អន្តរជាតិ
តុលាការចេញដីកាចាប់ខ្លួនលោកស្រី យីងឡាក់ ដែលមិនព្រមបង្ហាញខ្លួនថ្ងៃប្រកាសសាលដីកា
×![]()
ដោយ: ថ្មីៗ
ចៅក្រមតុលាការកំពូលថៃបានប្រកាសថា តុលាការសម្រេចចេញដីកាចាប់ខ្លួនអតីតនាយករដ្ឋមន្ត្រី យីងឡាក់ ស៊ីណាវ៉ាត់ ព្រោះលោកស្រីមិនព្រមបង្ហាញខ្លួនថ្ងៃប្រកាសសាលដីការរបស់ខ្លួនថ្ងៃ ២៥ ខែសីហានេះ។ ចំណែកថ្ងៃប្រកាសសាលដីការពាក់ព័ន្ធសំណុំរឿងពុករលួយលោកស្រីនឹងត្រូវលើកពេលទៅថ្ងៃ ២៧ ខែកញ្ញាខាងមុខនេះ។ នេះបើតាមទីភ្នាក់ងារព័ត៌មាន AFP។
តុលាការកំពូលថៃបានសម្រេចចេញដីកាចាប់ខ្លួនលោកស្រី យីងឡាក់ ស៊ីណាវ៉ាត់ បន្ទាប់ពីលោកស្រីមិនព្រមបង្ហាញខ្លួនក្នុងថ្ងៃកាត់ក្តីសំណុំរឿងលោកស្រីនៅថ្ងៃសុក្រនេះ។ ថ្ងៃប្រកាសសាលដីកានេះដែរនឹងត្រូវពន្យារពេលរហូតដល់ថ្ងៃ ២៧ ខែកញ្ញាឯណោះ។ មូលហេតុនៃអវត្តមានរបស់អតីតនាយករដ្ឋមន្ត្រីមកពីត្រកូលស៊ីណាវ៉ាត់នេះនៅតែមិនច្បាស់លាស់។
បើតាមការចុះផ្សាយរបស់សារព័ត៌មានថៃ The Nation មេធាវីការពារលោកស្រីបានប្រាប់ចៅក្រមតុលាការកំពូលថា លោកស្រី យីងឡាក់ ធ្លាក់ខ្លួនឈឺ។ ដូច្នេះហើយទើបបានជាលោកស្រីមិនអាចបង្ហាញខ្លួនកើត។ ប៉ុន្តែចៅក្រមមិនជឿសម្តីមេធាវីថា លោកស្រី យីងឡាក់ កំពុងមានជំងឺឡើយ។
តាមពិតទៅ លោកស្រី យីងឡាក់ ដែលត្រូវក្រុមយោធាទម្លាក់ពីតំណែងដោយរដ្ឋប្រហារកាលពីខែឧសភាឆ្នាំ ២០១៤ នេះត្រូវតុលាការចោទប្រកាន់ពាក់ព័ន្ធសំណុំរឿងធ្វេសប្រហែសធ្វើឲ្យមានការខាតបង់ថវិកាជាតិច្រើនសន្ធឹកដោយសារការអនុវត្តគោលនយោបាយស្រូវអង្ករ។ ហើយដើមឡើយ តុលាការកំពូលក៏ត្រៀមប្រកាសសាលដីកាលោកស្រី យីងឡាក់ នេះនៅថ្ងៃទី២៥ សីហាដែរ។ ក្នុងករណីដែលគេរកឃើញថា លោកស្រីមានកំហុស អតីតនាយករដ្ឋមន្ត្រីរូបនេះប្រឈមនឹងការជាប់ពន្ធនាគារ និងត្រូវគេហាមចូលប្រឡូកក្នុងវិស័យនយោបាយពេញមួយជីវិតផង។
មុនថ្ងៃប្រកាសសាលដីកានេះដែរ រដ្ឋាភិបាលថៃ ក៏បានត្រៀមពង្រាយកម្លាំងសន្តិសុខប្រមាណបួនពាន់នាក់ដើម្បីរក្សាសណ្តាប់ធ្នាប់នៅតុលាការ ក៏ដូចជាការពារបញ្ហានានាកើតមានឡើង ខណៈ ក្រុមអ្នកគាំទ្រលោកស្រី យីងឡាក់ ប្រមាណជាងបីពាន់នាក់ ក៏នឹងមានវត្តមានប្រមូលផ្តុំគ្នានៅថ្ងៃប្រកាសសាលដីការផងដែរ។ ប៉ុន្តែម្សិលមិញលោកស្រី បានអំពាវនាវឲ្យអ្នកគាំទ្រលោកស្រីកុំជួបជុំគ្នា ដើម្បីសុវត្ថិភាពផ្ទាល់ខ្លួន៕
តុលាការកំពូលថៃបានសម្រេចចេញដីកាចាប់ខ្លួនលោកស្រី យីងឡាក់ ស៊ីណាវ៉ាត់ បន្ទាប់ពីលោកស្រីមិនព្រមបង្ហាញខ្លួនក្នុងថ្ងៃកាត់ក្តីសំណុំរឿងលោកស្រីនៅថ្ងៃសុក្រនេះ។ ថ្ងៃប្រកាសសាលដីកានេះដែរនឹងត្រូវពន្យារពេលរហូតដល់ថ្ងៃ ២៧ ខែកញ្ញាឯណោះ។ មូលហេតុនៃអវត្តមានរបស់អតីតនាយករដ្ឋមន្ត្រីមកពីត្រកូលស៊ីណាវ៉ាត់នេះនៅតែមិនច្បាស់លាស់។
បើតាមការចុះផ្សាយរបស់សារព័ត៌មានថៃ The Nation មេធាវីការពារលោកស្រីបានប្រាប់ចៅក្រមតុលាការកំពូលថា លោកស្រី យីងឡាក់ ធ្លាក់ខ្លួនឈឺ។ ដូច្នេះហើយទើបបានជាលោកស្រីមិនអាចបង្ហាញខ្លួនកើត។ ប៉ុន្តែចៅក្រមមិនជឿសម្តីមេធាវីថា លោកស្រី យីងឡាក់ កំពុងមានជំងឺឡើយ។
តាមពិតទៅ លោកស្រី យីងឡាក់ ដែលត្រូវក្រុមយោធាទម្លាក់ពីតំណែងដោយរដ្ឋប្រហារកាលពីខែឧសភាឆ្នាំ ២០១៤ នេះត្រូវតុលាការចោទប្រកាន់ពាក់ព័ន្ធសំណុំរឿងធ្វេសប្រហែសធ្វើឲ្យមានការខាតបង់ថវិកាជាតិច្រើនសន្ធឹកដោយសារការអនុវត្តគោលនយោបាយស្រូវអង្ករ។ ហើយដើមឡើយ តុលាការកំពូលក៏ត្រៀមប្រកាសសាលដីកាលោកស្រី យីងឡាក់ នេះនៅថ្ងៃទី២៥ សីហាដែរ។ ក្នុងករណីដែលគេរកឃើញថា លោកស្រីមានកំហុស អតីតនាយករដ្ឋមន្ត្រីរូបនេះប្រឈមនឹងការជាប់ពន្ធនាគារ និងត្រូវគេហាមចូលប្រឡូកក្នុងវិស័យនយោបាយពេញមួយជីវិតផង។
មុនថ្ងៃប្រកាសសាលដីកានេះដែរ រដ្ឋាភិបាលថៃ ក៏បានត្រៀមពង្រាយកម្លាំងសន្តិសុខប្រមាណបួនពាន់នាក់ដើម្បីរក្សាសណ្តាប់ធ្នាប់នៅតុលាការ ក៏ដូចជាការពារបញ្ហានានាកើតមានឡើង ខណៈ ក្រុមអ្នកគាំទ្រលោកស្រី យីងឡាក់ ប្រមាណជាងបីពាន់នាក់ ក៏នឹងមានវត្តមានប្រមូលផ្តុំគ្នានៅថ្ងៃប្រកាសសាលដីការផងដែរ។ ប៉ុន្តែម្សិលមិញលោកស្រី បានអំពាវនាវឲ្យអ្នកគាំទ្រលោកស្រីកុំជួបជុំគ្នា ដើម្បីសុវត្ថិភាពផ្ទាល់ខ្លួន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
