ជាតិ
ព្រឹទ្ធាចារ្យ វណ្ណ ម៉ូលីវណ្ណ បានផ្ដាំកូនឲ្យយកធាតុលោក ទៅបាចនៅស្ទឹងខ្លះ តម្កល់នៅក្បែរធាតុកូនប្រុសខ្លះ និងតម្កល់ក្នុងចេតិយខ្លះ រូបលោកស្ថាបត្យករផ្តល់បទសម្ភាសន៍ដល់សារព័ត៌មានថ្មីៗ កាលពីមិនទាន់ទទួលមរណភាព
×
សៀមរាប៖ លោកស្រី វណ្ណ ប៊ែណង់ការ៉ូលដេវី ដែលជាកូនស្រីរបស់លោក វណ្ណ ម៉ូលីវណ្ណ បានឲ្យដឹងថា មុនឪពុកខ្លួនទទួលមរណភាព ស្ថាបត្យករ វណ្ណ ម៉ូលីវណ្ណ បានផ្ដាំផ្ញើកូនចៅឲ្យបូជាសពលោកតាមប្រពៃណីខ្មែរ និងរៀបចំអដ្ឋិធាតុរបស់លោកជាបីផ្នែក។ លោកស្រី បន្ថែមថា អដ្ឋិធាតុមួយផ្នែកត្រូវយកទៅបាចក្នុងស្ទឹងសៀមរាប មួយផ្នែកទៀតត្រូវយកទៅតម្ដល់នៅក្នុងចេតិយ(ក្នុងវត្តឥន្ទ្រកោសី សង្កាត់ស្លក្រាម) និងមួយផ្នែកទៀតត្រូវតម្កល់នៅក្បែរធាតុកូនប្រុសច្បងរបស់លោកព្រឹទ្ធាចារ្យនៅខាងក្រោយប្រាសាទអង្គរវត្ត។
សូមស្ដាប់ប្រសាសន៍ លោកស្រី វណ្ណ ប៊ែណង់ការ៉ូលដេវី ខាងក្រោមនេះ៖
លោកស្រី វណ្ណ ប៊ែណង់ការ៉ូលដេវី ថ្លែងបែបនេះប្រាប់អ្នកសារព័ត៌មាន នៅគេហដ្ឋានសពលោក វណ្ណ ម៉ូលីវណ្ណ ស្ថិតក្នុងភូមិមណ្ឌល ៣ ឃុំស្លក្រាម ក្រុងសៀមរាប នៅថ្ងៃទី១ខែតុលា។
ស្ថាបត្យករ វណ្ណ ម៉ូលីវណ្ណ បានទទួលមរណភាព កាលព្រឹកថ្ងៃទី ២៨ ខែកញ្ញា នៅគេដ្ឋានរបស់លោកព្រឹទ្ធាចារ្យ ក្នុងជន្មាយុ ៩១ ឆ្នាំ។ តាមគម្រោងនៅម៉ោងប្រមាណ ២ រសៀលនេះ សពរបស់ស្ថាបត្យករ វណ្ណ ម៉ូលីវណ្ណ នឹងត្រូវដង្ហែចេញពីគេហដ្ឋានរបស់លោកព្រឹទ្ធាចារ្យ ឆ្ពោះទៅកាន់ វត្តឥន្ទ្រកោសី ហៅវត្តលើ ស្ថិតនៅក្នុងភូមិទ្រាំង ឃុំស្លក្រាម ក្រុងសៀមរាប ដើម្បីធ្វើពិធីបូជា។
លោកស្រី វណ្ណ ប៊ែណង់ការ៉ូលដេវី កូនស្រីព្រឹទ្ធាចារ្យវណ្ណ ម៉ូលីវណ្ណ
© រក្សាសិទ្ធិដោយ thmeythmey.com