អន្តរជាតិ
ប្រមុខការទូតកូរ៉េខាងជើង៖ នុយក្លេអ៊ែរកូរ៉េខាងជើងទុកសម្រាប់បាញ់អាមេរិកនិងបរិវារប៉ុណ្ណោះ
រដ្ឋមន្ត្រីការបរទេសកូរ៉េខាជើង រី យ៉ុងហូ (រូបភាព Xinhua)
×![]()
ដោយ: តន ចាន់រិទ្ធារ៉ា
ទោះជារងសម្ពាធពីអន្តរជាតិយ៉ាងក្ដី កូរ៉េខាងជើងនៅតែមានះមិនព្រមបោះបង់កម្មវិធីនុយក្លេអ៊ែរ ឬក៏ឈប់បាញ់សាកល្បងមីស៊ីលឡើយ។ នៅថ្ងៃទី៧ ខែសីហា រដ្ឋមន្ត្រីការបរទេសកូរ៉េខាងជើង រី យ៉ុងហូ (Ri Yong Ho) បានប្រកាសក្ដែងៗក្នុងកិច្ចប្រជុំវេទិកាតំបន់អាស៊ាន (ARF) ថា កម្មវិធីនុយក្លេអ៊ែរ ឬក៏មីស៊ីល ក៏មិនមែនសម្រាប់ការចរចាដែរ។ កូរ៉េខាងជើង ក៏ចោទអាមេរិកថាជាអ្នកធ្វើឲ្យស្ថានការណ៍នៅឧបទ្វីបមានសភាពដូចបច្ចុប្បន្ននេះ។
ទណ្ឌកម្មថ្មីដែលទើបអនុម័តដោយក្រុមប្រឹក្សាសន្តិសុខ ធ្វើឲ្យកូរ៉េខាងជើងក្ដៅស្លឹកត្រចៀកខ្លាំង និងគំរាមសងសឹកវិញទៀតផង។ កូរ៉េខាងជើង មិនបានចុះញ៉មទណ្ឌកម្មថ្មីនេះឡើយ ហើយថែមប្រកាសបង្កើនសមត្ថភាព និងចំនួននុយក្លេអ៊ែររបស់ខ្លួន ព្រមទាំងព្រមានសងសឹករាប់ពាន់ដងលើអាមេរិក ដើម្បីឆ្លើយតបនឹងទណ្ឌកម្មថ្មីដែលត្រូវបានអនុម័តកាលពីថ្ងៃទី៥ ខែសីហា។ ទណ្ឌកម្មថ្មីនេះមានគោលដៅផ្ដាច់ធនធានហិរញ្ញវត្ថុកូរ៉េខាងជើងឲ្យបានមួយពាន់លានដុល្លារ។
ឆ្លៀតឱកាសចូលរួមកិច្ចប្រជុំវេទិកាតំបន់អាស៊ាន ដែលជាកិច្ចប្រជុំកូរ៉េខាងជើងមានវត្តមានជាប្រចាំ រដ្ឋមន្ត្រីការបរទេសកូរ៉េខាងជើង រី យ៉ុងហូ ក៏បាននិយាយស្រដៀងនេះដែរ។ ពីរដ្ឋធានីម៉ានីល លោក រី យ៉ុងហូ បញ្ជាក់ថា កូរ៉េខាងជើងគ្មានបំណងប្រើប្រាស់នុយក្លេអ៊ែរប្រឆាំងប្រទេសណាឡើយ លើកលែងតែអាមេរិកប៉ុណ្ណោះ។ ប៉ុន្តែលោកក៏បន្ថែមថា ប្រទេសណាដែលចូលដៃចូលជើងជាមួយអាមេរិក ក៏ក្លាយជាគោលដៅរបស់កូរ៉េខាងជើងដែរ។
យោងតាមទីភ្នាក់ងារព័ត៌មាន AP ចំពោះមុខរដ្ឋមន្ត្រីការបរទេសនៃរដ្ឋសមាជិកវេទិកាតំបន់អាស៊ាន ដែលមានទាំងអាមេរិក ចិន ជប៉ុន និងកូរ៉េខាងត្បូងផងនោះ ប្រមុខការទូតកូរ៉េខាងជើងរូបនេះក៏បានទម្លាក់ការទទួលខុសត្រូវលើអាមេរិកចំពោះស្ថានការណ៍តានតឹងដែលកំពុងកើតឡើងនៅឧបទ្វីបកូរ៉េ។ លោក រី យ៉ុងហូ ក៏គំរាមអាមេរិកដែរថា កូរ៉េខាងជើងត្រៀមរួចរាល់ហើយដើម្បីផ្ដល់មេរៀនម៉ឺងម៉ាត់ឲ្យអាមេរិកជាមួយនឹងកម្លាំងនុយក្លេអ៊ែររបស់ខ្លួន។
នុយក្លេអ៊ែរកូរ៉េខាងជើង គឺជារបៀបវារៈសំខាន់ក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធនៅឆ្នាំនេះ។ ទាំងរដ្ឋមន្ត្រីការបរទេសអាស៊ាន ទាំងរដ្ឋមន្ត្រីប្រទេសដៃគូ សុទ្ធតែបានថ្កោលទោសសកម្មភាពរបស់កូរ៉េខាងជើង និងទទូចឲ្យកូរ៉េខាងជើងគោរពតាមសេចក្ដីសម្រេចរបស់ក្រុមប្រឹក្សាសន្តិសុខ ដើម្បីរក្សាស្ថិរភាព និងសន្តិភាពតំបន់។ យ៉ាងណាក្ដី កូរ៉េខាងជើងនៅតែរឹងទទឹង និងប្រកាសបន្តកម្មវិធីនុយក្លេអ៊ែរដដែល។
ជាការពិត កូរ៉េខាងជើងដែលកំពុងរុំព័ទ្ធដោយទណ្ឌកម្មជុំជិតខ្លួនស្រាប់ផង នឹងរងផលប៉ះពាល់ពីទណ្ឌកម្មលើកនេះ។ ប៉ុន្តែដូចការអះអាងរបស់លោក រី យ៉ុងហូ កូរ៉េខាងជើងនឹងមិនយកនុយក្លេអ៊ែរ ឬមីស៊ីល ទៅដាក់លើតុចរចាឡើយ ហើយនឹងពង្រឹងការសាកល្បងបន្ថែមទៀតផង។ ឯអាមេរិក ជប៉ុន និងកូរ៉េខាងត្បូងឯណោះ បានដាក់លក្ខខណ្ឌឲ្យកូរ៉េខាងផ្អាកកម្មវិធីនុយក្លេអ៊ែរសិន ទើបការចរចាអាចចាប់ផ្ដើមបាន៕
ទណ្ឌកម្មថ្មីដែលទើបអនុម័តដោយក្រុមប្រឹក្សាសន្តិសុខ ធ្វើឲ្យកូរ៉េខាងជើងក្ដៅស្លឹកត្រចៀកខ្លាំង និងគំរាមសងសឹកវិញទៀតផង។ កូរ៉េខាងជើង មិនបានចុះញ៉មទណ្ឌកម្មថ្មីនេះឡើយ ហើយថែមប្រកាសបង្កើនសមត្ថភាព និងចំនួននុយក្លេអ៊ែររបស់ខ្លួន ព្រមទាំងព្រមានសងសឹករាប់ពាន់ដងលើអាមេរិក ដើម្បីឆ្លើយតបនឹងទណ្ឌកម្មថ្មីដែលត្រូវបានអនុម័តកាលពីថ្ងៃទី៥ ខែសីហា។ ទណ្ឌកម្មថ្មីនេះមានគោលដៅផ្ដាច់ធនធានហិរញ្ញវត្ថុកូរ៉េខាងជើងឲ្យបានមួយពាន់លានដុល្លារ។
ឆ្លៀតឱកាសចូលរួមកិច្ចប្រជុំវេទិកាតំបន់អាស៊ាន ដែលជាកិច្ចប្រជុំកូរ៉េខាងជើងមានវត្តមានជាប្រចាំ រដ្ឋមន្ត្រីការបរទេសកូរ៉េខាងជើង រី យ៉ុងហូ ក៏បាននិយាយស្រដៀងនេះដែរ។ ពីរដ្ឋធានីម៉ានីល លោក រី យ៉ុងហូ បញ្ជាក់ថា កូរ៉េខាងជើងគ្មានបំណងប្រើប្រាស់នុយក្លេអ៊ែរប្រឆាំងប្រទេសណាឡើយ លើកលែងតែអាមេរិកប៉ុណ្ណោះ។ ប៉ុន្តែលោកក៏បន្ថែមថា ប្រទេសណាដែលចូលដៃចូលជើងជាមួយអាមេរិក ក៏ក្លាយជាគោលដៅរបស់កូរ៉េខាងជើងដែរ។
យោងតាមទីភ្នាក់ងារព័ត៌មាន AP ចំពោះមុខរដ្ឋមន្ត្រីការបរទេសនៃរដ្ឋសមាជិកវេទិកាតំបន់អាស៊ាន ដែលមានទាំងអាមេរិក ចិន ជប៉ុន និងកូរ៉េខាងត្បូងផងនោះ ប្រមុខការទូតកូរ៉េខាងជើងរូបនេះក៏បានទម្លាក់ការទទួលខុសត្រូវលើអាមេរិកចំពោះស្ថានការណ៍តានតឹងដែលកំពុងកើតឡើងនៅឧបទ្វីបកូរ៉េ។ លោក រី យ៉ុងហូ ក៏គំរាមអាមេរិកដែរថា កូរ៉េខាងជើងត្រៀមរួចរាល់ហើយដើម្បីផ្ដល់មេរៀនម៉ឺងម៉ាត់ឲ្យអាមេរិកជាមួយនឹងកម្លាំងនុយក្លេអ៊ែររបស់ខ្លួន។
នុយក្លេអ៊ែរកូរ៉េខាងជើង គឺជារបៀបវារៈសំខាន់ក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធនៅឆ្នាំនេះ។ ទាំងរដ្ឋមន្ត្រីការបរទេសអាស៊ាន ទាំងរដ្ឋមន្ត្រីប្រទេសដៃគូ សុទ្ធតែបានថ្កោលទោសសកម្មភាពរបស់កូរ៉េខាងជើង និងទទូចឲ្យកូរ៉េខាងជើងគោរពតាមសេចក្ដីសម្រេចរបស់ក្រុមប្រឹក្សាសន្តិសុខ ដើម្បីរក្សាស្ថិរភាព និងសន្តិភាពតំបន់។ យ៉ាងណាក្ដី កូរ៉េខាងជើងនៅតែរឹងទទឹង និងប្រកាសបន្តកម្មវិធីនុយក្លេអ៊ែរដដែល។
ជាការពិត កូរ៉េខាងជើងដែលកំពុងរុំព័ទ្ធដោយទណ្ឌកម្មជុំជិតខ្លួនស្រាប់ផង នឹងរងផលប៉ះពាល់ពីទណ្ឌកម្មលើកនេះ។ ប៉ុន្តែដូចការអះអាងរបស់លោក រី យ៉ុងហូ កូរ៉េខាងជើងនឹងមិនយកនុយក្លេអ៊ែរ ឬមីស៊ីល ទៅដាក់លើតុចរចាឡើយ ហើយនឹងពង្រឹងការសាកល្បងបន្ថែមទៀតផង។ ឯអាមេរិក ជប៉ុន និងកូរ៉េខាងត្បូងឯណោះ បានដាក់លក្ខខណ្ឌឲ្យកូរ៉េខាងផ្អាកកម្មវិធីនុយក្លេអ៊ែរសិន ទើបការចរចាអាចចាប់ផ្ដើមបាន៕
Tag:
កូរ៉េខាងជើង
អាមេរិក
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
