ជាតិ
ADB បន្ថែមជំនួយ៥០លានដុល្លារដល់កម្ពុជា ដើម្បីគាំទ្រគម្រោងកសិកម្មធន់នឹងគ្រោះមហន្តរាយ
×![]()
ដោយ: ខន ចំប៉ា
ធនាគារអភិវឌ្ឍន៍អាស៊ី (ADB) បានអនុម័តលើហិរញ្ញប្បទាន ៥០ លានដុល្លារ បន្ថែមដល់កម្ពុជា ដើម្បីបង្កើនផលិតភាពកសិកម្ម និងលើកកម្ពស់លទ្ធភាពទទួលបានទីផ្សាររបស់កសិករខ្នាតតូច នៅជុំវិញបឹងទន្លេសាប ដែលងាយរងគ្រោះដោយសារគ្រោះមហន្តរាយធម្មជាតិ។ តាម ADB ហិរញ្ញប្បទានបន្ថែមនេះ នឹងជួយដល់ការអភិវឌ្ឍប្រព័ន្ធធារាសាស្ត្រខ្នាតតូច ក៏ដូចជាការបញ្ចូលការគ្រប់គ្រងហានិភ័យគ្រោះមហន្តរាយ ទៅក្នុងការរៀបចំគម្រោងកសាង និងការស្តារឡើងវិញផ្លូវលំជនបទផង។
ក្រុមប្រឹក្សាភិបាលធនាគារអភិវឌ្ឍន៍អាស៊ី (ADB) បានអនុម័តហិរញ្ញប្បទានបន្ថែមដល់កម្ពុជា ក្នុងទឹកប្រាក់៥០លានដុល្លារ ដើម្បីជួយបង្កើនផលិតភាពកសិកម្ម និងលើកកម្ពស់លទ្ធភាពទទួលបានទីផ្សារ របស់កសិករខ្នាតតូច ដែលងាយរងគ្រោះដោយសារគ្រោះមហន្តរាយធម្មជាតិ។
តាមសេចក្តីប្រកាសព័ត៌មានរបស់ខ្លួននៅថ្ងៃទី២៨ ខែកញ្ញា អ្នកឯកទេសផ្នែកធនធានទឹក នៃADB អ្នកស្រី Thuy Trang Dang បានបញ្ជាក់ថា ហិរញ្ញប្បទានបន្ថែមនេះ នឹងជួយរដ្ឋាភិបាលបង្កើនផលិតភាពកសិកម្ម ធ្វើពិពិធកម្មសកម្មភាពសេដ្ឋកិច្ចនៅជុំវិញបឹងទន្លេសាប ដើម្បីផ្តល់ប្រយោជន៍ដល់កសិករខ្នាតតូច និងបង្កើតជាគំនិតផ្តួចផ្តើមអភិវឌ្ឍន៍ ដែលឆ្លុះបញ្ចាំងពីតម្រូវការរបស់សហគមន៍មូលដ្ឋាន។ អ្នកឯកទេសដដែល បញ្ជាក់ទៀតថា សហគមន៍ដែលហេដ្ឋារចនាសម្ព័ន្ធ កាន់តែអាចធន់ទ្រាំនឹងអាកាសធាតុ នឹងអាចធូរស្រាលពីគ្រោះមហន្តរាយធម្មជាតិនានា បានយ៉ាងរហ័ស។
បើតាមសេចក្តីប្រកាសព័ត៌មានដដែល គម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចនៅតំបន់ទន្លេសាប ត្រូវបានអនុម័តលើកដំបូងកាលពីខែធ្នូ ឆ្នាំ២០០៩ ជាមួយនឹងទឹកប្រាក់សរុប ៥១.១៥លានដុល្លារ។ ចាប់ពីពេលនោះមក គម្រោងនេះបានជួយគាំទ្រសកម្មភាពអភិវឌ្ឍន៍ជាច្រើន ដូចជាផ្លូវលំជនបទ ហេដ្ឋារចនាសម្ព័ន្ធផ្សេងៗ និងបានលើកកម្ពស់ការងារកសិកម្ម ជីវភាពរស់នៅរបស់ប្រជាពលរដ្ឋក្នុងឃុំចំនួន១៩៦ ក្នុងខេត្តបន្ទាយមានជ័យ កំពង់ចាម កំពង់ធំ សៀមរាប និងត្បូងឃ្មុំ។ ហិរញ្ញប្បទាននេះ នឹងជួយបន្ថែមសមត្ថភាពគ្រប់គ្រងហានិភ័យគ្រោះមហន្តរាយ និងពង្រីកវិសាលភាពនៃកម្មវិធីនេះ ដល់ឃុំចំនួន៧៥ទៀត ក្នុងខេត្តកំពង់ធំ និងខេត្តថ្មី២ទៀត គឺបាត់ដំបង និងព្រៃវែង។
ហិរញ្ញប្បទាននេះ ក៏នឹងជួយអភិវឌ្ឍប្រព័ន្ធធារាសាស្ត្រខ្នាតតូច កសាង និងការស្តារឡើងវិញផ្លូវលំជនបទ ដោយបញ្ចូលការគ្រប់គ្រងហានិភ័យគ្រោះមហន្តរាយ ទៅក្នុងគម្រោងទាំងនោះ។ ជាមួយគ្នានេះ វាក៏នឹងជួយឲ្យសហគមន៍ ធ្វើកសិកម្មតាមស្ថានភាពអាកាសធាតុ ជួយបង្កើនលទ្ធភាពកសិករឲ្យទទួលបានទិន្នន័យទីផ្សារ និងតម្លៃសមរម្យសម្រាប់កសិផលរបស់ខ្លួន។
វិស័យកសិកម្ម មានសារសំខាន់ណាស់ក្នុងសេដ្ឋកិច្ចកម្ពុជា ដោយសារវាបានផ្តល់ការងារដល់ប្រមាណ៧០ភាគរយ នៃគ្រួសារដែលរស់នៅតាមតំបន់ជនបទ និងបានរួមចំណែកដល់កិច្ចខិតខំប្រឹងប្រែងកាត់បន្ថយភាពក្រីក្រកាលពីពេលថ្មីៗនេះ។ ភាពក្រីក្ររបស់កម្ពុជា បានថយចុះពីអត្រា ៥៣ភាគរយ នៅឆ្នាំ២០០៤ មកនៅក្រោម ១៤ភាគរយ ក្នុងឆ្នាំ២០១៤។ ប៉ុន្តែការអត្រានេះ បានថមថយក្នុងឆ្នាំកន្លងទៅ ដោយសារវិស័យកសិកម្ម ប្រឈមនឹងបញ្ហាមួយចំនួន ដូចជាការរិចរឹលនៃធនធានធម្មជាតិ ផលិតភាពមានកម្រិតទាប សង្វាក់តម្លៃនៅទន់ខ្សោយ និងភាពងាយរងគ្រោះខ្ពស់ ទៅនឹងការប្រែប្រួលអាកាសធាតុ។
គម្រោងនេះ ទទួលបានសហហិរញ្ញប្បទានពីហិរញ្ញប្បទានសម្បទាន ១០លានដុល្លារ ពីមូលនិធិអន្តរជាតិសម្រាប់អភិវឌ្ឍ៍កសិកម្ម និងការគាំទ្រពីរដ្ឋាភិបាលសមមូលនឹងទឹកប្រាក់៦លានដុល្លារ។ នេះបើតាម ADBដដែល៕
ក្រុមប្រឹក្សាភិបាលធនាគារអភិវឌ្ឍន៍អាស៊ី (ADB) បានអនុម័តហិរញ្ញប្បទានបន្ថែមដល់កម្ពុជា ក្នុងទឹកប្រាក់៥០លានដុល្លារ ដើម្បីជួយបង្កើនផលិតភាពកសិកម្ម និងលើកកម្ពស់លទ្ធភាពទទួលបានទីផ្សារ របស់កសិករខ្នាតតូច ដែលងាយរងគ្រោះដោយសារគ្រោះមហន្តរាយធម្មជាតិ។
តាមសេចក្តីប្រកាសព័ត៌មានរបស់ខ្លួននៅថ្ងៃទី២៨ ខែកញ្ញា អ្នកឯកទេសផ្នែកធនធានទឹក នៃADB អ្នកស្រី Thuy Trang Dang បានបញ្ជាក់ថា ហិរញ្ញប្បទានបន្ថែមនេះ នឹងជួយរដ្ឋាភិបាលបង្កើនផលិតភាពកសិកម្ម ធ្វើពិពិធកម្មសកម្មភាពសេដ្ឋកិច្ចនៅជុំវិញបឹងទន្លេសាប ដើម្បីផ្តល់ប្រយោជន៍ដល់កសិករខ្នាតតូច និងបង្កើតជាគំនិតផ្តួចផ្តើមអភិវឌ្ឍន៍ ដែលឆ្លុះបញ្ចាំងពីតម្រូវការរបស់សហគមន៍មូលដ្ឋាន។ អ្នកឯកទេសដដែល បញ្ជាក់ទៀតថា សហគមន៍ដែលហេដ្ឋារចនាសម្ព័ន្ធ កាន់តែអាចធន់ទ្រាំនឹងអាកាសធាតុ នឹងអាចធូរស្រាលពីគ្រោះមហន្តរាយធម្មជាតិនានា បានយ៉ាងរហ័ស។
បើតាមសេចក្តីប្រកាសព័ត៌មានដដែល គម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចនៅតំបន់ទន្លេសាប ត្រូវបានអនុម័តលើកដំបូងកាលពីខែធ្នូ ឆ្នាំ២០០៩ ជាមួយនឹងទឹកប្រាក់សរុប ៥១.១៥លានដុល្លារ។ ចាប់ពីពេលនោះមក គម្រោងនេះបានជួយគាំទ្រសកម្មភាពអភិវឌ្ឍន៍ជាច្រើន ដូចជាផ្លូវលំជនបទ ហេដ្ឋារចនាសម្ព័ន្ធផ្សេងៗ និងបានលើកកម្ពស់ការងារកសិកម្ម ជីវភាពរស់នៅរបស់ប្រជាពលរដ្ឋក្នុងឃុំចំនួន១៩៦ ក្នុងខេត្តបន្ទាយមានជ័យ កំពង់ចាម កំពង់ធំ សៀមរាប និងត្បូងឃ្មុំ។ ហិរញ្ញប្បទាននេះ នឹងជួយបន្ថែមសមត្ថភាពគ្រប់គ្រងហានិភ័យគ្រោះមហន្តរាយ និងពង្រីកវិសាលភាពនៃកម្មវិធីនេះ ដល់ឃុំចំនួន៧៥ទៀត ក្នុងខេត្តកំពង់ធំ និងខេត្តថ្មី២ទៀត គឺបាត់ដំបង និងព្រៃវែង។
ហិរញ្ញប្បទាននេះ ក៏នឹងជួយអភិវឌ្ឍប្រព័ន្ធធារាសាស្ត្រខ្នាតតូច កសាង និងការស្តារឡើងវិញផ្លូវលំជនបទ ដោយបញ្ចូលការគ្រប់គ្រងហានិភ័យគ្រោះមហន្តរាយ ទៅក្នុងគម្រោងទាំងនោះ។ ជាមួយគ្នានេះ វាក៏នឹងជួយឲ្យសហគមន៍ ធ្វើកសិកម្មតាមស្ថានភាពអាកាសធាតុ ជួយបង្កើនលទ្ធភាពកសិករឲ្យទទួលបានទិន្នន័យទីផ្សារ និងតម្លៃសមរម្យសម្រាប់កសិផលរបស់ខ្លួន។
វិស័យកសិកម្ម មានសារសំខាន់ណាស់ក្នុងសេដ្ឋកិច្ចកម្ពុជា ដោយសារវាបានផ្តល់ការងារដល់ប្រមាណ៧០ភាគរយ នៃគ្រួសារដែលរស់នៅតាមតំបន់ជនបទ និងបានរួមចំណែកដល់កិច្ចខិតខំប្រឹងប្រែងកាត់បន្ថយភាពក្រីក្រកាលពីពេលថ្មីៗនេះ។ ភាពក្រីក្ររបស់កម្ពុជា បានថយចុះពីអត្រា ៥៣ភាគរយ នៅឆ្នាំ២០០៤ មកនៅក្រោម ១៤ភាគរយ ក្នុងឆ្នាំ២០១៤។ ប៉ុន្តែការអត្រានេះ បានថមថយក្នុងឆ្នាំកន្លងទៅ ដោយសារវិស័យកសិកម្ម ប្រឈមនឹងបញ្ហាមួយចំនួន ដូចជាការរិចរឹលនៃធនធានធម្មជាតិ ផលិតភាពមានកម្រិតទាប សង្វាក់តម្លៃនៅទន់ខ្សោយ និងភាពងាយរងគ្រោះខ្ពស់ ទៅនឹងការប្រែប្រួលអាកាសធាតុ។
គម្រោងនេះ ទទួលបានសហហិរញ្ញប្បទានពីហិរញ្ញប្បទានសម្បទាន ១០លានដុល្លារ ពីមូលនិធិអន្តរជាតិសម្រាប់អភិវឌ្ឍ៍កសិកម្ម និងការគាំទ្រពីរដ្ឋាភិបាលសមមូលនឹងទឹកប្រាក់៦លានដុល្លារ។ នេះបើតាម ADBដដែល៕
Tag:
ADB
ជំនួយ
កសិកម្ម
មហន្តរាយ
© រក្សាសិទ្ធិដោយ thmeythmey.com
