អន្តរជាតិ
កូរ៉េខាងត្បូងឈប់ពង្រាយខែលការពារ THAAD ដើម្បីរៀបចំទស្សនកិច្ចលោក មូន ចេអ៊ីន ទៅចិន
រដ្ឋមន្រ្តីការបរទេសកូរ៉េខាងត្បូង Kang Kyung-wha (រូបភាព៖ Xinhua)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសកូរ៉េខាងត្បូង Kang Kyung-wha បានប្រាប់សមាជិកសភាថា កូរ៉េខាងត្បូងឈប់ពង្រាយប្រព័ន្ធការពារមីស៊ីល THAAD ទៀតហើយ។ បើតាមលោកស្រី Kang Kyung-wha មូលហេតុនៃការផ្អាកនេះ គឺព្រោះតែកូរ៉េខាងត្បូងមិនចង់ចូលរួមក្នុងប្រព័ន្ធការពារមីស៊ីលរបស់អាមេរិក ហើយទំនងដើម្បីសម្រួលចិត្តចិន មុនដំណើរទស្សនកិច្ចរបស់លោកប្រធានាធិបតី មូន ចេអ៊ីន ព្រោះចិនតែងជំទាស់ការពង្រាយ THAAD ដាច់ខាត។
ទំនាក់ទំនងរវាងកូរ៉េខាងត្បូង និងចិន តែងជួបបញ្ហារកាំរកូសតាំងពីដើមមក។ ទំនាក់ទំនងនេះកាន់តែមិនសូវល្អនៅពេលកូរ៉េខាងត្បូងពង្រាយខែលការពារមីស៊ីល THAAD របស់អាមេរិក ដើម្បីទុកការពារខ្លួនប្រឆាំងមីស៊ីលរបស់កូរ៉េខាងជើង។ ចិនមិនសប្បាយចិត្តនឹងសកម្មភាពរបស់កូរ៉េខាងត្បូងឡើយ ទោះជាកូរ៉េខាងត្បូងព្យាយាមពន្យល់ថា ការពង្រាយ THAAD គឺជាការការពារខ្លួនសុទ្ធសាធ មិនមែនប្រឆាំងនរណាឡើយ។
ក្រោយការពង្រាយប្រព័ន្ធការពារ THAAD រួចមកនោះ នៅដើមសប្ដាហ៍នេះ ប្រមុខការទូតកូរ៉េខាងត្បូងក៏ប្រកាសថា កូរ៉េខាងត្បូងឈប់ទទួលប្រព័ន្ធការពាររបស់អាមេរិកទៀតហើយ។ រដ្ឋមន្ត្រីការបរទេសកូរ៉េខាងត្បូង Kang Kyung-wha បានអះអាងបែបនេះក្នុងកិច្ចប្រជុំជាមួយសមាជិកសភានៅថ្ងៃទី៣០ ខែតុលា ដែលត្រូវបានផ្សាយដោយទីភ្នាក់ងារព័ត៌មាន Yonhap ។ លោកស្រី Kang ក៏បញ្ជាក់ថា ក្រុងសេអ៊ូលមិនចង់ក្លាយជាផ្នែកមួយនៃយុទ្ធសាស្ត្រការពារមីស៊ីលរបស់ក្រុងវ៉ាស៊ីនតោនឡើយ។
ការប្រកាសរបស់រដ្ឋមន្ត្រីការបរទេសរូបនេះ ធ្វើឡើងក្រោយចិនតវ៉ាឥតឈប់ឈរជុំវិញការពង្រាយប្រព័ន្ធការពារ THAAD ដែលចិនអះអាងថា បានប៉ះពាល់ផលប្រយោជន៍របស់ខ្លួន និងប្រាប់ឲ្យកូរ៉េខាងត្បូងបញ្ឈប់ការពង្រាយជាបន្ទាន់ផង។ យ៉ាងណាក្ដី លោកស្រី Kang ក៏បានប្រកាសជំហររបស់កូរ៉េខាងត្បូងដែលនៅតែត្រូវការ THAAD ជាចាំបាច់ដើម្បីការពារខ្លួនពីការគំរាមរបស់មីស៊ីលកូរ៉េខាងជើងតែប៉ុណ្ណោះ។
អ្វីគួរឲ្យកត់សម្គាល់ ការផ្អាកពង្រាយនេះ ក៏មានគោលដៅសម្រួលបរិយាកាសនៃទំនាក់ទំនងកូរ៉េខាងត្បូង និងចិន ខណៈដែលភាគីទាំងពីរកំពុងចរចាកំណត់ពេលទស្សនកិច្ចរបស់លោកប្រធានាធិបតី មូន ចេអ៊ីន ទៅកាន់ចិន។ ប្រមុខការទូតកូរ៉េខាងត្បូងបានសមាជិកសភាដែរថា កូរ៉េខាងត្បូងកំពុងដុតដៃដុតជើងដើម្បីធ្វើយ៉ាងណាឲ្យដំណើរទស្សនកិច្ចលើកដំបូងរបស់លោក មូន កើតឡើងក្នុងឆ្នាំ២០១៧ នេះតែម្ដង។
ទោះទំនាក់ទំនងមិនសូវល្អក្ដី លោកស្រី Kang ក៏និយាយដែរថា កូរ៉េខាងត្បូង និងចិននៅតែបន្តទាក់ទងគ្នានៅគ្របកម្រិត និងបានជជែកគ្នាលើបញ្ហាដែលនៅសេសសល់ជាបន្តបន្ទាប់ ហើយលោកស្រីក៏បង្ហើបដែរថា នឹងមានការប្រកាសព័ត៌មាននៅពេលខាងមុខជុំវិញទំនាក់ទំនងថ្ងៃអនាគតរវាងកូរ៉េខាងត្បូង និងចិន។ ដោយឡែកក្រៅពី THAAD ចិនក៏ស្នើឲ្យកូរ៉េខាងត្បូងបញ្ឈប់សមយុទ្ធជាមួយអាមេរិក ព្រោះវាជាមូលហេតុដែលធ្វើឲ្យកូរ៉េខាងជើងមិនចូលតុចរចារឿងនុយក្លេអ៊ែរ៕
ទំនាក់ទំនងរវាងកូរ៉េខាងត្បូង និងចិន តែងជួបបញ្ហារកាំរកូសតាំងពីដើមមក។ ទំនាក់ទំនងនេះកាន់តែមិនសូវល្អនៅពេលកូរ៉េខាងត្បូងពង្រាយខែលការពារមីស៊ីល THAAD របស់អាមេរិក ដើម្បីទុកការពារខ្លួនប្រឆាំងមីស៊ីលរបស់កូរ៉េខាងជើង។ ចិនមិនសប្បាយចិត្តនឹងសកម្មភាពរបស់កូរ៉េខាងត្បូងឡើយ ទោះជាកូរ៉េខាងត្បូងព្យាយាមពន្យល់ថា ការពង្រាយ THAAD គឺជាការការពារខ្លួនសុទ្ធសាធ មិនមែនប្រឆាំងនរណាឡើយ។
ក្រោយការពង្រាយប្រព័ន្ធការពារ THAAD រួចមកនោះ នៅដើមសប្ដាហ៍នេះ ប្រមុខការទូតកូរ៉េខាងត្បូងក៏ប្រកាសថា កូរ៉េខាងត្បូងឈប់ទទួលប្រព័ន្ធការពាររបស់អាមេរិកទៀតហើយ។ រដ្ឋមន្ត្រីការបរទេសកូរ៉េខាងត្បូង Kang Kyung-wha បានអះអាងបែបនេះក្នុងកិច្ចប្រជុំជាមួយសមាជិកសភានៅថ្ងៃទី៣០ ខែតុលា ដែលត្រូវបានផ្សាយដោយទីភ្នាក់ងារព័ត៌មាន Yonhap ។ លោកស្រី Kang ក៏បញ្ជាក់ថា ក្រុងសេអ៊ូលមិនចង់ក្លាយជាផ្នែកមួយនៃយុទ្ធសាស្ត្រការពារមីស៊ីលរបស់ក្រុងវ៉ាស៊ីនតោនឡើយ។
ការប្រកាសរបស់រដ្ឋមន្ត្រីការបរទេសរូបនេះ ធ្វើឡើងក្រោយចិនតវ៉ាឥតឈប់ឈរជុំវិញការពង្រាយប្រព័ន្ធការពារ THAAD ដែលចិនអះអាងថា បានប៉ះពាល់ផលប្រយោជន៍របស់ខ្លួន និងប្រាប់ឲ្យកូរ៉េខាងត្បូងបញ្ឈប់ការពង្រាយជាបន្ទាន់ផង។ យ៉ាងណាក្ដី លោកស្រី Kang ក៏បានប្រកាសជំហររបស់កូរ៉េខាងត្បូងដែលនៅតែត្រូវការ THAAD ជាចាំបាច់ដើម្បីការពារខ្លួនពីការគំរាមរបស់មីស៊ីលកូរ៉េខាងជើងតែប៉ុណ្ណោះ។
អ្វីគួរឲ្យកត់សម្គាល់ ការផ្អាកពង្រាយនេះ ក៏មានគោលដៅសម្រួលបរិយាកាសនៃទំនាក់ទំនងកូរ៉េខាងត្បូង និងចិន ខណៈដែលភាគីទាំងពីរកំពុងចរចាកំណត់ពេលទស្សនកិច្ចរបស់លោកប្រធានាធិបតី មូន ចេអ៊ីន ទៅកាន់ចិន។ ប្រមុខការទូតកូរ៉េខាងត្បូងបានសមាជិកសភាដែរថា កូរ៉េខាងត្បូងកំពុងដុតដៃដុតជើងដើម្បីធ្វើយ៉ាងណាឲ្យដំណើរទស្សនកិច្ចលើកដំបូងរបស់លោក មូន កើតឡើងក្នុងឆ្នាំ២០១៧ នេះតែម្ដង។
ទោះទំនាក់ទំនងមិនសូវល្អក្ដី លោកស្រី Kang ក៏និយាយដែរថា កូរ៉េខាងត្បូង និងចិននៅតែបន្តទាក់ទងគ្នានៅគ្របកម្រិត និងបានជជែកគ្នាលើបញ្ហាដែលនៅសេសសល់ជាបន្តបន្ទាប់ ហើយលោកស្រីក៏បង្ហើបដែរថា នឹងមានការប្រកាសព័ត៌មាននៅពេលខាងមុខជុំវិញទំនាក់ទំនងថ្ងៃអនាគតរវាងកូរ៉េខាងត្បូង និងចិន។ ដោយឡែកក្រៅពី THAAD ចិនក៏ស្នើឲ្យកូរ៉េខាងត្បូងបញ្ឈប់សមយុទ្ធជាមួយអាមេរិក ព្រោះវាជាមូលហេតុដែលធ្វើឲ្យកូរ៉េខាងជើងមិនចូលតុចរចារឿងនុយក្លេអ៊ែរ៕
Tag:
កូរ៉េខាងត្បូង
ចិន
អាមេរិក
THAAD
© រក្សាសិទ្ធិដោយ thmeythmey.com
