ជាតិ
លទ្ធផលដ៏ជោគជ័យនៃព្រឹត្តិការណ៍រត់ប្រណាំងដើម្បីបរិស្ថាន របស់សាលារៀនACE
×![]()
ដោយ: ថ្មីៗ
រាជធានីភ្នំពេញ៖ កាលពីថ្ងៃទី០៣ ខែកញ្ញា ឆ្នាំ២០១៧ នេះ ក្រសួងបរិស្ថានបានសហការជាមួយក្រសួងអប់រំយុវជន និងកីឡា និងមានការចូលរួមពី មជ្ឈមណ្ឌលអូស្ត្រាលីសម្រាប់បណ្តុះបណ្តាល(ACE) និងក្រុមការងារសង្គម IDP ACE បានរៀបចំកម្មវិធីរត់ប្រណាំងដើម្បីបរិស្ថាន ដែលមានមនុស្សជាង២០០០នាក់ បានចូលរួមរត់ប្រណាំង នៅឯពហុកីឡដ្ឋានជាតិអូឡាំពិក ដែលនេះជាលទ្ធិផលលើសពីការរំពឹងទុក ។
កម្មវិធីនេះធ្វើឡើងក្នុងគោលបំណង ដើម្បីជំរុញ លើកទឹកចិត្តដល់សិស្សានុសិស្ស និងមហាជនទាំងអស់អោយបានចូលរួមក្នុងកិច្ចគាំពារបរិស្ថាន ថែរក្សានូវអនាម័យ និងចូលរួមលើកកម្ពស់ការរស់នៅប្រកបដោយផាសុខភាព។ ការកាត់បន្ថយការប្រើប្រាស់ថង់ផ្លាស្ទិក ការទុកដាក់សំរាមឱ្យបានត្រឹមត្រូវ ធ្វើយ៉ាងណាឲ្យទីក្រុងរបស់យើងមានបរិស្ថានស្អាត ក៏ដូចជាចូលរួមថែរក្សាធនធានធម្មជាតិជីវៈចម្រុះទាំងអស់គ្នា។
គួរបញ្ជាក់ផងដែរថា កម្មវិធីរត់ដើម្បីបរិស្ថាននេះ គឺជាព្រឹត្តិការណ៍លើកទី២ហើយ ដែលបានធ្វើឡើងនៅក្នុងរាជធានីភ្នំពេញ ដើម្បីចូលរួមផ្សព្វផ្សាយ និងជំរុញអោយប្រជាពលរដ្ឋ ជាពិសេសយុវជនកម្ពុជា ផ្លាស់ប្តូរផ្នត់គំនិត និងប្រែក្លាយឥរិយាបថ ឱ្យមានទម្លាប់ល្អដោយបរិស្ថានស្អាតចាប់ពីបុគ្គលម្នាក់ៗទៅ។ អ្វីដែលគួរឲ្យកត់សម្គាល់នោះគឺ លទ្ធផលដែលទទួលបានក្រោយពីព្រឹត្តិការណ៍នេះបានបញ្ចប់គឺ មានមហាជនជាច្រើនបានចូលរួមលើសពីចំនួនដែលបានកំណត់ទៅទៀត ដែលនេះបានបញ្ជាក់ឲ្យឃើញពីការគាំទ្រដ៏ខ្លាំងក្លា និងច្រើនលើសលុប។
អ្វីដែលពិសេសនោះ គឺចំពោះថវិកាដែលបានពីការលក់សំបុត្រនេះ នឹងយកទៅទិញធុងដាក់សំរាម ដើម្បីចែកជូនសាលារៀននានានៅក្នុងរាជធានីភ្នំពេញ និងតាមបណ្តាខេត្តមួយចំនួន។
កម្មវិធីនេះធ្វើឡើងក្នុងគោលបំណង ដើម្បីជំរុញ លើកទឹកចិត្តដល់សិស្សានុសិស្ស និងមហាជនទាំងអស់អោយបានចូលរួមក្នុងកិច្ចគាំពារបរិស្ថាន ថែរក្សានូវអនាម័យ និងចូលរួមលើកកម្ពស់ការរស់នៅប្រកបដោយផាសុខភាព។ ការកាត់បន្ថយការប្រើប្រាស់ថង់ផ្លាស្ទិក ការទុកដាក់សំរាមឱ្យបានត្រឹមត្រូវ ធ្វើយ៉ាងណាឲ្យទីក្រុងរបស់យើងមានបរិស្ថានស្អាត ក៏ដូចជាចូលរួមថែរក្សាធនធានធម្មជាតិជីវៈចម្រុះទាំងអស់គ្នា។
គួរបញ្ជាក់ផងដែរថា កម្មវិធីរត់ដើម្បីបរិស្ថាននេះ គឺជាព្រឹត្តិការណ៍លើកទី២ហើយ ដែលបានធ្វើឡើងនៅក្នុងរាជធានីភ្នំពេញ ដើម្បីចូលរួមផ្សព្វផ្សាយ និងជំរុញអោយប្រជាពលរដ្ឋ ជាពិសេសយុវជនកម្ពុជា ផ្លាស់ប្តូរផ្នត់គំនិត និងប្រែក្លាយឥរិយាបថ ឱ្យមានទម្លាប់ល្អដោយបរិស្ថានស្អាតចាប់ពីបុគ្គលម្នាក់ៗទៅ។ អ្វីដែលគួរឲ្យកត់សម្គាល់នោះគឺ លទ្ធផលដែលទទួលបានក្រោយពីព្រឹត្តិការណ៍នេះបានបញ្ចប់គឺ មានមហាជនជាច្រើនបានចូលរួមលើសពីចំនួនដែលបានកំណត់ទៅទៀត ដែលនេះបានបញ្ជាក់ឲ្យឃើញពីការគាំទ្រដ៏ខ្លាំងក្លា និងច្រើនលើសលុប។
អ្វីដែលពិសេសនោះ គឺចំពោះថវិកាដែលបានពីការលក់សំបុត្រនេះ នឹងយកទៅទិញធុងដាក់សំរាម ដើម្បីចែកជូនសាលារៀននានានៅក្នុងរាជធានីភ្នំពេញ និងតាមបណ្តាខេត្តមួយចំនួន។
© រក្សាសិទ្ធិដោយ thmeythmey.com
