ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
អេស ស៊ី ជី ប្រគល់រង្វាន់អាហារូបករណ៍ SCG Sharing the Dream ឆ្នាំ២០១៧ ដល់សិស្សជ័យលាភី ២៥០នាក់
29, Aug 2017 ,
5:17 pm
រូបភាព
×
ដោយ:
រាជធានីភ្នំពេញ៖ អស់រយៈពេល៤ឆ្នាំមកហើយ ក្រុមហ៊ុន អេស ស៊ី ជី ដែលជាក្រុមហ៊ុនឈានមុខគេមួយក្នុងតំបន់អាស៊ាន បានអនុវត្តកម្មវិធី អាហារូបករណ៍ SCG Sharing the Dream (អេស ស៊ី ជី ចែករំលែកក្តីសុបិន្ត) នៅក្នុងប្រទេសកម្ពុជា ដែលកម្មវិធីនេះផ្តល់អោយសម្រាប់សិស្សវិទ្យាល័យកំពុងសិក្សាថ្នាក់ទី១០ ទី១១ និងទី១២ ។ ដោយផ្តោតលើការវាយតម្លៃសមត្ថភាពការសិក្សារបស់សិស្ស ភាពកត្តញូរបស់ពួកគេចំពោះឪពុកម្តាយ និងឆន្ទៈផ្ទាល់ខ្លួនរបស់សិស្ស កម្មវិធីនេះបានចូលរួមចំណែកលើកកម្ពស់ ឱកាសបន្តការសិក្សារបស់សិស្សចំនួន ៧០០នាក់ រួចមកហើយគិតមកដល់ពេលនេះ ។
កាលពីពេលថ្មីៗនេះ កម្មវិធីអាហារូបករណ៍ SCG Sharing the Dream ប្រចាំឆ្នាំ២០១៧នេះ បានបញ្ចប់ទៅដោយជោគជ័យ ហើយពិធីប្រគល់រង្វាន់ដល់សិស្សានុសិស្ស ត្រូវបានប្រារព្ធឡើងនៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ក្នុងរាជធានីភ្នំពេញ។ ព្រឹត្តិការណ៍នេះ បានប្រព្រឹត្តិទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ឯកឧត្តម Nuttavudh Photisaro ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រថៃ ប្រចាំនៅកម្ពុជា លោក Arsa Sarasin នាយកក្រុមហ៊ុន អេស ស៊ី ជី និងមានវត្តមានចូលរួមពីសំណាក់ថ្នាក់ដឹកនាំ និងបុគ្គលិកក្រុមហ៊ុន អេស ស៊ី ជី តំណាងមកពីគ្រឹះស្ថានអប់រំ និងក្រសួង ក៏ដូចជាសិស្សានុសិស្សជ័យលាភីទាំង ២៥០ នាក់ ។
លោក Arsa Sarasin នាយកក្រុមហ៊ុន អេស ស៊ី ជី បានមានប្រសាសន៍ថា៖ “នៅឯក្រុមហ៊ុន អេស ស៊ី ជី ការប្តេជ្ញាចិត្តសំខាន់មួយរបស់យើង គឺព្យាយាមក្លាយខ្លួនជាក្រុមហ៊ុនល្អ និងលើកស្ទួយការរស់នៅរបស់ប្រជាជន ក្នុងសហគមន៍ទាំងឡាយដែលយើងធ្វើប្រតិបត្តិការ ។ យើងមានជំនឿរថា វិស័យអប់រំដើរតួនាទីយ៉ាងសំខាន់ក្នុងការជំរុញកំណើន និងការអភិវឌ្ឍប្រកបដោយចីរភាព ក៏ដូចជាការអភិវឌ្ឍធនធានមនុស្ស ។ ដូច្នេះ កម្មវិធីអាហារូបករណ៍ SCG Sharing the Dream ត្រូវបានបង្កើតឡើង ដើម្បីគាំទ្រយុវជនទាំងឡាយនៅក្នុងបណ្តាប្រទេសអាស៊ាន រួមមាន៖ កម្ពុជា មីយ៉ាន់ម៉ា វៀតណាម ឥណ្ឌូនេស៊ី ឡាវ ភីលីពីន និងថៃ ដើម្បីផ្តល់ឱកាសឲ្យពួកគាត់ទទួលបានការអប់រំខ្ពស់ ។ ក្នុងរយៈពេលប៉ុន្មានឆ្នាំកន្លងមកនេះ យើងបានសាកសួរអតីតសិស្សជ័យលាភីក្នុងកម្មវិធី SCG Sharing the Dream នៅកម្ពុជា ហើយយើងមានក្តីរីករាយដោយស្វែងរកឃើញថា ពួកគាត់អាចបន្តការសិក្សារៀនសូត្រ និងចាប់យកអាជីពក្នុងក្តីសុបិន្តរបស់ពួកគាត់ដូចជា វេជ្ជបណ្ឌិត វិស្វករ គណនេយ្យករ ជាដើម ។”
លោក Arsa បានបន្ថែមទៀតថា៖ “នៅក្នុងឆ្នាំទី៤ នៃការអនុវត្តកម្មវិធី SCG Sharing the Dream នៅកម្ពុជា យើងបានបង្កើនចំនួនអាហារូបករណ៍បន្ថែមចំនួន ៥០ រង្វាន់ថែមទៀត ហើយក៏បានពង្រីកវិសាលភាពកម្មវិធីនេះទៅដល់ខេត្តថ្មីមួយទៀត ដោយសារមានការចាប់អារម្មណ៍កាន់តែច្រើនចំពោះកម្មវិធីនេះក្នុងចំណោមសិស្សានុសិស្ស ហើយការដាក់ពាក្យចូលរួមក៏មានការកើនឡើងជាលំដាប់ពីមួយឆ្នាំទៅមួយឆ្នាំ ។ ដូច្នេះ នៅឆ្នាំនេះយើងផ្តល់រង្វាន់ដល់សិស្សជ័យលាភីសរុប ២៥០នាក់ ដែលមកពីខេត្ត-រាជធានីចំនួនបីគឺ រាជធានីភ្នំពេញ ខេត្តកំពត និងខេត្តកណ្តាល ។ យើងមានជំនឿក្នុងក្តីសុបិន្តរបស់យុវវ័យគ្រប់រូប ហើយយើងចង់ជួយបង្កើនឱកាសធ្វើឱ្យសុបិន្តរបស់ពួកគេក្លាយជាការពិត ។”
ឯកឧត្តមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ដែលតែងបានសម្តែងក្តីគាំទ្រយ៉ាងខ្លាំងក្លា ចំពោះការអនុវត្តកម្មវិធីនេះនៅក្នុងប្រទេសកម្ពុជា បានថ្លែងសាទរចំពោះក្រុមហ៊ុន អេស ស៊ី ជី ដែលបានបន្តលើកកម្ពស់ការអប់រំសម្រាប់សិស្សានុសិស្សកម្ពុជា ជាពិសេសតាមរយៈកម្មវិធីអាហារូបករណ៍ SCG Sharing the Dream នេះ ដែលកន្លងមកបានចូលរួមចំណែក លើកស្ទួយដោយផ្ទាល់នូវជីវភាពសិស្សវិទ្យាល័យខ្សត់ខ្សោយរាប់រយនាក់ និងជះឥទ្ធិពលជាវិជ្ជមានដោយប្រយោលដល់ មនុស្សជាច្រើនពាន់នាក់ទៀតក្នុងរយៈពេលប៉ុន្មានឆ្នាំមកនេះ ។
ឯកឧត្តម Nuttavudh Photisaro ឯកអគ្គរាជទូតវិសាមញ្ញ និងពេញសមត្ថភាពនៃស្ថានទូតថៃ ប្រចាំនៅកម្ពុជា ក៏បានសម្តែងក្តីកោតសរសើរចំពោះកម្មវិធីនេះផងដែរ និងបានគូសបញ្ជាក់ពីសារៈសំខាន់នៃការអប់រំនៅកម្រិតវិទ្យាល័យ ព្រោះវាគឺជាជំហានសំខាន់មួយសម្រាប់សិស្សជាច្រើននៅកម្ពុជា ដែលអាចជំរុញឲ្យសិស្សបន្ត និងបញ្ចប់ការសិក្សានៅថ្នាក់មហាវិទ្យាល័យ ។ ឯកឧត្តមបានថ្លែងអំណរគុណចំពោះក្រុមហ៊ុន អេស ស៊ី ជី ដែលបន្តលើកស្ទួយសិស្ស និងវិស័យអប់រំនៅកម្ពុជា ព្រមទាំងជំរុញកិច្ចសហប្រតិបត្តិការ និងការទំនាក់ទំនងល្អរវាងប្រទេសទាំងពីរ កម្ពុជា-ថៃ ។
យុវជន ឈូក សម្បត្តិ ជាសិស្សថ្នាក់ទី១២ នៅវិទ្យាល័យ ជា ស៊ីម អង្គរជ័យ ខេត្តកំពត បាននិយាយថា៖ «ជីវភាពគ្រួសារខ្ញុំមានភាពលំបាកច្រើនណាស់ គ្រួសារខ្ញុំមានការខ្វះខាតផង នៅខេត្តផង ហើយម្តាយក៏មានជំងឺទៀត ។ ខ្ញុំដឹងគុណចំពោះម្ដាយខ្ញុំណាស់ ព្រោះលោកខិតខំរកប្រាក់អោយខ្ញុំបានទៅសាលានឹងគេ ដូច្នេះខ្ញុំតែងខិតខំប្រឹងប្រែងរៀនសូត្រ និងជួយធ្វើការងារផ្សេងៗ ។ ដោយសារតែការខិតខំរបស់ខ្ញុំ ខ្ញុំបានដាក់ពាក្យនិងបានជាប់អាហារូបករណ៍ SCG Sharing the Dream នេះ ។ រង្វាន់នេះពិតជាមានតម្លៃណាស់ចំពោះខ្ញុំ និងគ្រួសារខ្ញុំ ហើយខ្ញុំសូមថ្លែងអំណរគុណដល់ក្រុមហ៊ុន អេស ស៊ី ជី ដែលបានរៀបចំកម្មវិធីនេះឡើងនៅកម្ពុជា» ។
យុវនារី វ៉ាន់ រីណា ជាសិស្សថ្នាក់ទី១២ នៅវិទ្យាល័យទួលស្វាយព្រៃ បាននិយាយថា៖ «នាងខ្ញុំ និងក្រុមគ្រួសារពិតជាអរគុណចំពោះក្រុមហ៊ុន អេស ស៊ី ជី ណាស់ ដែលបានជួយលើកកម្ពស់ឱកាសសិក្សារបស់នាងខ្ញុំ តាមរយៈកម្មវិធី SCG Sharing the Dream ។ ខ្ញុំរស់នៅជាមួយម្តាយមេម៉ាយ ដែលមានរបរកាត់ដេរបន្តិចបន្តួចនៅផ្ទះ ។ អ្នកម្តាយខិតខំធ្វើការយ៉ាងសស្រាក់សស្រាំជារៀងរាល់ថ្ងៃ ដើម្បីផ្គត់ផ្គង់គ្រួសារនិងអោយខ្ញុំបានទៅសាលារៀន ដើម្បីមានអនាគតភ្លឺស្វាងនឹងគេ ។ រង្វាន់ដែលនាងខ្ញុំទទួលបានពីកម្មវិធី SCG Sharing the Dream ឆ្នាំនេះ នឹងជួយសម្រួលបន្ទុកក្នុងគ្រួសារបានមួយចំណែកធំ ជាពិសេសទាក់ទងនឹងការបន្តការសិក្សា ដើម្បីសម្រេចក្តីសុបិន្តដើម្បីអនាគតល្អប្រសើរមួយ» ។
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
6 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
7 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
4 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
1 ថ្ងៃ
អត្ថបទពេញនិយមបន្ថែម