កីឡាអន្តរជាតិ
អន្តរជាតិ
ស៊ីហ្គេម៖ កីឡាករហែលទឹកសិង្ហបុរី Schooling ឈ្នះមេដាយមាស៥តែម្នាក់ឯង ហើយរំពឹងឈ្នះបន្ថែមទៀត
× ម្ចាស់មេដាយមាសកីឡាហែលទឹកអូឡាំពិកវិញ្ញាសាមេអំបៅរបស់សិង្ហបុរី Joseph Schooling បានឈ្នះមេដាយមាសចំនួន ៥ ហើយពីការប្រកួតកីឡាហែលទឹកនៃព្រឹត្តិការណ៍ស៊ីហ្គេមលើកទី២៩ នៅម៉ាឡេស៊ី ឆ្នាំ២០១៧នេះ។
Schooling មានវ័យ ២២ឆ្នាំបានឈ្នះមេដាយមាសចំនួន ៥ ពីកីឡាហែលទឹកក្នុងប្រភេទវិញ្ញាសាផ្សេងគ្នារួមមាន ហែលសេរី ១០០ម៉ែត្រ ហែលបណ្តាក់២០០ម៉ែត្រ និង១០០ម៉ែត្រ ហែលមេអំបៅ ១០០ម៉ែត្រ និង៥០ម៉ែត្រ។
ក្នុងចំណោមជ័យជម្នះទាំង៥នេះម្ចាស់មេដាយមាសអូឡាំពិកនៅទីក្រុងរីយ៉ូ ប្រទេសប្រស៊ីលរូបនេះ បានបំបែកកំណត់ត្រាចាស់ ៥២.១៣ វិនាទី លើវិញ្ញាសាហែលមេអំបៅ ១០០ម៉ែត្រដែលធ្វើបានក្នុងថេរវេលា ៥១.៣៨ វិនាទីផងដែរ។
យ៉ាងក៏ដោយបើទោះជាឈ្នះបានមេដាយមាស៥រួចហើយក្តី Schooling បានដាក់គោលដៅយកមេដាយមាសទី៦ឲ្យបានពីព្រឹត្តិការណ៍កីឡាប្រចាំតំបន់អាស៊ានក្នុងទីក្រុងគូឡាឡាំពួនេះ៕
Tag:
Sea Games 2017
ហែលទឹក
Joseph Schooling
ម៉ាឡេស៊ី
© រក្សាសិទ្ធិដោយ thmeythmey.com