ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
អ្នកជំនាញចិនពន្យល់ពីគោលការណ៍ CSR ដែលគេច្រឡំថា ជាសកម្មភាពសប្បុរសធម៌
29, Jul 2017 ,
3:09 pm
រូបភាព
×
ដោយ:
ភ្នំពេញ៖ គោលការណ៍ទទួលខុសត្រូវសង្គមរបស់សាជីវកម្ម(Corporate Social Responsibility-CSR) ត្រូវបានអ្នកជំនាញចិន ក្រុមហ៊ុនចិននៅកម្ពុជា និងអង្គការសង្គមស៊ីវិល បានលើកមកពិភាក្សានៅថ្ងៃទី២៧ ខែកក្កដា នៅរាជធានីភ្នំពេញ។
គោលការណ៍៣របស់CSR គឺជាផលចំណេញ គិតជីវភាពដល់ប្រជាជននៅជុំវិញគម្រោងវិនិយោគ និងការគិតគូពីភាពយូរអង្វែងនៃភពផែនដី ក្នុងនោះ ត្រូវផ្អែកលើទិដ្ឋភាព៤ រួមមាន សេដ្ឋកិច្ច បរិស្ថាន ទីផ្សារ និងបរិកាសការងារ។
លោក Liu Baocheng តំណាងសាកលវិទ្យាល័យមកពីប្រទេសចិន បានថ្លែងថា បច្ចុប្បន្ននេះ គេនៅយល់ច្រឡំថា CSR គឺជាទឹកចិត្តសប្បុរសធម៌របស់ម្ចាស់សហគ្រាស ប៉ុន្តែ CSR ជា ការទទួលខុសរបស់សហគ្រាសលើបរិស្ថាន សង្គម និងសីលធម៌នៃអាជីវកម្ម។ លោកថា ការគិតគូពីជីវភាពកម្មករ(ប្រាក់ខែ) និងបរិស្ថាននៃការសាងសង់រោងចក្រសហគ្រាស គឺជាការទទួលខុសត្រូវខ្ពស់ ទៅតាមគោលការណ៍ខាងលើនេះ។
ថ្លែងជាភាសាចិន និងមានអ្នកបកប្រែជាភាសាខ្មែរផងនោះ សាស្ត្រាចារ្យរូបនេះ បញ្ជាក់យ៉ាងដូច្នេះថា៖ «ការរឹតបន្តឹងខ្លាំងលើក្រុមហ៊ុន ឬសហគ្រាស ឲ្យអនុវត្តន៍ CSR វាក៏ជួបការប្រឈមដែរ ពីព្រោះ សហគ្រិនសម្លឹងរកផលចំណេញ ដែលធ្វើឲ្យពួកគេអាចរត់ទៅដាក់ទុនវិនិយោគនៅប្រទេសផ្សេង»។
លោកបន្តថា កាល លោក ម៉ៅ សេទុង ដឹកនាំប្រទេសសចិន រោងចក្រសហគ្រាសទាំងអស់ជារបស់រដ្ឋ ដែលគ្មានគោលការណ៍CSRនោះទេ ប៉ុន្តែ ក្នុងសម័យដឹកនាំរបស់លោកប្រធានាធិបតី ស៊ីជីនពីង ក្រោយប្រទេសចិនចូលជាសមាជិករបស់អង្គការពាណិជ្ជកម្មពិភពលោក ក្រុមហ៊ុនរបស់ចិន បានទទួលស្គាល់ និងអនុវត្តន៍តាម CSR។
លោកបញ្ជាក់យ៉ាងដូច្នេះថា៖«មានកត្តា៣ ដែលធ្វើឲ្យក្រុមហ៊ុនចិនទូទាំងពិភពលោក ព្រមអនុវត្តន៍តាមគោលការណ៍CSR។ ទីមួយ បណ្តាលមកពីអាមេរិកប្តឹងក្រុមហ៊ុនផលិតកាំំជ្រួចរបស់ចិន ដែលធ្វើឲ្យកុមារជនជាតិអាមេរិក២នាក់រងរបួស ដែលបញ្ជាក់ពីការមិនទទួលខុសត្រូវចំពោះអតិថិជន។ ទីពីរ អាមេរិកបានដាក់កំហិតលើរោចក្រចំណីអាហាររបស់ចិន ដែលនាំចូលអាមេរិក។ និងទី៣ អូស្ត្រាលី បានប្តឹងក្រុមហ៊ុនចិនមួយ ជុំវិញរឿងបញ្ហាគុណភាពម្យ៉ៅទឹកដោះគោ»។
លោក Wang Xiaoguang នាយកវិទ្យាស្ថានRongzhi នៅរដ្ឋធានីបេកាំងប្រទេសចិន ដែលមានជំនាញលើ CSR បានផ្តល់បទសម្ភាសជូនអ្នកកាសែតថា ការអនុវត្តន៍CSRនៅកម្ពុជានៅមានកម្រិត ព្រោះ ពួកគេមិនទាន់យល់ដឹងពីCSR។ លោកបន្ត មានក្រុមហ៊ុន និងសហគ្រាសជាច្រើនបានអះអាងថា ទំនួលខុសត្រូវក្រុមហ៊ុនជាបឋម គឺធ្វើម៉េចមានប្រាក់ខែបើកឲ្យបុគ្គលិក។ ចំណែក CSR ពួកគេគិតថា មិនទាន់ចាំបាច់នោះទេ។ ប៉ុន្តែ ប៉ុន្មានចុងក្រោយ សហគ្រាសចិន មានការយល់ដឹងខ្ពស់ពីបញ្ហានេះ ពីព្រោះ ពួកគេទទួលរងសម្ពាធពីអង្គការសង្គមស៊ីវិល និងពលរដ្ឋនៅមូលដ្ឋាន ដែលតែងតែតវ៉ា ធ្វើឲ្យសហគ្រាសមានការកែតម្រូវឲ្យកាន់តែប្រសើរ។
លោកបន្ថែមថា៖«គោលនយោបាយផ្លូវមួយខ្សែក្រវ៉ាត់មួយរបស់ប្រធានាធិបតីស៊ីជីនពីង បានជំរុញឲ្យអ្នកវិនិយោគរបស់ចិនទាំងអស់ ដែលរកស៊ីនៅបរទេស ត្រូវតែគោរពច្បាប់ប្រទេសនោះ គោរពបរិស្ថាន និងCSR ព្រមទាំងគោរពប្រជាជនប្រទេសនោះដូចប្រជាជនខ្លួនដែរ ដើម្បីលើកមុខមាត់ចិនក្នុងនាមជាអ្នកដឹកនាំពិភពលោកមួយដែរ»។
លោក Xie តំណាងសមាគមសហគ្រាសថាមពលអគ្គិសនីនៅកម្ពុជា បានថ្លែងថា ក្រុមហ៊ុនចិនដែលទទួលសិទ្ធិវិនិយោគលើវិស័យថាមពលនៅកម្ពុជា បានគោរពតាមគោលការណ៍ CSR។ លោកបញ្ជាក់ដូច្នេះថា៖ «យើងបានបំពេញការខ្វះខាតភ្លើង(អគ្គិសនី)នៅកម្ពុជា ដើម្បីកាត់បន្ថយការពឹងលើថាមពលពីប្រទេសជិតខាង មានថៃ វៀតណាម និងឡាវ។ គិតត្រឹមឆ្នាំ២០១៦ សហគ្រាសបានផលិតថាមអគ្គិសនីបាន ១២,៦០០លាន គីឡូវ៉ាត់ម៉ោង ស្មើ៨០ភាគរយនៃថាមពលអគ្គិសនីនៅកម្ពុជា ដែលបានជួយកាត់បន្ថយការប្រើប្រាស់ប្រេងឥន្ធនៈ ៣ម៉ឺនតោន និងកាត់បន្ថយឧស្ម័នកាបូនិក ១,០២៩ម៉ឺនតោន»។
លោកបន្តថា ក្រុមហ៊ុនថាមពលវារីអគ្គិសនីរបស់ចិន មាននៅតាតៃខេត្តកោះកុង គិរីរម្យខេត្តកំពង់ស្ពឺ ខេត្តពោធ៍សាត់ ខេត្តស្ទឹងត្រែង និងរោចក្រធ្យូងថ្មនៅខេត្តព្រះសីហនុ។
លោកបន្ថែមថា ក្រៅពីថាមពល សហគ្រាសផលិតថាមពលរបស់ចិន បានជួយសង់ផ្លូវ ស្ពាន សួនច្បារ និងបានផ្តល់ជំនាញដល់កម្មករជនជាតិខ្មែរ លើវិស័យថាមពលផងដែរ។
លោក តឹក វណ្ណារ៉ា ប្រធានអង្គការវេទិកាមិនមែនរដ្ឋាភិបាល(NGOs Forum) បានថ្លែងថា នៅកម្ពុជាមានក្រុមហ៊ុនចិនមួយចំនួនបានអនុវត្តន៍តាមគោលការណ៍ទទួលខុសត្រូវសង្គម(CSR) ប៉ុន្តែ នៅតែមានក្រុមហ៊ុនចិនមួយចំនួនទៀត កំពុងរំលោភលើគោលការណ៍នេះ ពីព្រោះ CSR គឺជាបរិបទថ្មីសម្រាប់កម្ពុជា។
លោកអះអាងថា មានករណីជម្លោះដីធ្លីបណ្តាលមកពីដីសម្បទានសេដ្ឋកិច្ចនៅសហគមន៍ប្រមេរខេត្តព្រះវិហារ ករណីនៅរតនគិរី និងមណ្ឌលគិរីជាដើម គឺមិនទាន់ដោះស្រាយបញ្ហាជូនពលរដ្ឋនៅឡើយទេ។
លោកបញ្ជាក់យ៉ាងដូច្នេះថា៖«ជារួម មានក្រុមហ៊ុនមួយចំនួនបានធ្វើល្អប្រសើរ ប៉ុន្តែ ក្រុមហ៊ុនមួយចំនួនទៀត នៅមានកង្វះខាតក្នុងការចូលរួមរបស់សាធារណជន ក្នុងការវាយតម្លៃហេតុផលប៉ះពាល់បរិស្ថាន ពិគ្រោះយោលបល់ជាមួយពលរដ្ឋ និងមិនបានផ្តល់សំណងសមរម្យជាដើម»។
លោកបន្ថែមថា ការរៀបចំសិក្ខាសាលានេះ គឺបន្ទាប់ពីពហុក្រសួង និងអង្គការសង្គមស៊ីវិល បានធ្វើទស្សនកិច្ចសិក្សាទៅប្រទេសចិនកាលពីខែមេសាកន្លងទៅ។ សិក្ខាសាលានេះ គឺដើម្បីឲ្យគ្រប់ភាគីពាក់ព័ន្ធ បានចែករំលែកអំពីCSRរវាងក្រុមហ៊ុនចិន អ្នកជំនាញចិន និងអង្គការសង្គមស៊ីវិល៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អ្នកជំនាញ
CSR
ក្រុមហ៊ុនចិន
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
6 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
7 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
1 ថ្ងៃ
តើពាក្យងារជា «សម្តេច» មានន័យដូចម្តេច?
3 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
2 ថ្ងៃ
អត្ថបទពេញនិយមបន្ថែម