អន្តរជាតិ
×![]()
អតីតនាយករដ្ឋមន្ត្រីថៃ លោកស្រី យីងឡាក់ ស៊ីនណាវ៉ាត់ ត្រូវបានភ្នាក់ងារព័ត៌មានមួយចំនួនចុះផ្សាយ ថា លោកស្រី កំពុងតែស្នើសុំសិទ្ធិជ្រកកោនពីអង់គ្លេស ខណៈពេលដែលលោកស្រី កំពុងតែរស់នៅនិរទេសនៅបរទេស ។ ទោះជាករណីរបស់លោកស្រី បានវិវត្តដល់ដំណាក់កាលថ្មីនេះក៏ដោយ លោកនាយករដ្ឋមន្ត្រីថៃ ប្រាយុទ្ធ ចន្ទ អូចា អះអាងថាលោក សូវខ្វល់ពីបញ្ហានេះឡើយ ។
អ្នកនាំពាក្យនាយករដ្ឋមន្ត្រីថៃ លោក Sansern Kaewkamnerd នៅថ្ងៃចុងសប្តាហ៍មុន បានថ្លែងឲ្យដឹងពីគោលជំហររដ្ឋាភិបាលថៃ ថា លោកប្រាយុទ្ធ មិនចាប់អារម្មណ៍នឹងរបាយការណ៍ពាក់ព័ន្ធនឹងករណីលោកស្រី យីងឡាក់អ្វីឡើយ ដោយ លោក គ្រាន់តែអះអាងថា រដ្ឋាភិបាលមានភារៈកិច្ចបំពេញ ការងារតាមច្បាប់ប៉ុណ្ណោះ ហើយរឿងខ្លះជារឿងបុគ្គលនោះទេ។ នេះបើយោងតាមសារព័ត៌មាន The Nation ។
អ្នកនាំពាក្យដដែលនោះ បានបន្ថែមទៀតថា រដ្ឋាភិបាល កំពុងតែអនុវត្តតាមនីតិវិធីច្បាប់ជាតិ និងអន្តរជាតិ ដោយរួមទាំងការពិនិត្យមើលពីលទ្ធភាពក្នុងការធ្វើបត្យាប័នលោកស្រី យីងឡាក់ ដែលបានអវត្តមានក្នុងសវនាការជំនុំជម្រះដើម្បីរត់គេចពីទីក្រុងបាងកកទៅក្រុងឌូបៃឲ្យមកទទួលទោសក្រោមប្រព័ន្ធច្បាប់ថៃ ។
ប្រតិកម្មរបស់អ្នកនាំពាក្យ ធ្វើឡើងបន្ទាប់ពី មានការចុះផ្សាយរបស់សារព័ត៌មាន ថា លោកស្រី យីងឡាក់ បានបំពេញទស្សនកិច្ចទៅកាន់អង់គ្លេស ហើយកំពុងតែស្នើសុំសិទ្ធិជ្រកនយោបាយនៅទីនោះផងដែរ ។ ទស្សនកិច្ចរបស់លោកស្រីយីងឡាក់ ទៅកាន់អង់គ្លេស ក៏មានន័យដែរថា លោកស្រី បានចាកចេញពីទីក្រុងឌូបៃហើយ ដើម្បីបន្តរត់គេចពីចំណាត់ការច្បាប់របស់របបសឹក ។
សូមរម្លឹកបន្តិចដែរថា នៅថ្ងៃទី២៧ កញ្ញា តុលាការកំពូលថៃបានកាត់ទោសកំបាំងមុខលើសំណុំរឿងរបស់អតីតនាយករដ្ឋមន្ត្រី យីងឡាក់ ដោយសម្រេចឲ្យជាប់ពន្ធនាគារ៥ឆ្នាំពីបទធ្វេសប្រហែសក្នុងការដឹកនាំដែលធ្វើឲ្យរដ្ឋខាតបង់ទឹកប្រាក់រាប់លានដុល្លារជុំវិញកម្មវិធីទិញអង្ករតម្លៃថោក។
ជុំវិញករណីនេះដែរ លោកឧបនាយករដ្ឋមន្ត្រីថៃ Wissanu Krea-ngam ក៏បានឲ្យដឹងដែរថា រដ្ឋាភិបាលអាចពិចារណាក្នុងការលុបចោលលិខិតឆ្លងដែនរបស់លោកស្រីបានដោយស្របច្បាប់ ហើយស្ថាប័នដែលមានយុត្តាធិការក្នុងការលុបនេះ គឺក្រសួងការបរទេសថៃតែម្តង ។
លទ្ធភាពនៃការលុបចោលលិខិតឆ្លងដែនរបស់អតីតនាយករដ្ឋមន្ត្រីថៃរូបនេះ មិនមែនជារឿងថ្មីអ្វីឡើយ ។ អតីតនាយករដ្ឋមន្ត្រីថៃ និងជាបងប្រុសបង្កើតលោកស្រីយីងឡាក់ គឺលោកថាក់ស៊ីន ស៊ីនណាវ៉ាត់ត្រា ក៏ត្រូវបានរដ្ឋាភិបាលថៃ លុបលិខិតឆ្លងដែនចេញពីបញ្ជីនៅឆ្នាំ២០១៥ផងដែរ ។ លោក ថាក់ស៊ីន ដែលកំពុងតែរស់នៅនិរទេសក្រៅប្រទេស ត្រូវបានតុលាការថៃ កាត់ទោសឲ្យជាប់ពន្ធនាគារ ក្រោយលោក ត្រូវបានទម្លាក់ចេញពីតំណែងតាមរយៈរដ្ឋប្រហារនៅឆ្នាំ២០០៦ ៕
អ្នកនាំពាក្យនាយករដ្ឋមន្ត្រីថៃ លោក Sansern Kaewkamnerd នៅថ្ងៃចុងសប្តាហ៍មុន បានថ្លែងឲ្យដឹងពីគោលជំហររដ្ឋាភិបាលថៃ ថា លោកប្រាយុទ្ធ មិនចាប់អារម្មណ៍នឹងរបាយការណ៍ពាក់ព័ន្ធនឹងករណីលោកស្រី យីងឡាក់អ្វីឡើយ ដោយ លោក គ្រាន់តែអះអាងថា រដ្ឋាភិបាលមានភារៈកិច្ចបំពេញ ការងារតាមច្បាប់ប៉ុណ្ណោះ ហើយរឿងខ្លះជារឿងបុគ្គលនោះទេ។ នេះបើយោងតាមសារព័ត៌មាន The Nation ។
អ្នកនាំពាក្យដដែលនោះ បានបន្ថែមទៀតថា រដ្ឋាភិបាល កំពុងតែអនុវត្តតាមនីតិវិធីច្បាប់ជាតិ និងអន្តរជាតិ ដោយរួមទាំងការពិនិត្យមើលពីលទ្ធភាពក្នុងការធ្វើបត្យាប័នលោកស្រី យីងឡាក់ ដែលបានអវត្តមានក្នុងសវនាការជំនុំជម្រះដើម្បីរត់គេចពីទីក្រុងបាងកកទៅក្រុងឌូបៃឲ្យមកទទួលទោសក្រោមប្រព័ន្ធច្បាប់ថៃ ។
ប្រតិកម្មរបស់អ្នកនាំពាក្យ ធ្វើឡើងបន្ទាប់ពី មានការចុះផ្សាយរបស់សារព័ត៌មាន ថា លោកស្រី យីងឡាក់ បានបំពេញទស្សនកិច្ចទៅកាន់អង់គ្លេស ហើយកំពុងតែស្នើសុំសិទ្ធិជ្រកនយោបាយនៅទីនោះផងដែរ ។ ទស្សនកិច្ចរបស់លោកស្រីយីងឡាក់ ទៅកាន់អង់គ្លេស ក៏មានន័យដែរថា លោកស្រី បានចាកចេញពីទីក្រុងឌូបៃហើយ ដើម្បីបន្តរត់គេចពីចំណាត់ការច្បាប់របស់របបសឹក ។
សូមរម្លឹកបន្តិចដែរថា នៅថ្ងៃទី២៧ កញ្ញា តុលាការកំពូលថៃបានកាត់ទោសកំបាំងមុខលើសំណុំរឿងរបស់អតីតនាយករដ្ឋមន្ត្រី យីងឡាក់ ដោយសម្រេចឲ្យជាប់ពន្ធនាគារ៥ឆ្នាំពីបទធ្វេសប្រហែសក្នុងការដឹកនាំដែលធ្វើឲ្យរដ្ឋខាតបង់ទឹកប្រាក់រាប់លានដុល្លារជុំវិញកម្មវិធីទិញអង្ករតម្លៃថោក។
ជុំវិញករណីនេះដែរ លោកឧបនាយករដ្ឋមន្ត្រីថៃ Wissanu Krea-ngam ក៏បានឲ្យដឹងដែរថា រដ្ឋាភិបាលអាចពិចារណាក្នុងការលុបចោលលិខិតឆ្លងដែនរបស់លោកស្រីបានដោយស្របច្បាប់ ហើយស្ថាប័នដែលមានយុត្តាធិការក្នុងការលុបនេះ គឺក្រសួងការបរទេសថៃតែម្តង ។
លទ្ធភាពនៃការលុបចោលលិខិតឆ្លងដែនរបស់អតីតនាយករដ្ឋមន្ត្រីថៃរូបនេះ មិនមែនជារឿងថ្មីអ្វីឡើយ ។ អតីតនាយករដ្ឋមន្ត្រីថៃ និងជាបងប្រុសបង្កើតលោកស្រីយីងឡាក់ គឺលោកថាក់ស៊ីន ស៊ីនណាវ៉ាត់ត្រា ក៏ត្រូវបានរដ្ឋាភិបាលថៃ លុបលិខិតឆ្លងដែនចេញពីបញ្ជីនៅឆ្នាំ២០១៥ផងដែរ ។ លោក ថាក់ស៊ីន ដែលកំពុងតែរស់នៅនិរទេសក្រៅប្រទេស ត្រូវបានតុលាការថៃ កាត់ទោសឲ្យជាប់ពន្ធនាគារ ក្រោយលោក ត្រូវបានទម្លាក់ចេញពីតំណែងតាមរយៈរដ្ឋប្រហារនៅឆ្នាំ២០០៦ ៕
Tag:
ថៃ
អាស៊ាន
យីងឡាក់ ស៊ីណាវ៉ាត់
© រក្សាសិទ្ធិដោយ thmeythmey.com
