អន្តរជាតិ
ឌូទើតេ ប្រកាសថា ក្រុងម៉ារ៉ាវីត្រូវបានរំដោះពីបណ្តាញក្រុមភេរវជនរដ្ឋឥស្លាមទាំងស្រុងហើយ
រូបភាព៖ABS-CBN
×![]()
ដោយ: ថ្មីៗ
ប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ បានប្រកាសថា យុទ្ធនាការរំដោះក្រុង ម៉ារ៉ាវី(Marawi) ដែលស្ថិតក្រោមការកាន់កាប់របស់ក្រុមភេរវជនដែស្ហឬក្រុមរដ្ឋឥស្លាមអស់ ៥ ខែមកនោះ ត្រូវបានរំដោះហើយ។ ការប្រកាសនេះកើតឡើងបន្ទាប់ពីមេខ្លោងក្រុមភេរវជន Isnilon Hapilon ត្រូវបានទាហានហ្វីលីពីនសម្លាប់។
«លោកលោកស្រីអ្នកនាងកញ្ញាទាំងអស់ ខ្ញុំសូមប្រកាសថា ក្រុងម៉ារ៉ាវី ត្រូវបានរំដោះពីក្រុមភេរវជនដែស្ហហើយ»។ នេះជាការប្រកាសរបស់ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេនៅថ្ងៃអង្គារទី ១៧ តុលានេះ។
ទីភ្នាក់ងារព័ត៌មាន AFP ផ្សាយថា ប្រធានាធិបតីហ្វីលីពីនបានប្រកាសពីជ័យជម្នះនេះ រយៈពេលប្រាំខែក្រោយពេលដែលក្រុមភេរវជន Maute ស្មោះស្ម័គ្រក្រុមដែស្ហ ឬក្រុមរដ្ឋឥស្លាមនោះវាយដណ្តើមកាន់កាប់។ មនុស្សមិនតិចជាង មួយពាន់នាក់ឡើយដែលបានស្លាប់ក្នុងការប្រយុទ្ធគ្នា ហើយជាង បួនសែននាក់បានបាត់បង់ជម្រកនិងរត់ភៀសខ្លួន។
យ៉ាងណាក៏ដោយ បន្ទាប់ពីប្រធានាធិបតីហ្វីលីពីនប្រកាសពីការដណ្តើមបានទីក្រុងមកវិញពីកណ្តាប់ដៃភេរវជន តំណាងទាហានហ្វីលីពីនបានបកស្រាយថា សង្គ្រាមនឹងនៅបន្តទៅមុខដោយសារមានភេរវជនប្រហែល ៣០នាក់ រួមជាមួយចំណាប់ខ្មាំងប្រហែល ២០នាក់ស្ថិតនៅក្នុងទីតាំងមួយនាទីក្រុងម៉ារ៉ាវីនៅឡើយ។
អ្នកនាំពាក្យក្រុមយោធា Restituto Padilla បានបញ្ជាក់ដូច្នេះថា៖ ការប្រកាសរបស់ប្រធានាធិបតីគឺផ្តល់ការអនុញ្ញា្យមានការចូលត្រឡប់ និងកសាងទីក្រុងម៉ារ៉ាវីដែលរងការបំផ្លិចបំផ្លាញស្ទើរទាំងស្រុងឡើងវិញ»។
ការឈានទៅប្រកាសពីការរំដោះទីក្រុងមកវិញរបស់រដ្ឋាភិបាលហ្វីលីពីននេះ តាមពិតទៅកើតឡើងក្រោយពេលដែលរដ្ឋមន្ត្រីការពារជាតិហ្វីលីពីនប្រកាសថា មេខ្លោងក្រុមភេរវជន និងតំណាងក្រុមភេរវជនដែស្ហប្រចាំអាស៊ីអាគ្នេយ៍ Isnilon Hapilon ត្រូវបានយោធាហ្វីលីពីនសម្លាប់ដោយជោគជ័យនោះ។
សូមរម្លឹកផងដែរថា ថ្ងៃ២៣ ខែឧសភា ក្រុមភេរវជន Maute ដែលមានភក្តីភាពចំពោះក្រុមភេរវជនរដ្ឋឥស្លាម ឬក្រុមដែស្ហនោះបានវាយប្រហារនិងដណ្តើមកាន់កាប់ទីក្រុងម៉ារ៉ាវីស្ថិតនៅកោះមិនដាណាវ។ ក្រោយការវាយប្រហារ កងកម្លាំងសន្តិសុខហ្វីលីពីនបានបន្តហ៊ុមព័ទ្ធ និងប្រយុទ្ធសស្រាក់សស្រាំដើម្បីកម្ចាត់ក្រុមភេរវជន។ គេឃើញមានការប្រើប្រាស់ការបាញ់ផ្លោងកាំភ្លើងធំ និងវាយប្រហារតាមផ្លូវអាកាសរៀងរាល់ថ្ងៃផងដែរចាប់ពីពេលនោះមកដើម្បីបោសសម្អាតភេរវជន។
«លោកលោកស្រីអ្នកនាងកញ្ញាទាំងអស់ ខ្ញុំសូមប្រកាសថា ក្រុងម៉ារ៉ាវី ត្រូវបានរំដោះពីក្រុមភេរវជនដែស្ហហើយ»។ នេះជាការប្រកាសរបស់ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេនៅថ្ងៃអង្គារទី ១៧ តុលានេះ។
ទីភ្នាក់ងារព័ត៌មាន AFP ផ្សាយថា ប្រធានាធិបតីហ្វីលីពីនបានប្រកាសពីជ័យជម្នះនេះ រយៈពេលប្រាំខែក្រោយពេលដែលក្រុមភេរវជន Maute ស្មោះស្ម័គ្រក្រុមដែស្ហ ឬក្រុមរដ្ឋឥស្លាមនោះវាយដណ្តើមកាន់កាប់។ មនុស្សមិនតិចជាង មួយពាន់នាក់ឡើយដែលបានស្លាប់ក្នុងការប្រយុទ្ធគ្នា ហើយជាង បួនសែននាក់បានបាត់បង់ជម្រកនិងរត់ភៀសខ្លួន។
យ៉ាងណាក៏ដោយ បន្ទាប់ពីប្រធានាធិបតីហ្វីលីពីនប្រកាសពីការដណ្តើមបានទីក្រុងមកវិញពីកណ្តាប់ដៃភេរវជន តំណាងទាហានហ្វីលីពីនបានបកស្រាយថា សង្គ្រាមនឹងនៅបន្តទៅមុខដោយសារមានភេរវជនប្រហែល ៣០នាក់ រួមជាមួយចំណាប់ខ្មាំងប្រហែល ២០នាក់ស្ថិតនៅក្នុងទីតាំងមួយនាទីក្រុងម៉ារ៉ាវីនៅឡើយ។
អ្នកនាំពាក្យក្រុមយោធា Restituto Padilla បានបញ្ជាក់ដូច្នេះថា៖ ការប្រកាសរបស់ប្រធានាធិបតីគឺផ្តល់ការអនុញ្ញា្យមានការចូលត្រឡប់ និងកសាងទីក្រុងម៉ារ៉ាវីដែលរងការបំផ្លិចបំផ្លាញស្ទើរទាំងស្រុងឡើងវិញ»។
ការឈានទៅប្រកាសពីការរំដោះទីក្រុងមកវិញរបស់រដ្ឋាភិបាលហ្វីលីពីននេះ តាមពិតទៅកើតឡើងក្រោយពេលដែលរដ្ឋមន្ត្រីការពារជាតិហ្វីលីពីនប្រកាសថា មេខ្លោងក្រុមភេរវជន និងតំណាងក្រុមភេរវជនដែស្ហប្រចាំអាស៊ីអាគ្នេយ៍ Isnilon Hapilon ត្រូវបានយោធាហ្វីលីពីនសម្លាប់ដោយជោគជ័យនោះ។
សូមរម្លឹកផងដែរថា ថ្ងៃ២៣ ខែឧសភា ក្រុមភេរវជន Maute ដែលមានភក្តីភាពចំពោះក្រុមភេរវជនរដ្ឋឥស្លាម ឬក្រុមដែស្ហនោះបានវាយប្រហារនិងដណ្តើមកាន់កាប់ទីក្រុងម៉ារ៉ាវីស្ថិតនៅកោះមិនដាណាវ។ ក្រោយការវាយប្រហារ កងកម្លាំងសន្តិសុខហ្វីលីពីនបានបន្តហ៊ុមព័ទ្ធ និងប្រយុទ្ធសស្រាក់សស្រាំដើម្បីកម្ចាត់ក្រុមភេរវជន។ គេឃើញមានការប្រើប្រាស់ការបាញ់ផ្លោងកាំភ្លើងធំ និងវាយប្រហារតាមផ្លូវអាកាសរៀងរាល់ថ្ងៃផងដែរចាប់ពីពេលនោះមកដើម្បីបោសសម្អាតភេរវជន។
Tag:
រ៉ូឌ្រីហ្គោ ឌូទើតេ
ហ្វីលីពីន
ដែស្ហ
Marawi
Isnilon Hapilon
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
