អន្តរជាតិ
នាយករដ្ឋមន្ត្រីម៉ាឡេស៊ីចោទក្រុមប្រឆាំងថាប្រើសារព័ត៌មានអាមេរិកដើម្បីបំបាក់មុខមាត់ប្រទេសជាតិ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានរិះគន់ក្រុមបក្សប្រឆាំង និងសម្ព័ន្ធមិត្តរបស់ពួកគេ ដែលបានប្រើប្រាស់សារព័ត៌មានបរទេស វាយប្រហារមុខមាត់ប្រទេសជាតិ។ ដោយទាត់ចោលការចោទប្រកាន់ថាម៉ាឡេស៊ីកំពុងឈានទៅរករបបផ្ដាច់ការ លោក ណាជីប និយាយថា ប្រជាធិបតេយ្យកំពុងលូតលាស់ពេញលេញនៅម៉ាឡេស៊ី ហើយប្រជាជនទាំងអស់ រួមទាំងក្រុមប្រឆាំងផង សុទ្ធតែមានសិទ្ធិសេរីភាពបញ្ចេញមតិដោយគ្មានការរឹតត្បិតអ្វីទេ។
នៅមុនដំណើរទៅកាន់អាមេរិក ប្រមុខរដ្ឋាភិបាលម៉ាឡេស៊ី ណាជីប រ៉ាហ្សាក់ បាននិយាយពីការរីកចម្រើនលទ្ធិប្រជាធិបតេយ្យនៅម៉ាឡេស៊ី ក្រោមការដឹកនាំរបស់លោក ខណៈដែលក្រុមប្រឆាំងនិយាយថាម៉ាឡេស៊ីកំពុងស្ថិតលើផ្លូវទៅកាន់របបផ្ដាច់ការ។ លោក ណាជីប ក៏បានចោទក្រុមប្រឆាំង និងបក្សពួកថាបានប្រើប្រាស់ប្រព័ន្ធផ្សព្វផ្សាយអាមេរិក ដើម្បីបង្ខូចមុខមាត់ប្រទេសជាតិ ខណៈដែលពួកគេអាចនិយាយស្ដីគ្រប់យ៉ាង។
លោក ណាជីប ត្រូវទស្សនកិច្ចនៅអាមេរិក ចាប់ពីថ្ងៃទី១១ ដល់ថ្ងៃទី១៣ ខែកញ្ញា តាមការអញ្ជើញរបស់ប្រធានាធិបតី ដូណាល់ ត្រាំ ។ នៅមុនទស្សនកិច្ចនេះ សារព័ត៌មានអាមេរិកមួយចំនួនបានសរសេរវាយប្រហាររដ្ឋាភិបាលរបស់លោកដូចជាករណីពុករលួយ និងការបាត់បង់ប្រជាធិបតេយ្យនៅម៉ាឡេស៊ីជាដើម។ លោក ណាជីប និយាយថា ក្រុមប្រឆាំងគឺជាអ្នកនៅពីក្រោយព័ត៌មានទាំងនេះ ដែលលោកយល់ថាជាការបំបាក់មុខជាតិ។
ឆ្លើយតបការចោទរបស់ក្រុមប្រឆាំង នាយករដ្ឋមន្ត្រីម៉ាឡេស៊ីរូបនេះបានសរសេរលើប្លុក (Blog) របស់លោកថា ការចោទប្រកាន់ ឬការនិយាយរិះគន់រដ្ឋាភិបាលខ្លាំងៗ និងជាចំហពីសំណាក់ក្រុមប្រឆាំង គឺជាភស្តុតាងបង្ហាញពីការដើរទៅមុខនៃប្រជាធិបតេយ្យ និងការរីកចម្រើនៃសេរីភាពបញ្ចេញមតិដែលប្រជាជនម៉ាឡេស៊ីមាន។ លោកបន្តថា រដ្ឋាភិបាលលោកក៏មានការជឿជាក់លើលទ្ធិប្រជាធិបតេយ្យ និងសិទ្ធិនៃការនិយាយស្ដីរបស់ប្រជាជន។
បើតាមមេដឹកនាំម៉ាឡេស៊ីរូបនេះ លទ្ធិប្រជាធិបតេយ្យនៅម៉ាឡេស៊ីក្រោមការដឹកនាំរបស់លោក មានលក្ខណៈល្អប្រសើរជាងគេចាប់តាំងពីការទទួលបានឯករាជ្យមក។ លោក ណាជីប បានលើកឧទាហរណ៍ដូចជាការកែប្រែច្បាប់សន្តិសុខផ្ទៃក្នុង និងការលុបចោលច្បាប់ដាក់ប្រទេសក្នុងស្ថានភាពអាសន្ន ដែលត្រូវបានប្រើប្រាស់អស់ពេល៦០ឆ្នាំមកហើយនោះ ជាសញ្ញានៃការទៅមុខនៃប្រជាធិបតេយ្យនៅម៉ាឡេស៊ី។
លើសពីនោះ លោក ណាជីប ក៏បានរិះគន់អតីតនាយករដ្ឋមន្ត្រី មហាធៀ មហាម៉ាត់ ដែលជាអតីតមេកើយរបស់លោក តែបច្ចុប្បន្នក្លាយជាអ្នករិះគន់លោកមិនសំចៃមាត់ឡើយ។ លោក ណាជីប អះអាងថា លោក មហាធៀ ដែលកាន់តំណែងអស់ពេល២២ឆ្នាំ បានសារភាពនាពេលកន្លងមកពីការដឹកនាំបែបផ្ដាច់ការរបស់ខ្លួន ដោយមនុស្សជាច្រើនត្រូវបានចាប់ឃុំខ្លួនដោយសារតែច្បាប់សន្តិសុខផ្ទៃក្នុង ដែលលោកផ្ទាល់ជាអ្នកកែប្រែពេលក្រោយនេះ៕
នៅមុនដំណើរទៅកាន់អាមេរិក ប្រមុខរដ្ឋាភិបាលម៉ាឡេស៊ី ណាជីប រ៉ាហ្សាក់ បាននិយាយពីការរីកចម្រើនលទ្ធិប្រជាធិបតេយ្យនៅម៉ាឡេស៊ី ក្រោមការដឹកនាំរបស់លោក ខណៈដែលក្រុមប្រឆាំងនិយាយថាម៉ាឡេស៊ីកំពុងស្ថិតលើផ្លូវទៅកាន់របបផ្ដាច់ការ។ លោក ណាជីប ក៏បានចោទក្រុមប្រឆាំង និងបក្សពួកថាបានប្រើប្រាស់ប្រព័ន្ធផ្សព្វផ្សាយអាមេរិក ដើម្បីបង្ខូចមុខមាត់ប្រទេសជាតិ ខណៈដែលពួកគេអាចនិយាយស្ដីគ្រប់យ៉ាង។
លោក ណាជីប ត្រូវទស្សនកិច្ចនៅអាមេរិក ចាប់ពីថ្ងៃទី១១ ដល់ថ្ងៃទី១៣ ខែកញ្ញា តាមការអញ្ជើញរបស់ប្រធានាធិបតី ដូណាល់ ត្រាំ ។ នៅមុនទស្សនកិច្ចនេះ សារព័ត៌មានអាមេរិកមួយចំនួនបានសរសេរវាយប្រហាររដ្ឋាភិបាលរបស់លោកដូចជាករណីពុករលួយ និងការបាត់បង់ប្រជាធិបតេយ្យនៅម៉ាឡេស៊ីជាដើម។ លោក ណាជីប និយាយថា ក្រុមប្រឆាំងគឺជាអ្នកនៅពីក្រោយព័ត៌មានទាំងនេះ ដែលលោកយល់ថាជាការបំបាក់មុខជាតិ។
ឆ្លើយតបការចោទរបស់ក្រុមប្រឆាំង នាយករដ្ឋមន្ត្រីម៉ាឡេស៊ីរូបនេះបានសរសេរលើប្លុក (Blog) របស់លោកថា ការចោទប្រកាន់ ឬការនិយាយរិះគន់រដ្ឋាភិបាលខ្លាំងៗ និងជាចំហពីសំណាក់ក្រុមប្រឆាំង គឺជាភស្តុតាងបង្ហាញពីការដើរទៅមុខនៃប្រជាធិបតេយ្យ និងការរីកចម្រើនៃសេរីភាពបញ្ចេញមតិដែលប្រជាជនម៉ាឡេស៊ីមាន។ លោកបន្តថា រដ្ឋាភិបាលលោកក៏មានការជឿជាក់លើលទ្ធិប្រជាធិបតេយ្យ និងសិទ្ធិនៃការនិយាយស្ដីរបស់ប្រជាជន។
បើតាមមេដឹកនាំម៉ាឡេស៊ីរូបនេះ លទ្ធិប្រជាធិបតេយ្យនៅម៉ាឡេស៊ីក្រោមការដឹកនាំរបស់លោក មានលក្ខណៈល្អប្រសើរជាងគេចាប់តាំងពីការទទួលបានឯករាជ្យមក។ លោក ណាជីប បានលើកឧទាហរណ៍ដូចជាការកែប្រែច្បាប់សន្តិសុខផ្ទៃក្នុង និងការលុបចោលច្បាប់ដាក់ប្រទេសក្នុងស្ថានភាពអាសន្ន ដែលត្រូវបានប្រើប្រាស់អស់ពេល៦០ឆ្នាំមកហើយនោះ ជាសញ្ញានៃការទៅមុខនៃប្រជាធិបតេយ្យនៅម៉ាឡេស៊ី។
លើសពីនោះ លោក ណាជីប ក៏បានរិះគន់អតីតនាយករដ្ឋមន្ត្រី មហាធៀ មហាម៉ាត់ ដែលជាអតីតមេកើយរបស់លោក តែបច្ចុប្បន្នក្លាយជាអ្នករិះគន់លោកមិនសំចៃមាត់ឡើយ។ លោក ណាជីប អះអាងថា លោក មហាធៀ ដែលកាន់តំណែងអស់ពេល២២ឆ្នាំ បានសារភាពនាពេលកន្លងមកពីការដឹកនាំបែបផ្ដាច់ការរបស់ខ្លួន ដោយមនុស្សជាច្រើនត្រូវបានចាប់ឃុំខ្លួនដោយសារតែច្បាប់សន្តិសុខផ្ទៃក្នុង ដែលលោកផ្ទាល់ជាអ្នកកែប្រែពេលក្រោយនេះ៕
Tag:
ម៉ាឡេស៊ី
អាមេរិក
ណាជីប រ៉ាហ្សាក់
© រក្សាសិទ្ធិដោយ thmeythmey.com
