អន្តរជាតិ
ឌូទើតេ ប្រាប់អាមេរិកថា «ទុកសម្តីអាក្រក់ៗរបស់លោកពីមុនដូចជាទឹកហូរក្រោមស្ពានចុះ»
×![]()
ប្រធានាធិបតីមាត់ដាចរបស់ហ្វីលីពីន រ៉ូឌ្រីហ្គោ ឌូទើតេ ផ្លាស់ប្តូរជំហររបស់ខ្លួនដោយងាកមកសរសើរអាមេរិកជាលើកដំបូងនៅថ្ងៃព្រហស្បតិ៍ ទី ២៨ ខែកញ្ញានេះ ដោយលោកហៅអាមេរិកថាជា «សម្ព័ន្ធមិត្ត»ដ៍សំខាន់។ មេដឹកនាំរូបនេះថែមទាំងព្រលយពាក្យថា រឿងលោកធ្លាប់ទិតៀនជេរប្រទេចផ្តាសារអាមេរិកឲ្យវាកន្លងហួសតាមអតីតកាលទៅចុះ។
«អាមេរិកជាសម្ព័ន្ធមិត្តដ៏សំខាន់ខាងផ្នែកសន្តិសុខ»។ នេះជាសម្ពីរបស់លោកប្រធានាធិបតី រ៉ូឌ្រីហ្គោ ឌូទើតេ នៅថ្ងៃព្រហស្បតិ៍ទី ២៨ ខែកញ្ញាក្នុងពេលដែលលោកស្ថិតក្នុងពិធីរម្លឹកខួបលើកទី ១១៦ នៃសមរភូមិអាមេរិក និងហ្វីលីពីននៅកោះ Samar។ វាក៏ជាសម្តីសរសើរអាមេរិកដ៏កម្របំផុតដែរ។
ទីភ្នាក់ងារព័ត៌មាន Reuters បានចុះផ្សាយថា លោក ឌូទើតេ បានអះអាងថា ក្រសួងការបរ ទេសលោកបានផ្តល់ប្រឹក្សាឲ្យកាត់បន្ថយវោហាសព្ទប្រឆាំងអាមេរិកបន្តិច ហើយលោកបានប្រកាសថា គ្រប់យ៉ាងដែលកើតឡើងពីអតីតកាលឲ្យវារសាត់ដូចទឹកក្រោមស្ពានទៅចុះ។
«អ្វីដែលកើតឡើងឲ្យវាហួសទៅបាត់ដូចទឹកហូរក្រោមស្ពានទៅចុះ។ ខ្ញុំទទួលបានការផ្តល់ប្រឹក្សាយោបល់ពីក្រសួងការបរទេសឲ្យខ្ញុំទប់ភាសាកំហឹង និងចៀសវាងជេរដាក់បណ្តាសារគេ ដែលវាជាអ្វីដែលខ្ញុំធ្វើ ពេលដែលខ្ញុំមានអារម្មណ៍មិនល្អ»។
«ខ្ញុំមិននិយាយថា អាមេរិកជាអ្នកជួយសង្គ្រោះឡើយ ប៉ុន្តែអាមេរិកជាសម្ព័ន្ធមិត្តរបស់យើង ហើយបានជួយយើងកន្លងមក។ សូម្បីតែបច្ចុប្បន្ន គេបានផ្តល់ជំនួយសម្ភារៈយោធាសំខាន់ៗដល់ទាហានយើងនៅដែលស្ថិតនៅក្រុងម៉ារ៉ាវី កំពុងច្បាំងកម្ចាត់ភេរវកម្មផង»។
តាមពិតទៅលោក ឌូទើតេ បង្ហាញអារម្មណ៍ខឹងសម្បារ និងទិតៀនអាមេរិក ដោយសម្អាងលើហេតុផលប្រវត្តិសាស្ត្រដូចជាការសម្លាប់ប្រជាជនហ្វីលីពីន មុនពេលហ្វីលីពីនបានឯករាជ្យពេញលេញឆ្នាំ ១៩៤៦នោះ។
លោកបានគំរាមផ្តាច់ទំនាក់ទំនងយោធាជាមួយអាមេរិក និងបានជេរប្រទេចផ្តាសារលោក បារ៉ាក់ អូបាម៉ា ថែមទៀតនៅក្នុងកិច្ចប្រជុំអាស៊ាននៅឡាវ រហូតបណ្តាលឲ្យលោក អូបាម៉ា លុបចោលជំនួបទ្វេភាគីផង។
ប៉ុន្តែក្រោយលោកដូណាល់ ត្រាំ ជាប់ឆ្នោតក្លាយជាប្រធានាធិបតី លោក ឌូទើតេ ចាប់ផ្តើមបន្ថយសម្តីរិះគន់អាមេរិកដែរ បើទោះជាលោកធ្លាប់ប្រកាសថា លោកមិនទៅជាន់ដីអាមេរិកក៏ដោយ។ នេះក៏ដោយសារ លោក ត្រាំ មិនត្រឹមតែមិនថ្កោលទោសសង្គ្រាមគ្រឿងញៀនទេ លោកថែមទាំងសរសើរលោក ឌូទើតេ ថែមទៀត៕
«អាមេរិកជាសម្ព័ន្ធមិត្តដ៏សំខាន់ខាងផ្នែកសន្តិសុខ»។ នេះជាសម្ពីរបស់លោកប្រធានាធិបតី រ៉ូឌ្រីហ្គោ ឌូទើតេ នៅថ្ងៃព្រហស្បតិ៍ទី ២៨ ខែកញ្ញាក្នុងពេលដែលលោកស្ថិតក្នុងពិធីរម្លឹកខួបលើកទី ១១៦ នៃសមរភូមិអាមេរិក និងហ្វីលីពីននៅកោះ Samar។ វាក៏ជាសម្តីសរសើរអាមេរិកដ៏កម្របំផុតដែរ។
ទីភ្នាក់ងារព័ត៌មាន Reuters បានចុះផ្សាយថា លោក ឌូទើតេ បានអះអាងថា ក្រសួងការបរ ទេសលោកបានផ្តល់ប្រឹក្សាឲ្យកាត់បន្ថយវោហាសព្ទប្រឆាំងអាមេរិកបន្តិច ហើយលោកបានប្រកាសថា គ្រប់យ៉ាងដែលកើតឡើងពីអតីតកាលឲ្យវារសាត់ដូចទឹកក្រោមស្ពានទៅចុះ។
«អ្វីដែលកើតឡើងឲ្យវាហួសទៅបាត់ដូចទឹកហូរក្រោមស្ពានទៅចុះ។ ខ្ញុំទទួលបានការផ្តល់ប្រឹក្សាយោបល់ពីក្រសួងការបរទេសឲ្យខ្ញុំទប់ភាសាកំហឹង និងចៀសវាងជេរដាក់បណ្តាសារគេ ដែលវាជាអ្វីដែលខ្ញុំធ្វើ ពេលដែលខ្ញុំមានអារម្មណ៍មិនល្អ»។
«ខ្ញុំមិននិយាយថា អាមេរិកជាអ្នកជួយសង្គ្រោះឡើយ ប៉ុន្តែអាមេរិកជាសម្ព័ន្ធមិត្តរបស់យើង ហើយបានជួយយើងកន្លងមក។ សូម្បីតែបច្ចុប្បន្ន គេបានផ្តល់ជំនួយសម្ភារៈយោធាសំខាន់ៗដល់ទាហានយើងនៅដែលស្ថិតនៅក្រុងម៉ារ៉ាវី កំពុងច្បាំងកម្ចាត់ភេរវកម្មផង»។
តាមពិតទៅលោក ឌូទើតេ បង្ហាញអារម្មណ៍ខឹងសម្បារ និងទិតៀនអាមេរិក ដោយសម្អាងលើហេតុផលប្រវត្តិសាស្ត្រដូចជាការសម្លាប់ប្រជាជនហ្វីលីពីន មុនពេលហ្វីលីពីនបានឯករាជ្យពេញលេញឆ្នាំ ១៩៤៦នោះ។
លោកបានគំរាមផ្តាច់ទំនាក់ទំនងយោធាជាមួយអាមេរិក និងបានជេរប្រទេចផ្តាសារលោក បារ៉ាក់ អូបាម៉ា ថែមទៀតនៅក្នុងកិច្ចប្រជុំអាស៊ាននៅឡាវ រហូតបណ្តាលឲ្យលោក អូបាម៉ា លុបចោលជំនួបទ្វេភាគីផង។
ប៉ុន្តែក្រោយលោកដូណាល់ ត្រាំ ជាប់ឆ្នោតក្លាយជាប្រធានាធិបតី លោក ឌូទើតេ ចាប់ផ្តើមបន្ថយសម្តីរិះគន់អាមេរិកដែរ បើទោះជាលោកធ្លាប់ប្រកាសថា លោកមិនទៅជាន់ដីអាមេរិកក៏ដោយ។ នេះក៏ដោយសារ លោក ត្រាំ មិនត្រឹមតែមិនថ្កោលទោសសង្គ្រាមគ្រឿងញៀនទេ លោកថែមទាំងសរសើរលោក ឌូទើតេ ថែមទៀត៕
Tag:
រ៉ូឌ្រីហ្គោ ឌូទើតេ
អាមេរិក
ហ្វីលីពីន
Samar
© រក្សាសិទ្ធិដោយ thmeythmey.com
