អន្តរជាតិ
អង់គ្លេសគ្រោងបញ្ជូននាវាចម្បាំងមកតំបន់ជម្លោះសមុទ្រចិនខាងត្បូង ទោះធ្វើឲ្យមហាយក្សចិនក្ដៅក្រហាយ
×![]()
អង់គ្លេសអះអាងថា ខ្លួនមានសិទិ្ធសេរីភាពនាវាចរណ៍ក្នុងតំបន់សមុទ្រចិនខាងត្បូង ហើយខ្លួនក៏មានគម្រោងបញ្ជូននាវាចម្បាំងទៅធ្វើលំហាត់យោធាក្នុងតំបន់ក្បែរជម្លោះដែរ។ គម្រោងនេះបង្កភាពក្ដៅក្រហាយដល់ចិនដែលដណ្តើមយកតំបន់ជម្លោះសមុទ្រចិនខាងត្បូងស្ទើរតែទាំងស្រុងផងនោះ។
រដ្ឋមន្ត្រីក្រសួងការពារជាតិអង់គ្លេសលោក Michael Fallon បាននិយាយកាលពីថ្ងៃព្រហស្បតិ៍ទី២៧ខែកក្កដាថា ឆ្នាំក្រោយនេះ អង់គ្លេសនឹងបញ្ជូននាវាចម្បាំងដើម្បីធ្វើសមយុទ្ធក្នុងតំបន់ជម្លោះសមុទ្រចិនខាងត្បូង បន្ទាប់ពីបានបញ្ជូនយន្តហោះចម្បាំងបួនគ្រឿងដើម្បីធ្វើសមយុទ្ធរួមគ្នាជាមួយជប៉ុនកាលពីឆ្នាំមុន។
«យើងនឹងបញ្ជូននាវាទៅធ្វើដឹកយន្តហោះទៅធ្វើសមយុទ្ធនៅតំបន់ជម្លោះសមុទ្រចិនខាងត្បូងនៅឆ្នាំក្រោយ ព្រោះយើងមានសិទិ្ធសេរីភាពក្នុងការធ្វើនាវាចរណ៍។យើងមិនឲ្យចិនហាមឃាត់យើងពីការល្បាតនៅក្នុងតំបន់ជម្លោះបានឡើយ»។ នេះជាសម្ដីដែលលោករដ្ឋមន្ត្រីការពារជាតិរូបនេះប្រាប់ទៅកាន់ទីភា្នក់ងារព័ត៌មាន Reuters បន្ទាប់ពីលោករដ្ឋមន្ត្រីការបរទេសអង់គ្លេស Boris Johnson បាននិយាយថា យន្តហោះចម្បាំងពីរគ្រឿងទៀតក៏នឹងត្រូវបញ្ជូនទៅតំបន់ជម្លោះដែរ។
លោក Michael Fallon បានបន្ថែមទៀតថា កាលពីខែតុលាឆ្នាំ២០១៦ អង់គ្លេសបានប្រើយន្តហោះចម្បាំងហោះមើលស្ថានការណ៍ក្នុងតំបន់ជម្លោះ ហើយខ្លួនក៏សង្ឃឹមថាប្រសិនជាមានឳកាសនាពេលខាងមុខ អង់គ្លេសនឹងចូលរួមល្បាតដោយប្រើនាវាឬយន្តហោះចម្បាំងក្នុងតំបន់ជម្លោះដែរ ។
ជាការពិត ការបញ្ជូននាវាចម្បាំងអង់គ្លេសទៅល្បាតនៅតំបន់ជម្លោះសមុទ្រចិនខាងត្បូងនឹងបង្កភាពក្ដៅក្រហាយដល់មហាយក្សចិន។ លើសពីនេះទៅទៀត ស្ថានការណ៍នៅក្នុងតំបន់ជម្លោះនឹងបន្តឡើងកម្ដៅជាងមុន ព្រោះចិនដែលជាមហាអំណាចក្នុងតំបន់នោះនឹងថ្កោលទោសប្រទេសក្រៅតំបន់ដែលលូកដៃក្នុងរឿងជម្លោះសមុទ្រចិនខាងត្បូងនេះ។
លើសពីនេះទៅទៀត ការបញ្ជូននាវាចម្បាំងនេះនឹងធ្វើឲ្យចំណងមិត្តភាពរវាងអង់គ្លេស និងចិនដែលរដ្ឋាភិបាលទាំងសងខាងខិតខំកសាងកន្លងមក ឬហៅថា«សម័យកាលរុងរឿង»ត្រូវបានបំផ្លាញជាក់ជាមិនខាន ។
សូមជម្រាបផងដែរថា វានឹងមានកិច្ចប្រជុំសន្តិសុខតំបន់ស្ដីពីបញ្ហាជម្លោះសមុទ្រចិនខាងត្បូងក្នុងទីក្រុងម៉ានីលប្រទេសហ្វីលីពីននៅសប្តាហ៍ក្រោយ ហើយតំណាងសមាជិកអាស៊ានទាំងអស់ រួមជាមួយលោករដ្ឋមន្ត្រីការបរទេសចិន វ៉ាង យី (Wang Yi) នឹងចូលរួមក្នុងកិច្ចប្រជុំនេះដែរ៕
រដ្ឋមន្ត្រីក្រសួងការពារជាតិអង់គ្លេសលោក Michael Fallon បាននិយាយកាលពីថ្ងៃព្រហស្បតិ៍ទី២៧ខែកក្កដាថា ឆ្នាំក្រោយនេះ អង់គ្លេសនឹងបញ្ជូននាវាចម្បាំងដើម្បីធ្វើសមយុទ្ធក្នុងតំបន់ជម្លោះសមុទ្រចិនខាងត្បូង បន្ទាប់ពីបានបញ្ជូនយន្តហោះចម្បាំងបួនគ្រឿងដើម្បីធ្វើសមយុទ្ធរួមគ្នាជាមួយជប៉ុនកាលពីឆ្នាំមុន។
«យើងនឹងបញ្ជូននាវាទៅធ្វើដឹកយន្តហោះទៅធ្វើសមយុទ្ធនៅតំបន់ជម្លោះសមុទ្រចិនខាងត្បូងនៅឆ្នាំក្រោយ ព្រោះយើងមានសិទិ្ធសេរីភាពក្នុងការធ្វើនាវាចរណ៍។យើងមិនឲ្យចិនហាមឃាត់យើងពីការល្បាតនៅក្នុងតំបន់ជម្លោះបានឡើយ»។ នេះជាសម្ដីដែលលោករដ្ឋមន្ត្រីការពារជាតិរូបនេះប្រាប់ទៅកាន់ទីភា្នក់ងារព័ត៌មាន Reuters បន្ទាប់ពីលោករដ្ឋមន្ត្រីការបរទេសអង់គ្លេស Boris Johnson បាននិយាយថា យន្តហោះចម្បាំងពីរគ្រឿងទៀតក៏នឹងត្រូវបញ្ជូនទៅតំបន់ជម្លោះដែរ។
លោក Michael Fallon បានបន្ថែមទៀតថា កាលពីខែតុលាឆ្នាំ២០១៦ អង់គ្លេសបានប្រើយន្តហោះចម្បាំងហោះមើលស្ថានការណ៍ក្នុងតំបន់ជម្លោះ ហើយខ្លួនក៏សង្ឃឹមថាប្រសិនជាមានឳកាសនាពេលខាងមុខ អង់គ្លេសនឹងចូលរួមល្បាតដោយប្រើនាវាឬយន្តហោះចម្បាំងក្នុងតំបន់ជម្លោះដែរ ។
ជាការពិត ការបញ្ជូននាវាចម្បាំងអង់គ្លេសទៅល្បាតនៅតំបន់ជម្លោះសមុទ្រចិនខាងត្បូងនឹងបង្កភាពក្ដៅក្រហាយដល់មហាយក្សចិន។ លើសពីនេះទៅទៀត ស្ថានការណ៍នៅក្នុងតំបន់ជម្លោះនឹងបន្តឡើងកម្ដៅជាងមុន ព្រោះចិនដែលជាមហាអំណាចក្នុងតំបន់នោះនឹងថ្កោលទោសប្រទេសក្រៅតំបន់ដែលលូកដៃក្នុងរឿងជម្លោះសមុទ្រចិនខាងត្បូងនេះ។
លើសពីនេះទៅទៀត ការបញ្ជូននាវាចម្បាំងនេះនឹងធ្វើឲ្យចំណងមិត្តភាពរវាងអង់គ្លេស និងចិនដែលរដ្ឋាភិបាលទាំងសងខាងខិតខំកសាងកន្លងមក ឬហៅថា«សម័យកាលរុងរឿង»ត្រូវបានបំផ្លាញជាក់ជាមិនខាន ។
សូមជម្រាបផងដែរថា វានឹងមានកិច្ចប្រជុំសន្តិសុខតំបន់ស្ដីពីបញ្ហាជម្លោះសមុទ្រចិនខាងត្បូងក្នុងទីក្រុងម៉ានីលប្រទេសហ្វីលីពីននៅសប្តាហ៍ក្រោយ ហើយតំណាងសមាជិកអាស៊ានទាំងអស់ រួមជាមួយលោករដ្ឋមន្ត្រីការបរទេសចិន វ៉ាង យី (Wang Yi) នឹងចូលរួមក្នុងកិច្ចប្រជុំនេះដែរ៕
© រក្សាសិទ្ធិដោយ thmeythmey.com
