អន្តរជាតិ
×![]()
តុលាការធម្មនុញ្ញអេស្ប៉ាញបានសម្រេចទាត់ចោលការប្រកាសឯករាជ្យនៃទឹកដី Catalonia នៅថ្ងៃអង្គារទី ៣១ ខែតុលា។ ការសម្រេចនេះធ្វើឡើងប៉ុន្មានថ្ងៃប៉ុណ្ណោះក្រោយសភាតំបន់ Catalonia សម្រេចប្រកាសឯករាជ្យ ដោយយោងតាមលទ្ធផលប្រជាមតិកន្លងមក។
ក្រោយទឹកដី Catalonia ប្រកាសឯករាជ្យសប្តាហ៍មុន រដ្ឋាភិបាលអេស្ប៉ាញបានសម្រេចបញ្ចប់ស្វ័យភាពទឹកដីនេះភ្លាមៗ និងទាញយកមកគ្រប់គ្រងដោយផ្ទាល់វិញ។ ប៉ុន្តែដល់ថ្ងៃអង្គារទី ៣១ ខែតុលា តុលាការធម្មនុញ្ញអេស្ប៉ាញក៏បានសម្រេចលុបចោលការប្រកាសឯករាជ្យនៃទឹកដីនេះថែមទៀត។
បើតាមការចុះផ្សាយរបស់សារព័ត៌មានរុស្ស៊ី RT ការសម្រេចនេះធ្វើឡើងចំពេលដែលប្រធានាធិបតីតំបន់ Catalonia លោក Carles Puigdemont ដែលត្រូវបានគេទម្លាក់ពីតំណែងនោះធ្វើដំណើរទៅទីក្រុងព្រុចសែលដើម្បីផ្តល់សុន្ទរកថានៅទីនោះផង។ លោកក៏ត្រូវបានរដ្ឋាភិបាលអេស្ប៉ាញដាក់ពាក្យប្តឹងលោកពីការជំរុញឲ្យមានការផ្តាច់ខ្លួននៃទឹកដីខាងលើផងដែរ។
យ៉ាងណាមិញពេលជួបអ្នកសារព័ត៌មាន លោក Puigdemont បានបញ្ជាក់ច្បាស់ថា លោកមិនបានចាកចេញមកព្រុចសែលដើម្បីសុំសិទ្ធិជ្រកកោននយោបាយឡើយ។ លោកក៏បានបន្ថែមផងដែរថា លោកថ្កោលទោសប្រព័ន្ធយុត្តិធម៌អេស្ប៉ាញ និងចង់បង្ហាញទៅពិភពលោកពីវិបត្តិប្រជាធិបតេយ្យដែលកំពុងកើតមានឡើងនៅអេស្ប៉ាញ។
ដោយឡែកក្រៅពីការសម្រេចរបស់តុលាការធម្មនុញ្ញ តុលាការកំពូលអេស្ប៉ាញក៏បានសម្រេចកោះហៅប្រធានសភាតំបន់ Catalonia និងសមាជិកសភាប្រាំរូបផ្សេងទៀតឲ្យចូលខ្លួនបំភ្លឺនៅថ្ងៃ ២ និងថ្ងៃ ៣ ខែវិច្ឆិការនេះផង។
សូមបញ្ជាក់ថា សភាតំបន់ Catalonia បានសម្រេចប្រកាសឯករាជ្យពីអេស្ប៉ាញក្នុងសម័យប្រជុំថ្ងៃ ២៧ ខែតុលា ហើយកិច្ចប្រជុំនេះត្រូវបានសមាជិកសភាដែលគាំទ្រការរួមរស់ជាមួយអេស្ប៉ាញធ្វើពិហិកា។ ឆ្លើយតបនឹងការប្រកាសឯករាជ្យនេះ ព្រឹទ្ធសភាអេស្ប៉ាញបានសម្រេចអនុវត្តមាត្រា ១៥៥ នៃរដ្ឋធម្មនុញដើម្បីដកហូតអំណាចរដ្ឋាភិបាលតំបន់ ហើយប្រកាសការបោះឆ្នោតតំបន់នេះនៅខែធ្នូខាងមុខ៕
ក្រោយទឹកដី Catalonia ប្រកាសឯករាជ្យសប្តាហ៍មុន រដ្ឋាភិបាលអេស្ប៉ាញបានសម្រេចបញ្ចប់ស្វ័យភាពទឹកដីនេះភ្លាមៗ និងទាញយកមកគ្រប់គ្រងដោយផ្ទាល់វិញ។ ប៉ុន្តែដល់ថ្ងៃអង្គារទី ៣១ ខែតុលា តុលាការធម្មនុញ្ញអេស្ប៉ាញក៏បានសម្រេចលុបចោលការប្រកាសឯករាជ្យនៃទឹកដីនេះថែមទៀត។
បើតាមការចុះផ្សាយរបស់សារព័ត៌មានរុស្ស៊ី RT ការសម្រេចនេះធ្វើឡើងចំពេលដែលប្រធានាធិបតីតំបន់ Catalonia លោក Carles Puigdemont ដែលត្រូវបានគេទម្លាក់ពីតំណែងនោះធ្វើដំណើរទៅទីក្រុងព្រុចសែលដើម្បីផ្តល់សុន្ទរកថានៅទីនោះផង។ លោកក៏ត្រូវបានរដ្ឋាភិបាលអេស្ប៉ាញដាក់ពាក្យប្តឹងលោកពីការជំរុញឲ្យមានការផ្តាច់ខ្លួននៃទឹកដីខាងលើផងដែរ។
យ៉ាងណាមិញពេលជួបអ្នកសារព័ត៌មាន លោក Puigdemont បានបញ្ជាក់ច្បាស់ថា លោកមិនបានចាកចេញមកព្រុចសែលដើម្បីសុំសិទ្ធិជ្រកកោននយោបាយឡើយ។ លោកក៏បានបន្ថែមផងដែរថា លោកថ្កោលទោសប្រព័ន្ធយុត្តិធម៌អេស្ប៉ាញ និងចង់បង្ហាញទៅពិភពលោកពីវិបត្តិប្រជាធិបតេយ្យដែលកំពុងកើតមានឡើងនៅអេស្ប៉ាញ។
ដោយឡែកក្រៅពីការសម្រេចរបស់តុលាការធម្មនុញ្ញ តុលាការកំពូលអេស្ប៉ាញក៏បានសម្រេចកោះហៅប្រធានសភាតំបន់ Catalonia និងសមាជិកសភាប្រាំរូបផ្សេងទៀតឲ្យចូលខ្លួនបំភ្លឺនៅថ្ងៃ ២ និងថ្ងៃ ៣ ខែវិច្ឆិការនេះផង។
សូមបញ្ជាក់ថា សភាតំបន់ Catalonia បានសម្រេចប្រកាសឯករាជ្យពីអេស្ប៉ាញក្នុងសម័យប្រជុំថ្ងៃ ២៧ ខែតុលា ហើយកិច្ចប្រជុំនេះត្រូវបានសមាជិកសភាដែលគាំទ្រការរួមរស់ជាមួយអេស្ប៉ាញធ្វើពិហិកា។ ឆ្លើយតបនឹងការប្រកាសឯករាជ្យនេះ ព្រឹទ្ធសភាអេស្ប៉ាញបានសម្រេចអនុវត្តមាត្រា ១៥៥ នៃរដ្ឋធម្មនុញដើម្បីដកហូតអំណាចរដ្ឋាភិបាលតំបន់ ហើយប្រកាសការបោះឆ្នោតតំបន់នេះនៅខែធ្នូខាងមុខ៕
Tag:
អេស្ប៉ាញ
Catalonia
Carles Puigdemont
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
