កម្មវិធីប្រកួតប្រជែងនិយាយភាសាចិនប្រចាំឆ្នាំ២០១៧

អត្ថបទពាណិជ្ជកម្ម

កម្មវិធីប្រកួតប្រជែងនិយាយភាសាចិនប្រចាំឆ្នាំ២០១៧

30, Oct 2017 , 1:50 pm

រូបភាព

ដោយ:

រាជធានីភ្នំពេញ៖ វិទ្យាស្ថានអន្ដរជាតិ កម្ពុជា-អាស៊ាន ផ្នែកភាសាចិន នឹងប្រារព្ធកម្មវិធី “ការប្រកួតប្រជែងនិយាយភាសាចិនប្រចាំឆ្នាំ២០១៧” វគ្គផ្ដាច់ព្រ័ត្រ នាថ្ងៃទី១៨ ខែវិច្ឆិកាឆ្នាំ២០១៧ខាងមុខនេះ នៅសាល “H” នៃសកលវិទ្យាល័យ ពុទ្ធិសាស្ដ្រា។

បន្ទាប់ពីបេក្ខជនមកពីបណ្ដាសាលារៀនរដ្ឋ និងឯកជននៅទូទាំងរាជធានី ខេត្ត បានបញ្ចេញសមត្ថភាពប្រកួតប្រជែងយ៉ាងស្វិតស្វាញនៅវគ្គជម្រុះក្នុង កម្មវិធីការប្រកួតប្រជែងនិយាយភាសាចិនប្រចាំឆ្នាំ២០១៧ ដែលរៀបចំឡើងដោយវិទ្យាស្ថានអន្ដរជាតិ កម្ពុជា-អាស៊ាន។

បេក្ខជនឆ្នើម ១០រូប ដែលមានសមត្ថភាពឈានទៅកាន់វគ្គផ្ដាច់ព្រ័ត្រ និងបង្ហាញសមត្ថភាពចុងក្រោយនៅចំពោះមុខគណៈកម្មការ និងសាធារណជន នៅថ្ងៃនោះផងដែរ។
ក្រៅពីការបញ្ចេញសមត្ថភាព ចំណេះដឹង និងវោហារស័ព្ទផ្ទាល់ខ្លួន ដើម្បីបង្ហាញទៅកាន់ទស្សនិកជនរបស់បេក្ខជនទាំង១០រូប ក្នុងនោះក៏មានការបង្ហាញនូវទស្សនីយភាពរបាំប្រពៃណីបុរាណចិន ការច្រៀងចំរៀងជាក្រុម ដែលចូលរួមសម្ដែងដោយសិស្សនិស្សិត ផ្នែកភាសាចិននៃវិទ្យាស្ថានអន្ដរជាតិ កម្ពុជា-អាស៊ាន។

សូមបញ្ជាក់ថា ការប្រកួតប្រជែងនិយាយភាសាចិនប្រចាំឆ្នាំ២០១៧ គឺរៀបចំឡើងក្នុងគោលបំណងបំផុសទឹកចិត្តយុវជនកម្ពុជា ដែលសិក្សាភាសាចិន បញ្ចេញនូវភាពក្លាហាន និងដើម្បីពង្រឹងបន្ថែមសមត្ថភាពការនិយាយភាសាចិន។ លើសពីនេះទៅទៀតដើម្បីពង្រឹងចំណងមិត្តភាពរវាងប្រទេសទាំងពីរ កម្ពុជា និងចិន តាមរយៈការអប់រំ។