ជាតិ
កម្ពុជាត្រៀមរៀបចំសំណើសុំពន្ធសេរី-កូតាសេរីពីអាមេរិក សម្រាប់ផលិតស្បែកជើង
×![]()
ភ្នំពេញ៖ ក្រសួងពាណិជ្ជកម្ម បានរៀបចំកិច្ចប្រជុំមួយនៅទីស្តីក្រសួងពាណិជ្ជកម្មកាលពីចុងសប្តាហ៍កន្លងទៅ ដើម្បីត្រៀមរៀបចំសំណើរសុំពន្ធសេរី-កូតាសេរី(Duty Free- Quota Free, DFQF) ពីសហរដ្ឋអាមេរិកសម្រាប់ផលិតផលស្បែកជើង។
ក្រសួងពាណិជ្ជកម្មកម្ពុជា បានបើកកិច្ចប្រជុំមួយ ជាមួយសមាគមរោងចក្រកាត់ដេរនៅកម្ពុជា(GMAC) ដើម្បីរួមគ្នាត្រៀមខ្លួនក្នុងការស្នើសុំពន្ធសេរី-កូតាសេរីពីសហរដ្ឋអាមេរិក សម្រាប់ផលិតផលស្បែកជើង។ បើការស្នើសុំ DFQF នេះសម្រេចបាន នោះនឹងផ្តល់ផលប្រយោជន៍ជាច្រើនដល់កម្ពុជា និងបណ្តារោងចក្រនៅកម្ពុជា ដែលជាការបង្កើនចង្វាក់ផលិតកម្មផលិតផលស្បែកជើង សម្រាប់នាំចេញទៅទីផ្សារអាមេរិកក្នុងអាត្រាពន្ធសូន្យ និងមិនមានកំណត់កូតា។ នេះបើយោងតាមទំព័រហ្វេសប៊ុកផ្លូវការរបស់ក្រសួងពាណិជ្ជកម្ម។
លោក ឱក ប៊ុង រដ្ឋលេខាធិការក្រសួងពាណិជ្ជកម្ម ដែលបានដឹកនាំកិច្ចប្រជុំនេះ បានថ្លែងថា ក្រសួងពាណិជ្ជកម្មបាននឹងកំពុងបន្តទាមទារឲ្យអាមេរិក ពន្លឿនការអនុវត្តន៍កាតព្វកិច្ចរបស់ខ្លួន ក្នុងក្របខ័ណ្ឌអង្គការពាណិជ្ជកម្មពិភពលោក (WTO) ដើម្បីផ្តល់ DFQF ឲ្យបានយ៉ាងតិច ៩៧% ដល់ប្រទេសដែលមានការអភិវឌ្ឍន៍តិចតួច (LDCs) ក្នុងនោះរួមមានកម្ពុជាផង ដូចដែលខ្លួនបានសន្យាក្នុងសន្និសីទរដ្ឋមន្ត្រីនៅទីក្រុងហុងកុងកាលពីឆ្នាំ២០០៥។
បើតាមលោក ឱក ប៊ុង ច្បាប់ស្តីពីប្រព័ន្ធអនុគ្រោះពន្ធទូទៅរបស់អាមេរិកលើផលិតផលស្បែកជើងឆ្នាំ២០១៧ (US’s GSP Footwear Act of ២០១៧) ទើបដាក់ទៅកាន់សភាអាមេរិក កាលពីខែឧសភា ហើយនឹងត្រូវបានអនុម័តដោយសភានេះ នាពេលខាងមុខ បន្ទាប់ពីទទួលបានសំណើពីប្រទេសដែលពាក់ព័ន្ធ។
សហរដ្ឋអាមេរិកមិនទាន់បានបំពេញកាតព្វកិច្ចពេញលេញ ដល់ប្រទេសអភិវឌ្ឍន៍តិចតួច(LDCs) ដូចដែលខ្លួនបានសន្យា នៅក្នុងសន្និសីទរដ្ឋមន្ត្រីនៅទីក្រុងហុងកុង ឆ្នាំ២០០៥ នៅឡើយ ខណៈប្រទេសអូស្ត្រាលី ណូវែលសេឡង់ ន័រវេ និងស្វីស បានផ្តល់១០០ភាគរយ សហគមន៍អឺរ៉ុប ៩៩ភាគរយ កាណាដា ៩៨.៦ភាគរយ ជប៉ុន ៩៧.៩ភាគរយ និងចិន ៩៧ភាគរយ។ នេះបើតាមក្រសួងពាណិជ្ចកម្ម។
កន្លងមក សហរដ្ឋអាមេរិកបានអនុគ្រោះពន្ធទូទៅ(GSP) តែលើផលិតផលធ្វើដំណើរប៉ុណ្ណោះ។ ការផ្តល់នេះបានធ្វើឲ្យកម្ពុជា មានលទ្ធភាពនាំចេញផលិតនេះទៅកាន់អាមេរិក កើនឡើងពីប្រហែល ៥៣ លានដុល្លារអាមេរិក ក្នុងឆ្នាំ២០១៥ និងជាង១០០លានដុល្លារអាមេរិកក្នុងឆ្នាំ២០១៦ ព្រមទាំងអាចបន្តកើនដល់ប្រហែល ២០០លានដុល្លារអាមេរិក នៅឆ្នាំ២០១៧នេះ៕
ក្រសួងពាណិជ្ជកម្មកម្ពុជា បានបើកកិច្ចប្រជុំមួយ ជាមួយសមាគមរោងចក្រកាត់ដេរនៅកម្ពុជា(GMAC) ដើម្បីរួមគ្នាត្រៀមខ្លួនក្នុងការស្នើសុំពន្ធសេរី-កូតាសេរីពីសហរដ្ឋអាមេរិក សម្រាប់ផលិតផលស្បែកជើង។ បើការស្នើសុំ DFQF នេះសម្រេចបាន នោះនឹងផ្តល់ផលប្រយោជន៍ជាច្រើនដល់កម្ពុជា និងបណ្តារោងចក្រនៅកម្ពុជា ដែលជាការបង្កើនចង្វាក់ផលិតកម្មផលិតផលស្បែកជើង សម្រាប់នាំចេញទៅទីផ្សារអាមេរិកក្នុងអាត្រាពន្ធសូន្យ និងមិនមានកំណត់កូតា។ នេះបើយោងតាមទំព័រហ្វេសប៊ុកផ្លូវការរបស់ក្រសួងពាណិជ្ជកម្ម។
លោក ឱក ប៊ុង រដ្ឋលេខាធិការក្រសួងពាណិជ្ជកម្ម ដែលបានដឹកនាំកិច្ចប្រជុំនេះ បានថ្លែងថា ក្រសួងពាណិជ្ជកម្មបាននឹងកំពុងបន្តទាមទារឲ្យអាមេរិក ពន្លឿនការអនុវត្តន៍កាតព្វកិច្ចរបស់ខ្លួន ក្នុងក្របខ័ណ្ឌអង្គការពាណិជ្ជកម្មពិភពលោក (WTO) ដើម្បីផ្តល់ DFQF ឲ្យបានយ៉ាងតិច ៩៧% ដល់ប្រទេសដែលមានការអភិវឌ្ឍន៍តិចតួច (LDCs) ក្នុងនោះរួមមានកម្ពុជាផង ដូចដែលខ្លួនបានសន្យាក្នុងសន្និសីទរដ្ឋមន្ត្រីនៅទីក្រុងហុងកុងកាលពីឆ្នាំ២០០៥។
បើតាមលោក ឱក ប៊ុង ច្បាប់ស្តីពីប្រព័ន្ធអនុគ្រោះពន្ធទូទៅរបស់អាមេរិកលើផលិតផលស្បែកជើងឆ្នាំ២០១៧ (US’s GSP Footwear Act of ២០១៧) ទើបដាក់ទៅកាន់សភាអាមេរិក កាលពីខែឧសភា ហើយនឹងត្រូវបានអនុម័តដោយសភានេះ នាពេលខាងមុខ បន្ទាប់ពីទទួលបានសំណើពីប្រទេសដែលពាក់ព័ន្ធ។
សហរដ្ឋអាមេរិកមិនទាន់បានបំពេញកាតព្វកិច្ចពេញលេញ ដល់ប្រទេសអភិវឌ្ឍន៍តិចតួច(LDCs) ដូចដែលខ្លួនបានសន្យា នៅក្នុងសន្និសីទរដ្ឋមន្ត្រីនៅទីក្រុងហុងកុង ឆ្នាំ២០០៥ នៅឡើយ ខណៈប្រទេសអូស្ត្រាលី ណូវែលសេឡង់ ន័រវេ និងស្វីស បានផ្តល់១០០ភាគរយ សហគមន៍អឺរ៉ុប ៩៩ភាគរយ កាណាដា ៩៨.៦ភាគរយ ជប៉ុន ៩៧.៩ភាគរយ និងចិន ៩៧ភាគរយ។ នេះបើតាមក្រសួងពាណិជ្ចកម្ម។
កន្លងមក សហរដ្ឋអាមេរិកបានអនុគ្រោះពន្ធទូទៅ(GSP) តែលើផលិតផលធ្វើដំណើរប៉ុណ្ណោះ។ ការផ្តល់នេះបានធ្វើឲ្យកម្ពុជា មានលទ្ធភាពនាំចេញផលិតនេះទៅកាន់អាមេរិក កើនឡើងពីប្រហែល ៥៣ លានដុល្លារអាមេរិក ក្នុងឆ្នាំ២០១៥ និងជាង១០០លានដុល្លារអាមេរិកក្នុងឆ្នាំ២០១៦ ព្រមទាំងអាចបន្តកើនដល់ប្រហែល ២០០លានដុល្លារអាមេរិក នៅឆ្នាំ២០១៧នេះ៕
Tag:
ពន្ធ
កាត់ដេរ
© រក្សាសិទ្ធិដោយ thmeythmey.com
