អន្តរជាតិ
ការសម្ដែងសិល្បៈលេងភ្លើងលើឆ្នេរ នៅសណ្ឋាគារ Radisson ប្រទេសថៃ
×
ថៃ៖ ស្ថាប័ន TCEB (Thailand Convention and Exhibition Bureau) របស់រដ្ឋាភិបាលថៃ បាននាំទីភ្នាក់ងារសមាគមទេសចរណ៍ និងអ្នកសារព័ត៌មាន ចូលទស្សនាសណ្ឋាគារ Radisson Blu Resort ដែលមានទីតាំងស្ថិតនៅក្នុងខេត្ត Hua Hin ប្រទេសថៃ ដើម្បីបង្ហាញពីសោភណ្ឌភាពនៃអគារ និងបន្ទប់ស្នាក់នៅរបស់សណ្ឋាគារមួយនេះ សម្រាប់ភ្ញៀវទេសចរដែលមានបំណងចង់ធ្វើដំណើរកម្សាន្តនៅខេត្ត Hua Hinនោះ។
តាមរយៈការធ្វើបទបង្ហាញពីទីតាំងសណ្ឋាគារហើយនោះ សណ្ឋាគារ Radisson Blu Resort ក៏បានរៀបចំការសម្ដែងសិល្បៈលេងភ្លើង សម្រាប់ក្រុមទីភ្នាក់ងារសមាគមទេសចរ និងអ្នកសារព័ត៌មាន ពីប្រទេសកម្ពុជា ឡាវ មីយ៉ាន់ម៉ា និងវៀតណាមផងដែរ។ សិល្បៈលេងភ្លើងនេះ គឺជាសម្ដែងរបស់ក្រុមយុវជនប្រចាំសណ្ឋាគារ Radisson Blu Resort សម្រាប់ទាក់ទាញភ្ញៀវទេសចរ ដែលបានធ្វើដំណើរការកម្សាន្ត និងជួលបន្ទប់ស្នាក់នៅក្នុងសណ្ឋាគារ នៅជាប់ឆ្នេរសមុទ្រ Hua Hin នេះ។
គួរបញ្ជាក់ថា ទីភ្នាក់ងារសមាគមទេសចរណ៍ និងអ្នកសារព័ត៌មានបានចូលរួមកិច្ចប្រជុំ CLMVT ដែលរៀបចំដោយប័ន TCEB របស់រដ្ឋាភិបាលថៃ ក្នុងគោលបំណងរកដំណោះស្រាយពង្រីកវិស័យទេសចរណ៍ MICE នៅក្នុងប្រទេសទាំង៥នេះ កាលពីថ្ងៃទី១៩ដល់ថ្ងៃទី២១ កញ្ញា ៕
សូមទស្សនាវីដេអូខាងក្រោម៖
© រក្សាសិទ្ធិដោយ thmeythmey.com