្រួលដោះស្រាយគ្រោះមហន្តរាយឥណ្ឌូណេស៊ីលោក Sutopo Purno Nugroho។
រដ្ឋាភិបាលកំពុងព្យាយាមពន្លត់ភ្លើង រួមទាំងរម្លឹកដល់ប្រជាជនទាំងអស់ឲ្យពិនិត្យដី ឬចម្ការរបស់ខ្លួន និងហាមមិនឲ្យកាប់ឬដុតព្រៃឈើនោះទេ ព្រោះនេះជារដូវប្រាំងដែលអាចធ្វើឲ្យភ្លើងឆេះព្រៃកាន់តែខ្លាំងនិងច្រើនជាងមុនចាប់ពីពេលនេះរហូតដល់បី ឬបួនខែខាងមុខទៀត។
បច្ចុប្បន្ន ខេត្តជាងប្រាំមួយក្នុងឥណ្ឌូណេស៊ីមានតំបន់ដែលងាយឆេះទាំងអស់១៨០កន្លែង ប៉ុន្តែចំនួននៃតំបន់ដែលងាយឆេះក្នុងឆ្នាំនេះតិចជាងឆ្នាំ ២០១៥ ច្រើនណាស់។ ក្នុងឆ្នាំ២០១៥ ផ្សែងអ័ព្ទគ្របដណ្ដប់ស្ទើរតែពាសពេញតំបន់ទាំងមូល ហើយបានបំពុលប្រជាជនជាច្រើននាក់រហូតដល់ធ្លាក់ខ្លួនឈឺ និងបង្កើនភាពតានតឹងជាមួយប្រទេសជិតខាងទៀតផង។
កាលពីឆ្នាំ២០១៦ អ្នកស្រាវជ្រាវជាច្រើននាក់មកពីសាកលវិទ្យាល័យ Harvard និង Columbiaសហរដ្ឋអាមេរិកបានសន្និដ្ឋានថា ការសាយភាយនៃជាតិពុលផ្សែងអ័ព្ទឆ្នាំ ២០១៥ អាចនឹងធ្វើឲ្យទារកមិនទាន់គ្រប់ខែជាង១០០ពាន់នាក់ស្លាប់នៅក្នុងពោះ៕
កុមារនៅឥណ្ឌូណេស៊ីរងផលប៉ះពាល់ដោយសារផ្សែងអ័ព្ទគ្របដណ្ដប់ពេញអាកាសដែលបង្កឡើងដោយការកាប់ និងដុតព្រៃឈើក្នុងតំបន់មួយចំនួនដូចជាកោះSumatra និងមួយផ្នែកនៃកោះBorneo។កុមារជាច្រើននាក់ត្រូវបានគេបញ្ជូនទៅមន្ទីរពេទ្យខេត្ត Aceh ព្រោះពួកគេមានជំងឺផ្លូវដង្ហើម។
យោងតាមទីភ្នាក់ងារព័ត៌មាន AFP សិស្សខ្លះនៅក្រុង Meulaboh នាខេត្ត Aceh នៅតែរៀនដោយពាក់ម៉ាស់នៅថ្ងៃពុធទី២៦ខែកក្កដា រីឯសាលាមួយចំនួនទៀតត្រូវបិទបណ្ដោះអាសន្នសិនទម្រាំស្ថានការណ៍ធូរស្រាលវិញ។
តាមពិតទៅប្រជាជន ឬក្រុមហ៊ុនបរទេសមួយចំនួននៅប្រើវិធីបុរាណកាប់និងដុតដើមឈើលើដីភក់សម្បូរដោយសារធាតុកាបូន ដើម្បីដាំប្រេងត្នោតនិងដើមអាកាស្យា។ នេះជាមូលហេតុបង្កឲ្យមានផ្សែងអ័ព្ទពុលគ្របដណ្ដប់ជុំវិញតំបន់ ហើយវាថែមទាំងប៉ះពាល់ដល់សិង្ហបុរីនិងម៉ាឡេស៊ីពេលមានខ្យល់មូសុងបក់ម្ដងៗផង។
«កាលពីសប្ដាហ៍មុន តំបន់ដែលងាយឆេះប្រមាណជាង៣៥កន្លែងបានបំផ្លាញព្រៃឈើ៧០ហិតានិងដីជាច្រើនកន្លែងទៀតមកពីប្រជាជនដុតនិងកាប់ព្រៃឈើទើបភ្លើងចេះតែឆេះរាលដាល»។នេះជាសម្ដីរបស់អ្នកនាំពាក្យទីភ្នាក់ងារសម្របសម្រួលដោះស្រាយគ្រោះមហន្តរាយឥណ្ឌូណេស៊ីលោក Sutopo Purno Nugroho។
រដ្ឋាភិបាលកំពុងព្យាយាមពន្លត់ភ្លើង រួមទាំងរម្លឹកដល់ប្រជាជនទាំងអស់ឲ្យពិនិត្យដី ឬចម្ការរបស់ខ្លួន និងហាមមិនឲ្យកាប់ឬដុតព្រៃឈើនោះទេ ព្រោះនេះជារដូវប្រាំងដែលអាចធ្វើឲ្យភ្លើងឆេះព្រៃកាន់តែខ្លាំងនិងច្រើនជាងមុនចាប់ពីពេលនេះរហូតដល់បី ឬបួនខែខាងមុខទៀត។
បច្ចុប្បន្ន ខេត្តជាងប្រាំមួយក្នុងឥណ្ឌូណេស៊ីមានតំបន់ដែលងាយឆេះទាំងអស់១៨០កន្លែង ប៉ុន្តែចំនួននៃតំបន់ដែលងាយឆេះក្នុងឆ្នាំនេះតិចជាងឆ្នាំ ២០១៥ ច្រើនណាស់។ ក្នុងឆ្នាំ២០១៥ ផ្សែងអ័ព្ទគ្របដណ្ដប់ស្ទើរតែពាសពេញតំបន់ទាំងមូល ហើយបានបំពុលប្រជាជនជាច្រើននាក់រហូតដល់ធ្លាក់ខ្លួនឈឺ និងបង្កើនភាពតានតឹងជាមួយប្រទេសជិតខាងទៀតផង។
កាលពីឆ្នាំ២០១៦ អ្នកស្រាវជ្រាវជាច្រើននាក់មកពីសាកលវិទ្យាល័យ Harvard និង Columbiaសហរដ្ឋអាមេរិកបានសន្និដ្ឋានថា ការសាយភាយនៃជាតិពុលផ្សែងអ័ព្ទឆ្នាំ ២០១៥ អាចនឹងធ្វើឲ្យទារកមិនទាន់គ្រប់ខែជាង១០០ពាន់នាក់ស្លាប់នៅក្នុងពោះ៕
Tag:
បំពុលផ្សែងអ័ព្ទ
ឥណ្ឌូណេស៊ី
Sumatra
Aceh
© រក្សាសិទ្ធិដោយ thmeythmey.com
