ពីនេះ ពីនោះ
តើ «អភិវឌ្ឍន៍បៃតង» និង «បច្ចេកវិទ្យាបៃតង» មានន័យដូចម្ដេច?
× ពាក្យ «អភិវឌ្ឍន៍បៃតង» និង «បច្ចេកវិទ្យាបៃតង» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «អភិវឌ្ឍន៍បៃតង» (Green growth) ជាការអភិវឌ្ឍដែលប្រើប្រាស់ធនធានប្រកបដោយចីរភាព រួមមាន ការងារបរិស្ថានបៃតងនិងធនធានធម្មជាតិ ធនធាន ទឹកនិងអនាម័យ សេដ្ឋកិច្ចនិងវិនិយោគ ទូរគមនាគមន៍និងដឹកជញ្ជូន ឧស្សាហកម្មនិងថាមពល ទេសចរណ៍បៃតង សន្តិសុខស្បៀង និងសុវត្ថិភាពចំណីអាហារ និងការប្រើប្រាស់ដីធ្លី។
រីឯ ពាក្យ «បច្ចេកវិទ្យាបៃតង» (Green technology) ជាបច្ចេកវិទ្យា និងប្រព័ន្ធបច្ចេកទេស ដែលមិនបង្កការខូចខាតដល់បរិស្ថាន ដូចជាបច្ចេកវិទ្យាកាត់បន្ថយឧស្ម័នផ្ទះកញ្ចក់ បច្ចេកវិទ្យាកាត់បន្ថយការសាយភាយសារធាតុបំពុលបរិស្ថាន បច្ចេកវិទ្យាដែលប្រើប្រាស់ថាមពលប្រកបដោយប្រសិទ្ធភាព បច្ចេកវិទ្យាអភិវឌ្ឍន៍ស្អាតសម្រាប់លការកែច្នៃឡើងវិញ និងប្រើប្រាស់ឡើងវិញនូវធនធានដែលបានប្រើប្រាស់រួចហើយ។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
Tag:
ពីនេះពីនោះ
អាកាសធាតុ
© រក្សាសិទ្ធិដោយ thmeythmey.com