ព័ត៍មានសុខភាព
សុខភាព៖ អាការៈទាំងនេះបញ្ជាក់ថា អ្នកកំពុងតែញៀននឹងការរួមភេទ
× ការញៀននឹងការរួមភេទអាចជារឿងពិបាកសម្គាល់អាការៈរបស់វានៅខាងក្រៅណាស់។ ប៉ុន្តែការញៀនភាគច្រើនអាចនឹងមើលមិនឃើញតាមរយៈអាកប្បកិរិយារបស់មនុស្សទេ ហើយក៏មិនអាចឲ្យប្តីប្រពន្ធ ឬដៃគូ និងសមាជិកគ្រួសារដឹងដែរ។ ប៉ុន្តែ ពេលខ្លះ អាការៈរបស់វាអាចនឹងសម្គាល់ដឹងបាន។ មនុស្សម្នាក់ដែលអាចគិតថាញៀននឹងការរួមភេទទំនងជាបង្ហាញអាការៈខាងក្រៅដូចខាងក្រោមនេះ៖
• មានការគិត និងស្រមៃអំពីការរួមភេទជ្រាំដែលៗ ឬរ៉ាំរ៉ៃ
• មានទំនាក់ទំនងស្នេហាជាមួយដៃគូច្រើននាក់ដោយរួមភេទទាំងមនុស្សចម្លែកផងដែរ
• ចេះតែរកវិធីកុហកដើម្បីលាក់បាំងភាពញៀនរបស់ពួកគេ
• ចេះតែចង់បានការរួមភេទ ទោះបីជាសកម្មភាពនោះរំខានដល់ជីវិតប្រចាំថ្ងៃ ការងារ ឬធ្វើអ្វីមួយផ្លូវការក៏ដោយ
• មិនអាចឈប់ ឬគ្រប់គ្រងអាកប្បកិរិយាខ្លួនឯងបាន
• ធ្វើឲ្យខ្លួនឯង ឬអ្នកដទៃស្ថិតក្នុងសភាពគ្រោះថ្នាក់ដោយសារតែសកម្មភាពផ្លូវភេទរបស់ខ្លួន
• អាចនឹងមានបទល្មើសរួមភេទជាញឹកញាប់
• មានអារម្មណ៍ថាខ្លួនឯងមានកំហុសក្រោយពីរួមភេទរួច
• មានផលវិបាកផ្ទាល់ខ្លួនបែបអវិជ្ជមានច្រើនថែមទៀត។
ការញៀននឹងការរួមភេទអាចជារឿងមួយពិបាកកំណត់រោគវិនិច្ឆ័យណាស់។ យកល្អគួរតែចាំថា ការរីករាយនឹងសកម្មភាពផ្លូវភេទមិនមែនធ្វើឲ្យមនុស្សម្នាក់ញៀនឡើយ តែគឺជារឿងធម្មតា។ ពេលខ្លះ ការចាប់អារម្មណ៍ខាងផ្លូវភេទប្រហែលអាចជារឿងមិនត្រូវគ្នារវាងដៃគូស្នេហាម្នាក់ៗ ប៉ុន្តែមិនមែនមានន័យថាជាការញៀននឹងការរួមភេទឡើយ។
ជាធម្មតា ការញៀននឹងការរួមភេទគឺជាមនុស្សម្នាក់ដែលតែងតែត្រូវការធ្វើសកម្មភាពផ្លូវភេទជាប់ និងមិនអាចគ្រប់គ្រងវាបាន។ និយាយរួម ចំណង់ផ្លូវភេទរបស់អ្នកជំងឺបែបនេះ គឺមិនចេះគ្រប់គ្រាន់ឡើយ ហើយ តែងតែចង់បន្ថែមជាប់រហូត៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com