ពីនេះ ពីនោះ
ការបន្តរពូជរបស់ថ្នាក់កង្កែប
× សត្វក្នុងថ្នាក់កង្កែបទាំងអស់ជាសត្វអូវីប៉ា។ សត្វភាគច្រើនពាក់គ្នា និងពងនៅក្នុងទឹក។ កង្កែប និងគីង្គក់ធ្វើការបង្ករកំណើតក្រៅ៖ បាស្រោចទឹកកាមពីលើអូវុលដែលមេបញ្ចាញមកក្រៅ ដើម្បីបង្កកំណើត។ អំប្រ៊ីយ៉ុងលូតលាស់នៅក្នុងស៊ុតគ្មានសំបក និងការពារដោយជាតិអន្ធិលម្យ៉ាង។ ស៊ុតញ៉ាស់ជាកូនក្អុកតូចៗដែលមានកន្ទុយ ព្រុយ និងស្រកីក្រៅ។ ក្នុងពេលលូតលាស់ ជើងវាដុះឡើង ខ្លួនវាក៏មានរាងទ្រវែងជាងមុន ហើយសួតក៏កើតឡើងជំនួសស្រកី ដើម្បីត្រៀមលក្ខណៈឲ្យវាអាចរស់នៅលើគោកបាន។ កន្ទុយរួញខ្លីបន្តិចម្ដងៗ។ ការប្រែរូបរាងពីកូនក្អុកទៅជាកូនកង្កែបនេះហៅថា បម្រែរូប។
(សារព័ត៌មានអេឡិចត្រូនិកថ្មីៗទទួលបានសិទ្ធិដកស្រង់ និងផ្សព្វផ្សាយបន្តពីអង្គការស៊ីប៉ា។
អត្ថបបទខាងលើត្រូវបានដកស្រង់ចេញពីសៀវភៅដែលមានចំណងជើងថា៖សត្វនៅកម្ពុជា និងនៅទីដ៏ទៃ ។
សូមចូលរួមជួយជាវសៀវភៅដែលបោះពុម្ពដោយអង្គការស៊ីប៉ា។
អង្គការស៊ីប៉ា គឺជាអង្គការជួយជំរុញការអានយ៉ាងខ្លាំងក្លានៅក្នុងប្រទេសកម្ពុជា)។
© រក្សាសិទ្ធិដោយ thmeythmey.com