អន្តរជាតិ
×![]()
ដោយ: តន ចាន់រិទ្ធារ៉ា
ជប៉ុនបានសន្យាផ្ដល់ជំនួយចំនួន១ទ្រីលានយ៉េនទៅឲ្យហ្វីលីពីនដើម្បីអភិវឌ្ឍប្រទេស និងមួយផ្នែកយកទៅកសាងទីក្រុងម៉ារ៉ាវីឡើងវិញ ក្រោយខ្ទេចខ្ទាំដោយសារសង្គ្រាមប៉ុន្មានខែមកនេះ។ ការសន្យានេះធ្វើឡើងអំឡុងពេលជំនួបរវាងនាយករដ្ឋមន្ត្រីជប៉ុន ស៊ិនហ្សូ អាបេ និងប្រធានាធិបតីហ្វីលីពីន រ៉ូឌ្រីហ្គោ ឌូទើតេ ដែលស្ថិតក្នុងទស្សនកិច្ចនៅតូក្យូ។ ការផ្ដល់ជំនួយនេះក៏ត្រូវគេមើលឃើញថា ជាការទាក់ទាញហ្វីលីពីន ដែលបានទោរទន់ទៅចិនយ៉ាងខ្លាំង។
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ទំនងជាសប្បាយចិត្តមិនស្ទើរឡើយ ពេលជប៉ុនសន្យាផ្ដល់ជំនួយច្រើនសន្ធឹកសន្ធាប់សម្រាប់ហ្វីលីពីន។ អំឡូងពេលដំណើរទស្សនកិច្ចលើកទី២ នៅជប៉ុនរបស់លោក ឌូទើតេ នាយករដ្ឋមន្ត្រីជប៉ុន ស៊ិនហ្សូ អាបេ បានប្រកាសផ្ដល់ជំនួយចំនួន១ទ្រីលានយ៉េន ដែលស្មើជិត៩ពាន់លានដុល្លារសម្រាប់ហ្វីលីពីន។ ជំនួយនេះនឹងផ្ដោតសំខាន់លើការកសាងហេដ្ឋារចនាសម្ព័ន្ធនៅហ្វីលីពីន និងការស្ដារទីក្រុងម៉ារ៉ាវីឡើងវិញ។
ក្នុងសន្និសីទសារព័ត៌មាននៅទីក្រុងតូក្យូនៅថ្ងៃទី៣០ ខែតុលា លោក ឌូទើតេ បានអរគុណជប៉ុនដែលនៅតែបន្តប្ដេជ្ញាចិត្តក្នុងការជួយហ្វីលីពីន ជាពិសេសតាមរយៈការផ្ដល់ជំនួយដ៏ច្រើននៅពេលនេះ។ សារព័ត៌មាន GMA News របស់ហ្វីលីពីនផ្សាយថា គម្រោងសាងសង់ធំៗជាច្រើននឹងទទួលបានហិរញ្ញវត្ថុពីគម្រោងជំនួយនេះដូចជាគម្រោងផ្លូវរថក្រោមដីនៅរដ្ឋធានីម៉ានីល និងការសាងសង់នៅតាមបណ្ដាខេត្តនានាផងដែរ។
ជាងនេះទៅទៀត គម្រោងស្ដារទីក្រុងម៉ារ៉ាវីស្ថិតក៏ស្ថិតក្រោមផែនការផ្ដល់ជំនួយរបស់ជប៉ុនដែរ។ ក្នុងសេចក្ដីថ្លែងការណ៍រួមក្រោមជំនួបទ្វេភាគី រដ្ឋាភិបាលជប៉ុនទទួលស្គាល់ថា ការសាងសង់ទីក្រុងម៉ារ៉ាវីឡើងវិញ គឺជារឿងសំខាន់បំផុត។ ទីក្រុងភាគខាងត្បូងនេះទើបត្រូវបានរំដោះកាលពីដើមសប្ដាហ៍មុនក្នុងប្រតិបត្តិការជាង៥ខែ ដែលបង្ខំឲ្យប្រជាជនរាប់ម៉ឺននាក់រត់ភៀសខ្លួន ហើយអាគារជាច្រើនត្រូវបានបំផ្លាញក្នុងការប្រយុទ្ធរវាងកម្លាំងរដ្ឋាភិបាល និងក្រុមឧទ្ទាម Maute ។
នេះជាដំណើរទស្សនកិច្ចលើកទី២ របស់លោក ឌូទើតេ ទៅកាន់ជប៉ុន បន្ទាប់ពីទស្សនកិច្ចលើកដំបូងនៅខែតុលា ឆ្នាំ២០១៦ ។ តាមពិតទៅ ប្រធានាធិបតីហ្វីលីពីនគ្រោងទៅកាន់ជប៉ុនតាំងពីខែមិថុនា ប៉ុន្តែត្រូវបានពន្យារពេលដោយសារតែប្រតិបត្តិរំដោះទីក្រុងម៉ារ៉ាវី។ ជាមួយនឹងការផ្ដល់ជំនួយក្នុងបរិមាណច្រើនបែបនេះ លោក ឌូទើតេ បានហៅជប៉ុនជាមិត្តពិតប្រាកដរបស់ហ្វីលីពីន ហើយភាគីទាំងកំពុងកសាងយុគសម័យមាសក្នុងទំនាក់ទំនងទ្វេភាគី។
ច្បាស់ណាស់ថា ការសន្យាផ្ដល់ជំនួយច្រើនបែបនេះពីសំណាក់ជប៉ុន មានគោលដៅអូសទាញហ្វីលីពីនឲ្យចាកឆ្ងាយពីឥទ្ធិពលរបស់ចិនដែលកំពុងកើនឡើងខ្លាំង។ ក្រោមការដឹកនាំរបស់លោក ឌូទើតេ ទំនាក់ទំនងរវាងហ្វីលីពីន និងចិនល្អប្រសើរយ៉ាងខ្លាំង។ ចិនបានផ្ដល់ជំនួយសន្ធឹកសន្ធាប់ទៅកាន់ហ្វីលីពីន ជាពិសេសក្នុងប្រតិបត្តិការរំដោះទីក្រុងម៉ារ៉ាវី ដោយចិនផ្ដល់ជំនួយមនុស្សធម៌ផង និងផ្ដល់កាំភ្លើងវែងរាប់ពាន់ដើមទៅឲ្យទាហានហ្វីលីពីន៕
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ទំនងជាសប្បាយចិត្តមិនស្ទើរឡើយ ពេលជប៉ុនសន្យាផ្ដល់ជំនួយច្រើនសន្ធឹកសន្ធាប់សម្រាប់ហ្វីលីពីន។ អំឡូងពេលដំណើរទស្សនកិច្ចលើកទី២ នៅជប៉ុនរបស់លោក ឌូទើតេ នាយករដ្ឋមន្ត្រីជប៉ុន ស៊ិនហ្សូ អាបេ បានប្រកាសផ្ដល់ជំនួយចំនួន១ទ្រីលានយ៉េន ដែលស្មើជិត៩ពាន់លានដុល្លារសម្រាប់ហ្វីលីពីន។ ជំនួយនេះនឹងផ្ដោតសំខាន់លើការកសាងហេដ្ឋារចនាសម្ព័ន្ធនៅហ្វីលីពីន និងការស្ដារទីក្រុងម៉ារ៉ាវីឡើងវិញ។
ក្នុងសន្និសីទសារព័ត៌មាននៅទីក្រុងតូក្យូនៅថ្ងៃទី៣០ ខែតុលា លោក ឌូទើតេ បានអរគុណជប៉ុនដែលនៅតែបន្តប្ដេជ្ញាចិត្តក្នុងការជួយហ្វីលីពីន ជាពិសេសតាមរយៈការផ្ដល់ជំនួយដ៏ច្រើននៅពេលនេះ។ សារព័ត៌មាន GMA News របស់ហ្វីលីពីនផ្សាយថា គម្រោងសាងសង់ធំៗជាច្រើននឹងទទួលបានហិរញ្ញវត្ថុពីគម្រោងជំនួយនេះដូចជាគម្រោងផ្លូវរថក្រោមដីនៅរដ្ឋធានីម៉ានីល និងការសាងសង់នៅតាមបណ្ដាខេត្តនានាផងដែរ។
ជាងនេះទៅទៀត គម្រោងស្ដារទីក្រុងម៉ារ៉ាវីស្ថិតក៏ស្ថិតក្រោមផែនការផ្ដល់ជំនួយរបស់ជប៉ុនដែរ។ ក្នុងសេចក្ដីថ្លែងការណ៍រួមក្រោមជំនួបទ្វេភាគី រដ្ឋាភិបាលជប៉ុនទទួលស្គាល់ថា ការសាងសង់ទីក្រុងម៉ារ៉ាវីឡើងវិញ គឺជារឿងសំខាន់បំផុត។ ទីក្រុងភាគខាងត្បូងនេះទើបត្រូវបានរំដោះកាលពីដើមសប្ដាហ៍មុនក្នុងប្រតិបត្តិការជាង៥ខែ ដែលបង្ខំឲ្យប្រជាជនរាប់ម៉ឺននាក់រត់ភៀសខ្លួន ហើយអាគារជាច្រើនត្រូវបានបំផ្លាញក្នុងការប្រយុទ្ធរវាងកម្លាំងរដ្ឋាភិបាល និងក្រុមឧទ្ទាម Maute ។
នេះជាដំណើរទស្សនកិច្ចលើកទី២ របស់លោក ឌូទើតេ ទៅកាន់ជប៉ុន បន្ទាប់ពីទស្សនកិច្ចលើកដំបូងនៅខែតុលា ឆ្នាំ២០១៦ ។ តាមពិតទៅ ប្រធានាធិបតីហ្វីលីពីនគ្រោងទៅកាន់ជប៉ុនតាំងពីខែមិថុនា ប៉ុន្តែត្រូវបានពន្យារពេលដោយសារតែប្រតិបត្តិរំដោះទីក្រុងម៉ារ៉ាវី។ ជាមួយនឹងការផ្ដល់ជំនួយក្នុងបរិមាណច្រើនបែបនេះ លោក ឌូទើតេ បានហៅជប៉ុនជាមិត្តពិតប្រាកដរបស់ហ្វីលីពីន ហើយភាគីទាំងកំពុងកសាងយុគសម័យមាសក្នុងទំនាក់ទំនងទ្វេភាគី។
ច្បាស់ណាស់ថា ការសន្យាផ្ដល់ជំនួយច្រើនបែបនេះពីសំណាក់ជប៉ុន មានគោលដៅអូសទាញហ្វីលីពីនឲ្យចាកឆ្ងាយពីឥទ្ធិពលរបស់ចិនដែលកំពុងកើនឡើងខ្លាំង។ ក្រោមការដឹកនាំរបស់លោក ឌូទើតេ ទំនាក់ទំនងរវាងហ្វីលីពីន និងចិនល្អប្រសើរយ៉ាងខ្លាំង។ ចិនបានផ្ដល់ជំនួយសន្ធឹកសន្ធាប់ទៅកាន់ហ្វីលីពីន ជាពិសេសក្នុងប្រតិបត្តិការរំដោះទីក្រុងម៉ារ៉ាវី ដោយចិនផ្ដល់ជំនួយមនុស្សធម៌ផង និងផ្ដល់កាំភ្លើងវែងរាប់ពាន់ដើមទៅឲ្យទាហានហ្វីលីពីន៕
Tag:
ជប៉ុន
ហ្វីលីពីន
រ៉ូឌ្រីហ្គោ ឌូទើតេ
ស៊ិនហ្សូ អាបេ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
