អន្តរជាតិ
អាមេរិកស្នើឲ្យមីយ៉ាន់ម៉ាទប់ស្កាត់ហិង្សាប្រឆាំងជនជាតិរ៉ូហ៊ីងយ៉ានៅរដ្ឋ Rakhine
×![]()
រដ្ឋបាលក្រុងវ៉ាស៊ីនតោនបានស្នើឲ្យរដ្ឋាភិបាលមីយ៉ាន់ម៉ាបញ្ឈប់ហិង្សាប្រឆាំងជនស៊ីវិល និង បើកផ្លូវឲ្យក្រុមការងារមនុស្សធម៌បញ្ជូនជំនួយទៅកាន់រដ្ឋ Rakhine ដែលបន្តរងគ្រោះដោយការប្រយុទ្ធគ្នារវាងកម្លាំងសន្តិសុខ និងក្រុមបះបោរនោះ។ អាមេរិកក៏បានថ្កោលទោសភាគីទាំងសងខាងទាំងយោធានិងក្រុមឧទ្ទាមពាក់ព័ន្ធការបង្កគ្រោះថ្នាក់ដល់ជនស៊ីវិលនោះ។
ស្របពេលដែលស្ថានការណ៍វិបត្តិនៅរដ្ឋ Rakhine កាន់តែធ្ងន់ធ្ងរនោះ សហរដ្ឋអាមេរិកបានចេញមុខស្នើឲ្យរដ្ឋាភិបាលមីយ៉ាន់ម៉ាបើកផ្លូវឲ្យក្រុមការងារមនុស្សធម៌បំពេញប្រតិបត្តិការចែកចាយជំនួយដល់ជនរងគ្រោះនៅរដ្ឋ Rakhine.
ទីភ្នាក់ងារព័ត៌មាន APF ផ្សាយថា សហរដ្ឋអាមេរិកព្រួយបារម្ភខ្លាំងពីស្ថានការណ៍ធ្ងន់ធ្ងរនៃវិបត្តិ ហើយអាមេរិករំពឹងថាអាជ្ញាធរមីយ៉ាន់ម៉ានឹងដោះស្រាយបញ្ហាជំនួយមនុស្សធម៌ឲ្យបានរហ័សព្រោះជនស៊ីវិលដែលរងគ្រោះកើនឡើងខ្លាំង។ បច្ចុប្បន្ននេះប្រជាជនរ៉ូហ៊ីងយ៉ា ១៦៤០០០នាក់បានភៀសខ្លួនទៅកាន់ទឹកដីបង់ក្លាដែសចាប់ពីថ្ងៃ ២៥ខែសីហាមកនោះ។
អ្នកនាំពាក្យក្រសួងការបរទេសអាមេរិកលោកស្រី Heather Nauert បានបញ្ជាក់ដូច្នេះ៖ « វាមានការភៀសខ្លួនរបស់ប្រជាជនច្រើនគួរឲ្យបារម្ភក្រោយមានការចោទប្រកាន់ថា ការរំលោភសិទ្ធិមនុស្សធ្ងន់ធ្ងរកើតឡើង រួមទាំងការដុតភូមិអ្នកស្រុក និងអំពើហិង្សាប្រឆាំងជនស៊ីវិលបង្កឡើងដោយក្រុមប្រដាប់អាវុធ និងទាហានរដ្ឋាភិបាល»។
តំណាងរដ្ឋាភិបាលអាមេរិករូបនេះបានបន្តថា៖« យើងក៏ថ្កោលទោសការវាយប្រហារលើកម្លាំងសន្តិសុខមីយ៉ាន់ម៉ាជាថ្មី ប៉ុន្តែយើងក៏ចូលរួមជាមួយសហគមន៍អន្តរជាតិដើម្បីស្នើឲ្យកងសន្តិសុខទប់ស្កាត់ឲ្យបានរាល់ការវាយប្រហារដែលបង្កគ្រោះថ្នាក់ដល់ប្រជាជនដែរ»។
សហរដ្ឋអាមេរិកស្នើឲ្យរដ្ឋាភិបាលក្រុងណៃពិដោ ដោះស្រាយវិបត្តិមនុស្សជាតិដ៏ធ្ងន់ធ្ងរ ដូចបណ្តាប្រទេសដទៃ និងអង្គការសិទ្ធិមនុស្សដទៃទៀតដែរ។ ប៉ុន្តែគេមិនដឹងថា រដ្ឋាភិបាលស៊ីវិលមីយ៉ាន់ម៉ានឹងមានដំណោះស្រាយបែបណាទៀតឡើយ ព្រោះបច្ចុប្បន្នគេមិនឃើញមានចំណាត់ការដុំកំភួនត្រូវបានដាក់ចេញឡើយ។
រដ្ឋាភិបាលនេះបានប្រឹងប្រែងការពារទង្វើរបស់ខ្លួននៅក្នុងរដ្ឋ Rakhine ក្រោមលេសកម្ចាត់ក្រុមបះបោរ ខណៈដែលអ្នកឃ្លាំមើលសិទ្ធិមនុស្សអះអាងថា ទាហានមីយ៉ាន់ម៉ាវាយប្រហារលើជនស៊ីវិលជាពិសេសជនជាតិរ៉ូហ៊ីងយ៉ា។ គេសង្ឃ័យថា មីយ៉ាន់ម៉ាកំពុងប្រើប្រាស់វិធីផ្សៃព្រៃនេះដើម្បីបណ្តេញប្រជាជនរ៉ូហ៊ីងយ៉ាជាជនជាតិភាគតិចគ្មានសញ្ជាតិចេញព្រោះពួកគេបន្តចាត់ទុកជនជាតិភាគតិចនេះជាជនអន្តោប្រវេសន៍ខុសច្បាប់៕
ស្របពេលដែលស្ថានការណ៍វិបត្តិនៅរដ្ឋ Rakhine កាន់តែធ្ងន់ធ្ងរនោះ សហរដ្ឋអាមេរិកបានចេញមុខស្នើឲ្យរដ្ឋាភិបាលមីយ៉ាន់ម៉ាបើកផ្លូវឲ្យក្រុមការងារមនុស្សធម៌បំពេញប្រតិបត្តិការចែកចាយជំនួយដល់ជនរងគ្រោះនៅរដ្ឋ Rakhine.
ទីភ្នាក់ងារព័ត៌មាន APF ផ្សាយថា សហរដ្ឋអាមេរិកព្រួយបារម្ភខ្លាំងពីស្ថានការណ៍ធ្ងន់ធ្ងរនៃវិបត្តិ ហើយអាមេរិករំពឹងថាអាជ្ញាធរមីយ៉ាន់ម៉ានឹងដោះស្រាយបញ្ហាជំនួយមនុស្សធម៌ឲ្យបានរហ័សព្រោះជនស៊ីវិលដែលរងគ្រោះកើនឡើងខ្លាំង។ បច្ចុប្បន្ននេះប្រជាជនរ៉ូហ៊ីងយ៉ា ១៦៤០០០នាក់បានភៀសខ្លួនទៅកាន់ទឹកដីបង់ក្លាដែសចាប់ពីថ្ងៃ ២៥ខែសីហាមកនោះ។
អ្នកនាំពាក្យក្រសួងការបរទេសអាមេរិកលោកស្រី Heather Nauert បានបញ្ជាក់ដូច្នេះ៖ « វាមានការភៀសខ្លួនរបស់ប្រជាជនច្រើនគួរឲ្យបារម្ភក្រោយមានការចោទប្រកាន់ថា ការរំលោភសិទ្ធិមនុស្សធ្ងន់ធ្ងរកើតឡើង រួមទាំងការដុតភូមិអ្នកស្រុក និងអំពើហិង្សាប្រឆាំងជនស៊ីវិលបង្កឡើងដោយក្រុមប្រដាប់អាវុធ និងទាហានរដ្ឋាភិបាល»។
តំណាងរដ្ឋាភិបាលអាមេរិករូបនេះបានបន្តថា៖« យើងក៏ថ្កោលទោសការវាយប្រហារលើកម្លាំងសន្តិសុខមីយ៉ាន់ម៉ាជាថ្មី ប៉ុន្តែយើងក៏ចូលរួមជាមួយសហគមន៍អន្តរជាតិដើម្បីស្នើឲ្យកងសន្តិសុខទប់ស្កាត់ឲ្យបានរាល់ការវាយប្រហារដែលបង្កគ្រោះថ្នាក់ដល់ប្រជាជនដែរ»។
សហរដ្ឋអាមេរិកស្នើឲ្យរដ្ឋាភិបាលក្រុងណៃពិដោ ដោះស្រាយវិបត្តិមនុស្សជាតិដ៏ធ្ងន់ធ្ងរ ដូចបណ្តាប្រទេសដទៃ និងអង្គការសិទ្ធិមនុស្សដទៃទៀតដែរ។ ប៉ុន្តែគេមិនដឹងថា រដ្ឋាភិបាលស៊ីវិលមីយ៉ាន់ម៉ានឹងមានដំណោះស្រាយបែបណាទៀតឡើយ ព្រោះបច្ចុប្បន្នគេមិនឃើញមានចំណាត់ការដុំកំភួនត្រូវបានដាក់ចេញឡើយ។
រដ្ឋាភិបាលនេះបានប្រឹងប្រែងការពារទង្វើរបស់ខ្លួននៅក្នុងរដ្ឋ Rakhine ក្រោមលេសកម្ចាត់ក្រុមបះបោរ ខណៈដែលអ្នកឃ្លាំមើលសិទ្ធិមនុស្សអះអាងថា ទាហានមីយ៉ាន់ម៉ាវាយប្រហារលើជនស៊ីវិលជាពិសេសជនជាតិរ៉ូហ៊ីងយ៉ា។ គេសង្ឃ័យថា មីយ៉ាន់ម៉ាកំពុងប្រើប្រាស់វិធីផ្សៃព្រៃនេះដើម្បីបណ្តេញប្រជាជនរ៉ូហ៊ីងយ៉ាជាជនជាតិភាគតិចគ្មានសញ្ជាតិចេញព្រោះពួកគេបន្តចាត់ទុកជនជាតិភាគតិចនេះជាជនអន្តោប្រវេសន៍ខុសច្បាប់៕
Tag:
អាមេរិក
រ៉ូហ៊ីងយ៉ា
Heather Nauert
© រក្សាសិទ្ធិដោយ thmeythmey.com
