ពីនេះ ពីនោះ
ព័ត៍មានសុខភាព
មិនមែនមានតែជំងឺរលាកថ្លើមទេដែលធ្វើឲ្យកើតទាចទឹក
× នៅពេលដែលមានការជ្រាប់ទឹកចូលទៅក្នុងប្រហោងពោះកាន់តែច្រើន នោះហើយគឺជាការកើតទាចទឹក។ បញ្ហាមួយនេះច្រើនតែកើតឡើងនៅពេលដែលថ្លើមឈប់ធ្វើការ ឬមិនអាចបំពេញមុខងាររបស់វាបានល្អ។
អ្នកជំងឺក្រិនថ្លើមដែលកើតទាចទឹកទៀត អាចមានអត្រានៃការរស់បាន ២ឆ្នាំប្រហែល ៥០ភាគរយប៉ុណ្ណោះ។ ដូច្នេះបើសិនជាអ្នកធ្លាប់មានអាការៈទាចទឹកមែននោះ ចូរពិគ្រោះជាមួយគ្រូពេទ្យឲ្យបានលឿនបំផុតតាមតែអាចធ្វើទៅបាន។
ជំងឺទាចទឹកភាគច្រើនបង្កឡើងដោយការសម្លាកក្នុងសាច់ថ្លើម ដែលរឿងនេះនឹងបង្កើនសម្ពាធកាន់តែខ្លាំងក្នុងសរសៃឈាមរបស់ថ្លើម។ កាលណាសម្ពាធនេះកើនឡើង វានឹងរុញជាតិទឹកចេញពីថ្លើមចូលទៅក្នុងប្រហោងពោះ និងបង្កជាទាចទឹកតែម្តង។
ការខូចថ្លើមគឺជាការប្រឈមមុខដ៏ធំបំផុតនៃអ្នកកើតទាចទឹក។ មូលហេតុមួយចំនួននៃការខូចថ្លើមមានដូចជា៖
• ក្រិនថ្លើម
• ជំងឺរលាកថ្លើមប្រភេទ B ឬ C
• មានប្រវត្តិញ៉ាំគ្រឿងស្រវឹងច្រើនៗ
បញ្ហាសុខភាពផ្សេងៗទៀតដែលអាចបង្កើនការប្រឈមនឹងទាចទឹកដែរនោះមានដូចជា៖
• ជំងឺមហារីកក្រពេញអូវ៉ែ មហារីកលំពែង មហារីកថ្លើម ឬមហារីកអង់ដូម៉ែត្រ
• ខ្សោយតម្រងនោម ឬបេះដូង
• រលាកលំពែង
• ជំងឺរបេះដូង
• កង្វះអ័រម៉ូនទីរ៉ូអ៊ីត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com