អន្តរជាតិ
កូរ៉េខាងជើងជប់លៀងជោគជ័យការសាកល្បងគ្រាប់អ៊ីដ្រូសែន ឯអាមេរិករកផ្លូវដាក់ទណ្ឌកម្មបន្ថែម
×![]()
ដោយ: តន ចាន់រិទ្ធារ៉ា
កូរ៉េខាងជើងបានរៀបចំពិធីជប់លៀងដ៏ធំមួយ ដើម្បីអបអរជោគជ័យក្នុងការសាកល្បងគ្រាប់បែកអ៊ីដ្រូសែនកាលពីសប្ដាហ៍មុន។ មេដឹកនាំកំពូលកូរ៉េខាងជើង គីម ជុងអ៊ុន ចាត់ទុកការសាកល្បងនេះ គឺជាជោគជ័យដ៏ត្រចះត្រចង់សម្រាប់ប្រទេសជាតិ និងបានសរសើរក្រុមអ្នកវិទ្យាសាស្ត្រដែលរួមចំណែកក្នុងកិច្ចការនេះដែរ។ នៅឯក្រុងញូវយ៉កឯណោះវិញ អាមេរិកកំពុងរកផ្លូវដាក់ទណ្ឌកម្មលើកូរ៉េខាងជើងជុំវិញការសាកល្បងលើកនេះ។
មេដឹកនាំកូរ៉េខាងជើង គីម ជុងអ៊ុន បានបង្ហាញវត្តមានក្នុងពិធីជប់លៀងអបអរការធ្វើតេស្តគ្រាប់បែកអ៊ីដ្រូសែនដោយជោគជ័យ។ នេះបើតាមការផ្សាយរបស់សារព័ត៌មានរដ្ឋកូរ៉េខាងជើង KCNA ផ្សាយនៅថ្ងៃទី១០ ខែកញ្ញានេះ ដោយបន្តថា លោក គីម ជុងអ៊ុន បានកោតសរសើរមន្ត្រីយោធា និងអ្នកវិទ្យាសាស្ត្រកូរ៉េខាងជើង ដែលប្រឹងប្រែងធ្វើឲ្យការសាកល្បងគ្រាប់អ៊ីដ្រូសែនពេលនេះ ទទួលបានជោគជ័យអស្ចារ្យ។
កូរ៉េខាងជើងបានសាកល្បងគ្រាប់បែកអ៊ីដ្រូសែនកាលពីថ្ងៃទី៣ ខែកញ្ញា នៅឯទីតាំងសាកល្បង Punggye-ri ។ វាជាការសាកល្បងលើកទី៦ របស់កូរ៉េខាងជើង និងត្រូវបានចាត់ទុកជាគ្រាប់បែកដែលមានកម្លាំងខ្លាំងជាងការសាកល្បងលើកមុនៗ។ កូរ៉េខាងជើងនិយាយថា គ្រាប់បែកអ៊ីដ្រូសែននេះត្រូវបានផលិតដោយអ្នកវិទ្យាសាស្ត្រក្នុងស្រុកសុទ្ធសាធ ហើយអាចបំពាក់លើមីស៊ីលរំលងទ្វីបដែលអាចបាញ់ដល់ទឹកដីអាមេរិក។
យោងតាមទីភ្នាក់ងារព័ត៌មាន Yonhap ពិធីជប់លៀងខាងលើអាចរៀបចំនៅថ្ងៃទី៩ ខែកញ្ញា ដែលជាទិវាលើកទី៦៩ នៃការបង្កើតរបបដឹកនាំកូរ៉េខាងជើង។ ការសាកល្បងចុងក្រោយនេះ បង្កជាភាពតានតឹងនៅក្នុងតំបន់ ខណៈដែលអាមេរិកឯណោះកំពុងរកផ្លូវដាក់ទណ្ឌកម្មថ្មីៗទៀត។ ក្រុងវ៉ាស៊ីនតោនចង់កាត់ផ្ដាច់ការផ្គត់ផ្គង់ប្រេងទៅកាន់កូរ៉េខាងជើង ក៏ដូចជាបង្កកទ្រព្យសម្បត្តិរបស់លោក គីម ជុងអ៊ុន ទៀត។
នៅថ្ងៃទី៨ ខែកញ្ញា តំណាងអាមេរិកប្រចាំអង្គការសហប្រជាជាតិ និយាយថាខ្លួនមានបំណងកោះប្រជុំក្រុមប្រឹក្សាសន្តិសុខនៅថ្ងៃទី១១ ខែកញ្ញា ដើម្បីអនុម័តលើទណ្ឌកម្មដែលខ្លួនបានរៀបចំជាស្រេច។ បន្ថែមពីលើនេះ អាមេរិកក៏ចង់ឲ្យមានការដាក់ទណ្ឌកម្មលើឧស្សាហកម្មវាយនភណ្ឌរបស់កូរ៉េខាងជើង សំដៅកាត់ផ្ដាច់ប្រភពហិរញ្ញវត្ថុរបស់រដ្ឋកុម្មុយនីស្តមួយនេះ។
យ៉ាងណាក្ដី ចិន និងរុស្ស៊ី ដែលជាសម្ព័ន្ធមិត្តជិតស្និទ្ធរបស់របបដឹកនាំក្រុងព្យុងយ៉ាង ទំនងជាបោះឆ្នោតប្រឆាំងសំណើទណ្ឌកម្មថ្មីទាំងអស់របស់អាមេរិក លើកលែងតែការទណ្ឌកម្មលើវិស័យវាយនភណ្ឌប៉ុណ្ណោះ។ តាំងពីដើមមក ចិន និងរុស្ស៊ី មិនពេញចិត្តការដាក់ទណ្ឌកម្មលើកូរ៉េខាងជើងឡើយ ដោយអះអាងថាជារឿងគ្មានបានការ។ ប៉ុន្តែទង្វើគឃ្លើនរបស់កូរ៉េខាងជើង ក៏បង្ខំឲ្យមហាអំណាចទាំងពីរបោះឆ្នោតស្របតាមការចង់បានរបស់អាមេរិកដែរ៕
មេដឹកនាំកូរ៉េខាងជើង គីម ជុងអ៊ុន បានបង្ហាញវត្តមានក្នុងពិធីជប់លៀងអបអរការធ្វើតេស្តគ្រាប់បែកអ៊ីដ្រូសែនដោយជោគជ័យ។ នេះបើតាមការផ្សាយរបស់សារព័ត៌មានរដ្ឋកូរ៉េខាងជើង KCNA ផ្សាយនៅថ្ងៃទី១០ ខែកញ្ញានេះ ដោយបន្តថា លោក គីម ជុងអ៊ុន បានកោតសរសើរមន្ត្រីយោធា និងអ្នកវិទ្យាសាស្ត្រកូរ៉េខាងជើង ដែលប្រឹងប្រែងធ្វើឲ្យការសាកល្បងគ្រាប់អ៊ីដ្រូសែនពេលនេះ ទទួលបានជោគជ័យអស្ចារ្យ។
កូរ៉េខាងជើងបានសាកល្បងគ្រាប់បែកអ៊ីដ្រូសែនកាលពីថ្ងៃទី៣ ខែកញ្ញា នៅឯទីតាំងសាកល្បង Punggye-ri ។ វាជាការសាកល្បងលើកទី៦ របស់កូរ៉េខាងជើង និងត្រូវបានចាត់ទុកជាគ្រាប់បែកដែលមានកម្លាំងខ្លាំងជាងការសាកល្បងលើកមុនៗ។ កូរ៉េខាងជើងនិយាយថា គ្រាប់បែកអ៊ីដ្រូសែននេះត្រូវបានផលិតដោយអ្នកវិទ្យាសាស្ត្រក្នុងស្រុកសុទ្ធសាធ ហើយអាចបំពាក់លើមីស៊ីលរំលងទ្វីបដែលអាចបាញ់ដល់ទឹកដីអាមេរិក។
យោងតាមទីភ្នាក់ងារព័ត៌មាន Yonhap ពិធីជប់លៀងខាងលើអាចរៀបចំនៅថ្ងៃទី៩ ខែកញ្ញា ដែលជាទិវាលើកទី៦៩ នៃការបង្កើតរបបដឹកនាំកូរ៉េខាងជើង។ ការសាកល្បងចុងក្រោយនេះ បង្កជាភាពតានតឹងនៅក្នុងតំបន់ ខណៈដែលអាមេរិកឯណោះកំពុងរកផ្លូវដាក់ទណ្ឌកម្មថ្មីៗទៀត។ ក្រុងវ៉ាស៊ីនតោនចង់កាត់ផ្ដាច់ការផ្គត់ផ្គង់ប្រេងទៅកាន់កូរ៉េខាងជើង ក៏ដូចជាបង្កកទ្រព្យសម្បត្តិរបស់លោក គីម ជុងអ៊ុន ទៀត។
នៅថ្ងៃទី៨ ខែកញ្ញា តំណាងអាមេរិកប្រចាំអង្គការសហប្រជាជាតិ និយាយថាខ្លួនមានបំណងកោះប្រជុំក្រុមប្រឹក្សាសន្តិសុខនៅថ្ងៃទី១១ ខែកញ្ញា ដើម្បីអនុម័តលើទណ្ឌកម្មដែលខ្លួនបានរៀបចំជាស្រេច។ បន្ថែមពីលើនេះ អាមេរិកក៏ចង់ឲ្យមានការដាក់ទណ្ឌកម្មលើឧស្សាហកម្មវាយនភណ្ឌរបស់កូរ៉េខាងជើង សំដៅកាត់ផ្ដាច់ប្រភពហិរញ្ញវត្ថុរបស់រដ្ឋកុម្មុយនីស្តមួយនេះ។
យ៉ាងណាក្ដី ចិន និងរុស្ស៊ី ដែលជាសម្ព័ន្ធមិត្តជិតស្និទ្ធរបស់របបដឹកនាំក្រុងព្យុងយ៉ាង ទំនងជាបោះឆ្នោតប្រឆាំងសំណើទណ្ឌកម្មថ្មីទាំងអស់របស់អាមេរិក លើកលែងតែការទណ្ឌកម្មលើវិស័យវាយនភណ្ឌប៉ុណ្ណោះ។ តាំងពីដើមមក ចិន និងរុស្ស៊ី មិនពេញចិត្តការដាក់ទណ្ឌកម្មលើកូរ៉េខាងជើងឡើយ ដោយអះអាងថាជារឿងគ្មានបានការ។ ប៉ុន្តែទង្វើគឃ្លើនរបស់កូរ៉េខាងជើង ក៏បង្ខំឲ្យមហាអំណាចទាំងពីរបោះឆ្នោតស្របតាមការចង់បានរបស់អាមេរិកដែរ៕
Tag:
កូរ៉េខាងជើង
អាមេរិក
នុយក្លេអ៊ែរ
© រក្សាសិទ្ធិដោយ thmeythmey.com
