ជាតិ
អ្នកនយោបាយ សម្តែងការសោកស្តាយចំពោះមរណភាពរបស់ព្រឹទ្ធាចារ្យ វណ្ណ ម៉ូលីវណ្ណ
×![]()
ដោយ: ម៉ៅ សុផា
ភ្នំពេញ៖ ដំណឹងមរណភាពរបស់លោកព្រឹទ្ធាចារ្យ វណ្ណ ម៉ូលីវណ្ណ ដែលជាបញ្ញវន្តជាន់ខ្ពស់មួយរូបខាងស្ថាបត្យកម្មនៅកម្ពុជា ធ្វើឲ្យអ្នកនយោបាយ នៅតាមបណ្តាបក្សនយោបាយផ្សេងៗ សោកស្តាយយ៉ាងខ្លាំង។ អ្នកនយោបាយទាំងនោះ ចាត់ទុកមរណភាពរបស់លោកព្រឹទ្ធាចារ្យ វណ្ណ ម៉ូលីវណ្ណ ថាជាការបាត់បង់ធនធានមនុស្សដ៏សំខាន់មួយរបស់កម្ពុជា។
លោក ប៉ុល ហំម តំណាងរាស្ត្រ និងជាអនុប្រធានគណបក្សសង្គ្រោះជាតិ៖«សម្រាប់ខ្លួនខ្ញុំផ្ទាល់ ខ្ញុំក្តុកក្តួលក្នុងចិត្តណាស់។ ខ្ញុំធ្លាប់ស្គាល់គាត់តាំងពីក្មេង តាំងពីសម័យសង្គមរាស្ត្រនិយមមក ហើយអ្នកគ្រប់គ្នា ក៏គោរពគាត់ដែរ ថា ជាអ្នកចេះដឹងម្នាក់ខាងស្ថាបត្យកម្ម មិនចាញ់បរទេសទេ។ ការបាត់បង់គាត់ គឺជាការបាត់បង់បញ្ញវន្តខ្មែរជាន់ខ្ពស់ម្នាក់។ ខ្ញុំ សោកស្តាយណាស់។ ខ្ញុំគ្មានអី្វក្រៅពីសូមចូលរួមរំលែកទុក្ខជាមួយក្រុមគ្រួសាររបស់គាត់ទេ។ សូមឲ្យក្មេងៗជំនាន់ក្រោយ ព្យាយាមសិក្សាឲ្យចេះដឹងដូចគាត់»។
លោក សុខ ឥសាន តំណាងរាស្ត្រ និងជាអ្នកនាំពាក្យគណបក្សប្រជាជនកម្ពុជា៖«ខ្ញុំជាក្មេងជំនាន់ក្រោយ ខ្ញុំទទួលស្គាល់ស្នាដៃរបស់គាត់ខាងស្ថាបត្យកម្ម ដែលបានចូលរួមលើកតម្កើងប្រទេសជាតិយើង។ ខ្ញុំ ក៏ដូចជាប្រជាពលរដ្ឋខ្មែរទាំងអស់ សូមចូលរួមសោកស្តាយជាមួយក្រុមគ្រួសាររបស់គាត់។ យើង សូមតម្កល់គាត់ជាវីរជន ដែលបានបណ្តុះបណ្តាល ដល់អ្នកជំនាន់ក្រោយ។ ហើយសូមអ្នកដែលទទួលចំណេះដឹងពីគាត់ ត្រូវអនុវត្តតាមគំរូវីរភាពរបស់គាត់។ នេះជាសក្ខីកម្ម ដល់អ្នកជំនាន់ក្រោយ ដើម្បីពង្រឹងចំណេះដឹងខ្លួនឯងឲ្យបានមុតមាំ មិនត្រូវពឹងតែចំណេះដឹងរបស់ជនបរទេសទេ»។
លោកព្រឹទ្ធាចារ្យ លឺ ឡាយស្រេង អតីតអ្នកនយោបាយជាន់ខ្ពស់នៃគណបក្សហ្វ៊ុនស៊ិនប៉ិច៖«នៅស្រុកខ្មែរ គាត់ហ្នឹងហើយ ដែលខ្លាំងជាងគេខាងស្ថាបត្យកម្ម។ ខ្ញុំសោកស្តាយខ្លាំងណាស់»។
លោក ជិន ថុន អគ្គលេខាធិការគណបក្សសម្ព័ន្ធដើម្បីប្រជាធិបតេយ្យ៖«គ្មានអ្វីផ្សេងទេ គឺមានតែសោកស្តាយនិងអាណិតហ្នឹងហើយ។ គាត់ ជាអ្នកចេះដឹងម្នាក់ ហើយយើងទទួលស្គាល់ចំណេះដឹងរបស់គាត់ខាងបច្ចេកទេស។ គាត់អាចជាគំរូរបស់អ្នកជំនាន់ក្រោយ សម្រាប់ផ្នែកបច្ចេកទេស»។
លោក ពេជ្រ ស្រស់ ប្រធានគណបក្សយុវជនកម្ពុជា៖«កម្ពុជា បាត់បង់អ្នកពូកែ អ្នកឆ្នើមម្នាក់ទៀតហើយ។ គាត់ ជាអ្នកជួយអភិវឌ្ឍប្រទេសជាតិ ហើយធ្វើឲ្យប្រទេជាតិ ល្បីល្បាញខាងស្ថាបត្យកម្ម។ សូមឲ្យអ្នកជំនាក់ក្រោយ ជាពិសេសរដ្ឋាភិបាល ជួយរក្សាស្នាដៃនិងកេរដំណែលរបស់គាត់ កុំឲ្យបាត់បង់»។
សូមរម្លឹកថា លោកព្រឹទ្ធាចារ្យ វណ្ណ ម៉ូលីវណ្ណ បានទទួលមរណភាព ក្នុងជន្មាយុ៩១ ឆ្នាំ នៅពេលាម៉ោង៩ និង៤៥នាទីព្រឹក នាថ្ងៃទី២៨ ខែកញ្ញា ឆ្នាំ២0១៧៕
លោក ប៉ុល ហំម តំណាងរាស្ត្រ និងជាអនុប្រធានគណបក្សសង្គ្រោះជាតិ៖«សម្រាប់ខ្លួនខ្ញុំផ្ទាល់ ខ្ញុំក្តុកក្តួលក្នុងចិត្តណាស់។ ខ្ញុំធ្លាប់ស្គាល់គាត់តាំងពីក្មេង តាំងពីសម័យសង្គមរាស្ត្រនិយមមក ហើយអ្នកគ្រប់គ្នា ក៏គោរពគាត់ដែរ ថា ជាអ្នកចេះដឹងម្នាក់ខាងស្ថាបត្យកម្ម មិនចាញ់បរទេសទេ។ ការបាត់បង់គាត់ គឺជាការបាត់បង់បញ្ញវន្តខ្មែរជាន់ខ្ពស់ម្នាក់។ ខ្ញុំ សោកស្តាយណាស់។ ខ្ញុំគ្មានអី្វក្រៅពីសូមចូលរួមរំលែកទុក្ខជាមួយក្រុមគ្រួសាររបស់គាត់ទេ។ សូមឲ្យក្មេងៗជំនាន់ក្រោយ ព្យាយាមសិក្សាឲ្យចេះដឹងដូចគាត់»។
លោក សុខ ឥសាន តំណាងរាស្ត្រ និងជាអ្នកនាំពាក្យគណបក្សប្រជាជនកម្ពុជា៖«ខ្ញុំជាក្មេងជំនាន់ក្រោយ ខ្ញុំទទួលស្គាល់ស្នាដៃរបស់គាត់ខាងស្ថាបត្យកម្ម ដែលបានចូលរួមលើកតម្កើងប្រទេសជាតិយើង។ ខ្ញុំ ក៏ដូចជាប្រជាពលរដ្ឋខ្មែរទាំងអស់ សូមចូលរួមសោកស្តាយជាមួយក្រុមគ្រួសាររបស់គាត់។ យើង សូមតម្កល់គាត់ជាវីរជន ដែលបានបណ្តុះបណ្តាល ដល់អ្នកជំនាន់ក្រោយ។ ហើយសូមអ្នកដែលទទួលចំណេះដឹងពីគាត់ ត្រូវអនុវត្តតាមគំរូវីរភាពរបស់គាត់។ នេះជាសក្ខីកម្ម ដល់អ្នកជំនាន់ក្រោយ ដើម្បីពង្រឹងចំណេះដឹងខ្លួនឯងឲ្យបានមុតមាំ មិនត្រូវពឹងតែចំណេះដឹងរបស់ជនបរទេសទេ»។
លោកព្រឹទ្ធាចារ្យ លឺ ឡាយស្រេង អតីតអ្នកនយោបាយជាន់ខ្ពស់នៃគណបក្សហ្វ៊ុនស៊ិនប៉ិច៖«នៅស្រុកខ្មែរ គាត់ហ្នឹងហើយ ដែលខ្លាំងជាងគេខាងស្ថាបត្យកម្ម។ ខ្ញុំសោកស្តាយខ្លាំងណាស់»។
លោក ជិន ថុន អគ្គលេខាធិការគណបក្សសម្ព័ន្ធដើម្បីប្រជាធិបតេយ្យ៖«គ្មានអ្វីផ្សេងទេ គឺមានតែសោកស្តាយនិងអាណិតហ្នឹងហើយ។ គាត់ ជាអ្នកចេះដឹងម្នាក់ ហើយយើងទទួលស្គាល់ចំណេះដឹងរបស់គាត់ខាងបច្ចេកទេស។ គាត់អាចជាគំរូរបស់អ្នកជំនាន់ក្រោយ សម្រាប់ផ្នែកបច្ចេកទេស»។
លោក ពេជ្រ ស្រស់ ប្រធានគណបក្សយុវជនកម្ពុជា៖«កម្ពុជា បាត់បង់អ្នកពូកែ អ្នកឆ្នើមម្នាក់ទៀតហើយ។ គាត់ ជាអ្នកជួយអភិវឌ្ឍប្រទេសជាតិ ហើយធ្វើឲ្យប្រទេជាតិ ល្បីល្បាញខាងស្ថាបត្យកម្ម។ សូមឲ្យអ្នកជំនាក់ក្រោយ ជាពិសេសរដ្ឋាភិបាល ជួយរក្សាស្នាដៃនិងកេរដំណែលរបស់គាត់ កុំឲ្យបាត់បង់»។
សូមរម្លឹកថា លោកព្រឹទ្ធាចារ្យ វណ្ណ ម៉ូលីវណ្ណ បានទទួលមរណភាព ក្នុងជន្មាយុ៩១ ឆ្នាំ នៅពេលាម៉ោង៩ និង៤៥នាទីព្រឹក នាថ្ងៃទី២៨ ខែកញ្ញា ឆ្នាំ២0១៧៕
Tag:
វណ្ណ ម៉ូលីវណ្ណ
មរណភាព
អ្នកនយោបាយ
© រក្សាសិទ្ធិដោយ thmeythmey.com
