អត្ថបទពាណិជ្ជកម្ម
ក្លិបបាល់ទាត់ Manchester City ចាប់ដៃគូជាមួយក្រុមហ៊ុន ខ្មែរ ប៊ែវើរីជីស
×![]()
ក្លិបបាល់ទាត់ Manchester City ក្នុងលីគកំពូលអង់គ្លេស Premier League បានប្រកាសការចាប់ដៃគូច្រើនឆ្នាំជាមួយក្រុមហ៊ុន ខ្មែរ ប៊ែវើរីជីស ដែលជាដៃគូស្រាបៀរទី១ក្នុងតំបន់អាស៊ីអាគ្នេយ៍។ ការសម្ភោធភាពជាដៃគូនេះត្រូវបានធ្វើឡើងនារសៀលថ្ងៃនេះ នៅទីក្រុងភ្នំពេញ ដោយមានការចូលរួមពីថ្នាក់ដឹកនាំរបស់ក្រុមហ៊ុន ខ្មែរ ប៊ែវើរីជីស និងក្លិបកីឡាបាល់ទាត់ Manchester City។
នេះជាការចាប់ដៃគូក្នុងវិស័យកីឡាដ៏ធំដំបូងបំផុតរបស់ប្រទេសកម្ពុជាដែលនឹងជួយពង្រឹងវត្តមានរបស់ Manchester City នៅទ្វីបអាស៊ី។
ក្រុមហ៊ុន ខ្មែរ ប៊ែវើរីជីស គឺជាក្រុមហ៊ុនផលិតភសេជ្ជៈនាំមុខគេក្នុងទីផ្សារប្រទេសកម្ពុជា ដែលតែងតែបង្កើតផលិតផលដែលមានគុណភាពខ្ពស់ និងមានការទទួលខុសត្រូវខ្ពស់ក្នុងសង្គម បរិស្ថាន និងតែងតែចូលរួមក្នុងការងារអភិវឌ្ឍវិស័យកីឡាបាល់ទាត់ក្នុងតំបន់តាមរយៈកម្មវិធីជាច្រើន។
លោក ដេមៀន វីលឡូប៊ី (Damian Willoughby) អគ្គនាយករងជាន់ខ្ពស់ ក្នុងផ្នែកដៃគូ នៃក្រុមក្លឹបបាល់ទាត់ ស៊ីធី (City Football Group) បានលើកឡើងថា៖«យើងរីករាយយ៉ាងខ្លាំង ដែលប្រកាសការចាប់ដៃគូមួយនេះជាមួយក្រុមហ៊ុន ខ្មែរ ប៊ែវើរីជីស។ ក្រុមហ៊ុន ខ្មែរ ប៊ែវើរីជីស និងក្លឹបបាល់ទាត់ Manchester City មានការប្តេជ្ញាចិត្តដូចគ្នា ក្នុងការចូលរួមចំណែកធ្វើយ៉ាងណាឲ្យមានភាពរីកចម្រើនក្នុងសង្គម និងការរស់នៅរបស់សហគមន៍ដែលយើងធ្វើអាជីវកម្មរបស់យើង»។
«នេះជាការចាប់ដៃដំបូងរបស់របស់ក្លឹបនៅក្នុងប្រទេសកម្ពុជា ហើយយើងរីករាយនឹងស្វែងយល់ពីទីផ្សារនេះទាំងអស់គ្នា ធ្វើយ៉ាងណាប្រើប្រាស់បទពិសោធន៍របស់ក្រុមហ៊ុន ខ្មែរ ប៊ែវើរីជីស ដើម្បីរៀបចំយុទ្ធនាការណ៍ផ្សេងៗ ដើម្បីផ្សាភ្ជាប់ជាមួយអ្នកគាំទ្រក្លឹបបាល់ទាត់ Manchester City នៅក្នុងប្រទេសកម្ពុជា»។
លោក លាង ពៅ អគ្គនាយកក្រុមហ៊ុន ខ្មែរ ប៊ែវើរជីស បានបន្ថែមថា “តាមរយៈភាពជាដៃគូនេះ ក្រុមហ៊ុន ខ្មែរ ប៊ែវើរីជីស មានបំណងនាំយកបទពិសោធន៍កីឡាបាល់ទាត់កម្រិតអន្តរជាតិ មកកាន់អ្នកគាំទ្រនៅក្នុងប្រទេសកម្ពុជា និងរៀបចំកម្មវិធីកម្សាន្ត និងសង្គមជាច្រើនសម្រាប់អ្នកគាំទ្រយើង។
លោកបានបន្តថា៖«ក្រុមហ៊ុន ខ្មែរ ប៊ែវើរីជីស តែងតែគាំទ្រវិស័យកីឡាបាល់ទាត់ចាប់តាំងពីក្រុមហ៊ុនបង្កើតមក។ យើងតែងតែឧបត្ថម្ភក្លឹបក្នុងស្រុក ក៏ដូចជាក្រុមជម្រើសជាតិ ហើយថ្ងៃនេះយើងបោះមួយជំហានទៀត ដោយការនាំយកបទពិសោធន៍ របស់ Manchester City មកកាន់ប្រទេសកម្ពុជា»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
