អន្តរជាតិ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បាននិយាយថា ម៉ាឡេស៊ី គឺជាមិត្តគួរឲ្យទុកចិត្តសម្រាប់អាមេរិក ដោយអាមេរិកអាចពឹងពាក់ម៉ាឡេស៊ីបានក្នុងការរក្សាស្ថិរភាព និងសន្តិភាពនៅជុំវិញពិភពលោក។ លោក ណាជីប និយាយបែបនេះពេលទៅដល់ទឹកដីអាមេរិក ដើម្បីទស្សនកិច្ចបីថ្ងៃនៅទីនោះតាមការអញ្ជើញរបស់ប្រធានាធិបតី ដូណាល់ ត្រាំ ។
មេដឹកនាំម៉ាឡេស៊ីបានប្រកាសជំហរបន្តប្រកៀកស្មាជាមួយអាមេរិក ក្នុងការថែរក្សាស្ថិរភាព សន្តិភាព និងសុខដុមរមនីយកម្មក្នុងសតវត្សរ៍ទី២១ នេះ។ នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានសរសេរក្នុងអត្ថបទចុះផ្សាយលើសារព័ត៌មានអាមេរិក The Hill ថា អាមេរិកអាចចាត់ទុកម៉ាឡេស៊ី ជាមិត្តភក្តិស្មោះត្រង់ មិនប្រែប្រួល ហើយម៉ាឡេស៊ីអាចចាប់ដៃជាមួយអាមេរិកក្នុងការប្រយុទ្ធប្រឆាំងភេរវកម្មនិយមដែរ។
លោក ណាជីប ដែលកំពុងស្ថិតលើទឹកដីអាមេរិក បាននិយាយថា សត្រូវរបស់អាមេរិក ដែលប្រើប្រាស់សាសនាឥស្លាមដើម្បីបុព្វហេតុផ្ទាល់ខ្លួន ក៏ជាសត្រូវរបស់ម៉ាឡេស៊ីដែរ។ ពោល គឺម៉ាឡេស៊ីមានការប្ដេជ្ញាចិត្តក្នុងការប្រយុទ្ធប្រឆាំងអំពើជ្រុលនិយម និងភេរវកម្ម។ នេះបើតាមការផ្សាយរបស់សារព័ត៌មានម៉ាឡេស៊ី The Malay One Online ដែលបន្តថា លោក ណាជីប នឹងជួបប្រធានាធិបតី ដូណាល់ ត្រាំ នៅថ្ងៃទី១២ ខែកញ្ញា ដើម្បីពិភាក្សាទំនាក់ទំនងទ្វេភាគី។
ជុំវិញចំណងការទូតទ្វេភាគីរយៈពេល៦០ឆ្នាំ នាយករដ្ឋមន្ត្រីម៉ាឡេស៊ីរូបនេះអះអាងថាទំនាក់ទំនងរវាងម៉ាឡេស៊ី និងអាមេរិក មិនមែនមានត្រឹមតែការធ្វើពាណិជ្ជកម្ម និងវិនិយោគទេ តែឈានដល់ការធ្វើកិច្ចសហប្រតិបត្តិការលើវិស័យនយោបាយ អប់រំ សន្តិសុខ ក៏ដូចជាទំនាក់ទំនងរវាងប្រជាជន និងប្រជាជនផងដែរ។ លើសពីនេះ លោក ណាជីប ចាត់ទុកការរួមដៃគ្នាប្រយុទ្ធប្រឆាំងក្រុមភេរវករ គឺជាឧទាហរណ៍ដ៏ល្អបង្ហាញពីទំនាក់ទំនងល្អរវាងប្រទេសទាំងពីរ។
ជាសារបង្ហាញពីជំហរងាកទៅរកអាមេរិក លោក ណាជីប ដែលរងការចោទប្រកាន់ថាកំពុងដឹកនាំម៉ាឡេស៊ីទៅកាន់របបផ្ដាច់ការ រំពឹងដែរថា ទំនាក់ទំនងទ្វេភាគីដែលកំពុងល្អស្រាប់ នឹងកាន់តែរឹងមាំបន្ថែមទៀតអំឡុងពេលទស្សនកិច្ចរបស់លោក។ ប្រមុខរដ្ឋាភិបាលម៉ាឡេស៊ីក៏បានធានាថា ម៉ាឡេស៊ីនឹងបន្តឈរជាមួយអាមេរិកក្នុងយុទ្ធនាការបោសសម្អាតក្រុមភេរវករជ្រុលនិយមដែលព្យាយាមបំផ្លិចបំផ្លាញតម្លៃមនុស្សជាតិ។
«ប្រសិនបើអាមេរិកមានបំណងស្វែងរកដៃគូសម្រាប់សន្តិភាព និងស្ថិរភាពនៅពេលខាងមុខនោះ អាមេរិកមានម៉ាឡេស៊ីដែលជាមិត្តភក្តិដ៏ស្មោះត្រង់បំផុត»។ នេះជាការសន្យារបស់នាយករដ្ឋមន្ត្រីម៉ាឡេស៊ី ដែលនៅតែចង់ក្រសោបអាមេរិកដដែល ទោះជាកន្លងមក ម៉ាឡេស៊ីហាក់បោះដៃទៅរកចិនខ្លាំងជាងអាមេរិកក៏ដោយ៕
មេដឹកនាំម៉ាឡេស៊ីបានប្រកាសជំហរបន្តប្រកៀកស្មាជាមួយអាមេរិក ក្នុងការថែរក្សាស្ថិរភាព សន្តិភាព និងសុខដុមរមនីយកម្មក្នុងសតវត្សរ៍ទី២១ នេះ។ នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានសរសេរក្នុងអត្ថបទចុះផ្សាយលើសារព័ត៌មានអាមេរិក The Hill ថា អាមេរិកអាចចាត់ទុកម៉ាឡេស៊ី ជាមិត្តភក្តិស្មោះត្រង់ មិនប្រែប្រួល ហើយម៉ាឡេស៊ីអាចចាប់ដៃជាមួយអាមេរិកក្នុងការប្រយុទ្ធប្រឆាំងភេរវកម្មនិយមដែរ។
លោក ណាជីប ដែលកំពុងស្ថិតលើទឹកដីអាមេរិក បាននិយាយថា សត្រូវរបស់អាមេរិក ដែលប្រើប្រាស់សាសនាឥស្លាមដើម្បីបុព្វហេតុផ្ទាល់ខ្លួន ក៏ជាសត្រូវរបស់ម៉ាឡេស៊ីដែរ។ ពោល គឺម៉ាឡេស៊ីមានការប្ដេជ្ញាចិត្តក្នុងការប្រយុទ្ធប្រឆាំងអំពើជ្រុលនិយម និងភេរវកម្ម។ នេះបើតាមការផ្សាយរបស់សារព័ត៌មានម៉ាឡេស៊ី The Malay One Online ដែលបន្តថា លោក ណាជីប នឹងជួបប្រធានាធិបតី ដូណាល់ ត្រាំ នៅថ្ងៃទី១២ ខែកញ្ញា ដើម្បីពិភាក្សាទំនាក់ទំនងទ្វេភាគី។
ជុំវិញចំណងការទូតទ្វេភាគីរយៈពេល៦០ឆ្នាំ នាយករដ្ឋមន្ត្រីម៉ាឡេស៊ីរូបនេះអះអាងថាទំនាក់ទំនងរវាងម៉ាឡេស៊ី និងអាមេរិក មិនមែនមានត្រឹមតែការធ្វើពាណិជ្ជកម្ម និងវិនិយោគទេ តែឈានដល់ការធ្វើកិច្ចសហប្រតិបត្តិការលើវិស័យនយោបាយ អប់រំ សន្តិសុខ ក៏ដូចជាទំនាក់ទំនងរវាងប្រជាជន និងប្រជាជនផងដែរ។ លើសពីនេះ លោក ណាជីប ចាត់ទុកការរួមដៃគ្នាប្រយុទ្ធប្រឆាំងក្រុមភេរវករ គឺជាឧទាហរណ៍ដ៏ល្អបង្ហាញពីទំនាក់ទំនងល្អរវាងប្រទេសទាំងពីរ។
ជាសារបង្ហាញពីជំហរងាកទៅរកអាមេរិក លោក ណាជីប ដែលរងការចោទប្រកាន់ថាកំពុងដឹកនាំម៉ាឡេស៊ីទៅកាន់របបផ្ដាច់ការ រំពឹងដែរថា ទំនាក់ទំនងទ្វេភាគីដែលកំពុងល្អស្រាប់ នឹងកាន់តែរឹងមាំបន្ថែមទៀតអំឡុងពេលទស្សនកិច្ចរបស់លោក។ ប្រមុខរដ្ឋាភិបាលម៉ាឡេស៊ីក៏បានធានាថា ម៉ាឡេស៊ីនឹងបន្តឈរជាមួយអាមេរិកក្នុងយុទ្ធនាការបោសសម្អាតក្រុមភេរវករជ្រុលនិយមដែលព្យាយាមបំផ្លិចបំផ្លាញតម្លៃមនុស្សជាតិ។
«ប្រសិនបើអាមេរិកមានបំណងស្វែងរកដៃគូសម្រាប់សន្តិភាព និងស្ថិរភាពនៅពេលខាងមុខនោះ អាមេរិកមានម៉ាឡេស៊ីដែលជាមិត្តភក្តិដ៏ស្មោះត្រង់បំផុត»។ នេះជាការសន្យារបស់នាយករដ្ឋមន្ត្រីម៉ាឡេស៊ី ដែលនៅតែចង់ក្រសោបអាមេរិកដដែល ទោះជាកន្លងមក ម៉ាឡេស៊ីហាក់បោះដៃទៅរកចិនខ្លាំងជាងអាមេរិកក៏ដោយ៕
Tag:
ម៉ាឡេស៊ី
អាមេរិក
ណាជីប រ៉ាហ្សាក់
© រក្សាសិទ្ធិដោយ thmeythmey.com
