អន្តរជាតិ
ចិនប្រាប់អាមេរិកឲ្យឈប់លូកលាន់បញ្ហាសមុទ្រចិនខាងត្បូង មុន ត្រាំ មកទស្សនកិច្ចអាស៊ី
×![]()
សហរដ្ឋអាមេរិកមិនគួរព្យាយាមរារាំងការប្រឹងប្រែងរបស់ចិន និងប្រទេសជិតខាងក្នុងការឈានទៅឯកភាពគ្នាលើក្រមប្រតិបត្តិសមុទ្រចិនខាងត្បូងឡើយ។ នេះសារផ្តាំផ្ញើរបស់តំណាងរដ្ឋាភិបាលចិនទៅកាន់អាមេរិក ដើម្បីស្នើឲ្យមហាអំណាចឈប់លូកលាន់បញ្ហាសមុទ្រចិនខាងត្បូងទៀត។
ប៉ុន្មានថ្ងៃមុនប្រធានាធិបតីអាមេរិក ដូណាល់ ត្រាំ ចាប់ផ្តើមដំណើរទស្សនកិច្ចរបស់ខ្លួនមកកាន់តំបន់អាស៊ីជាលើកដំបូង ឯកអគ្គរដ្ឋទូតចិនប្រចាំសហរដ្ឋអាមេរិកបានប្រាប់ឲ្យអាមេរិកឈប់លូកលាន់ក្នុងបញ្ហាជម្លោះសមុទ្រចិនខាងត្បូងទៀត។
បើតាមទីភ្នាក់ងារព័ត៌មាន AP លោក Cui Tiankai ឯកអគ្គរដ្ឋទូតចិនប្រចាំអាមេរិកបាននិយាយថា អាមេរិកគ្មានចំណែកសូម្បីបន្តិចក្នុងដែនជម្លោះសមុទ្រចិនខាងត្បូង។ដូច្នេះហើយ អាមេរិកគួរឈប់បង្កើតបញ្ហា និងអនុញ្ញាតឲ្យប្រទេសពាក់ព័ន្ធក្នុងតំបន់គ្រប់គ្រងនិងដោះស្រាយជម្លោះដោយប្រើយន្តការដែលមានប្រសិទ្ធភាព និងរក្សាចំណងមិត្តភាពរួមគ្នាបាន។
«ខ្ញុំគិតថា វាប្រាកដជាប្រសើរជាងមុនប្រសិនបើប្រទេសដទៃរួមទាំងអាមេរិកផងនោះមិនព្យាយាមលូកលាន់ និងព្យាយាមបង្កើតឧបសគ្គសម្រាប់ការឯកភាពគ្នាលើការឈានទៅបង្កើតក្រមប្រតិបត្តិសមុទ្រចិនខាងត្បូងនោះ។ ខ្ញុំគិតថា វាជាក្តីសង្ឃឹមរបស់យើង ហើយវាក៏ជាក្តីសង្ឃឹមរបស់ប្រទេសអាស៊ានដែរ»។ លោក Cui Tiankai បានលើកឡើងដូច្នេះ។
កន្លងមកនេះចិនរងការរិះគន់ខ្លាំងពីក្រុងវ៉ាស៊ីនតោន និងបណ្តាប្រទេសមួយចំនួននៅអាស៊ានដូចជាវៀតណាមជាដើមពាក់ព័ន្ធការបន្តសាងសង់កោះសិប្បនិម្មិតនៅក្នុងតំបន់ជម្លោះសមុទ្រចិនខាងត្បូង។ ថ្វីបើគ្មានចំណែកក្នុងតំបន់ជម្លោះ អាមេរិកអះអាងថា ខ្លួនមានសិទ្ធិឈឺឆ្អាលព្រោះខ្លួនក៏មានសេរីភាពនាវាចរណ៍ និងហោះហើរនៅសមុទ្រចិនខាងត្បូងដែរ។ កាលពីខែមុន គេឃើញរដ្ឋមន្ត្រីការបរទេសអាមេរិក រិច ធីល័រសិន ក៏បានទិតៀនចិន និងអះអាងថា សកម្មភាពបង្ករឿងរបស់ចិនកំពុងបង្កផលប៉ះពាល់ដល់សណ្តាប់ធ្នាប់ និងច្បាប់អន្តរជាតិផងដែរ។
ដោយឡែក ការបង្កើតក្រមប្រតិបត្តិដែលមានអនុភាពគតិយុត្តិក្នុងការគ្រប់គ្រងដែនជម្លោះ និងដោះស្រាយបញ្ហារវាងចិន និងសមាជិកអាស៊ាននោះនៅតែប្រឈមបញ្ហាច្រើន ដោយសារកន្លងមកចិននៅតែមានជំហរស្ទាក់ស្ទើរក្នុងការចរចាជាមួយអាស៊ានជាក្រុម។ ការចរចាប្រហែលជាត្រូវចំណាយពេលរាប់ឆ្នាំទៅមុខថែមទៀតផង។ ប៉ុន្តែចិនចាត់ទុកថា ចេតនារបស់អាមេរិកក្នុងការទប់ស្កាត់ចិនធ្វើឲ្យការដោះស្រាយបញ្ហាជម្លោះកាន់តែស្មុគស្មាញ និងលំបាក៕
ប៉ុន្មានថ្ងៃមុនប្រធានាធិបតីអាមេរិក ដូណាល់ ត្រាំ ចាប់ផ្តើមដំណើរទស្សនកិច្ចរបស់ខ្លួនមកកាន់តំបន់អាស៊ីជាលើកដំបូង ឯកអគ្គរដ្ឋទូតចិនប្រចាំសហរដ្ឋអាមេរិកបានប្រាប់ឲ្យអាមេរិកឈប់លូកលាន់ក្នុងបញ្ហាជម្លោះសមុទ្រចិនខាងត្បូងទៀត។
បើតាមទីភ្នាក់ងារព័ត៌មាន AP លោក Cui Tiankai ឯកអគ្គរដ្ឋទូតចិនប្រចាំអាមេរិកបាននិយាយថា អាមេរិកគ្មានចំណែកសូម្បីបន្តិចក្នុងដែនជម្លោះសមុទ្រចិនខាងត្បូង។ដូច្នេះហើយ អាមេរិកគួរឈប់បង្កើតបញ្ហា និងអនុញ្ញាតឲ្យប្រទេសពាក់ព័ន្ធក្នុងតំបន់គ្រប់គ្រងនិងដោះស្រាយជម្លោះដោយប្រើយន្តការដែលមានប្រសិទ្ធភាព និងរក្សាចំណងមិត្តភាពរួមគ្នាបាន។
«ខ្ញុំគិតថា វាប្រាកដជាប្រសើរជាងមុនប្រសិនបើប្រទេសដទៃរួមទាំងអាមេរិកផងនោះមិនព្យាយាមលូកលាន់ និងព្យាយាមបង្កើតឧបសគ្គសម្រាប់ការឯកភាពគ្នាលើការឈានទៅបង្កើតក្រមប្រតិបត្តិសមុទ្រចិនខាងត្បូងនោះ។ ខ្ញុំគិតថា វាជាក្តីសង្ឃឹមរបស់យើង ហើយវាក៏ជាក្តីសង្ឃឹមរបស់ប្រទេសអាស៊ានដែរ»។ លោក Cui Tiankai បានលើកឡើងដូច្នេះ។
កន្លងមកនេះចិនរងការរិះគន់ខ្លាំងពីក្រុងវ៉ាស៊ីនតោន និងបណ្តាប្រទេសមួយចំនួននៅអាស៊ានដូចជាវៀតណាមជាដើមពាក់ព័ន្ធការបន្តសាងសង់កោះសិប្បនិម្មិតនៅក្នុងតំបន់ជម្លោះសមុទ្រចិនខាងត្បូង។ ថ្វីបើគ្មានចំណែកក្នុងតំបន់ជម្លោះ អាមេរិកអះអាងថា ខ្លួនមានសិទ្ធិឈឺឆ្អាលព្រោះខ្លួនក៏មានសេរីភាពនាវាចរណ៍ និងហោះហើរនៅសមុទ្រចិនខាងត្បូងដែរ។ កាលពីខែមុន គេឃើញរដ្ឋមន្ត្រីការបរទេសអាមេរិក រិច ធីល័រសិន ក៏បានទិតៀនចិន និងអះអាងថា សកម្មភាពបង្ករឿងរបស់ចិនកំពុងបង្កផលប៉ះពាល់ដល់សណ្តាប់ធ្នាប់ និងច្បាប់អន្តរជាតិផងដែរ។
ដោយឡែក ការបង្កើតក្រមប្រតិបត្តិដែលមានអនុភាពគតិយុត្តិក្នុងការគ្រប់គ្រងដែនជម្លោះ និងដោះស្រាយបញ្ហារវាងចិន និងសមាជិកអាស៊ាននោះនៅតែប្រឈមបញ្ហាច្រើន ដោយសារកន្លងមកចិននៅតែមានជំហរស្ទាក់ស្ទើរក្នុងការចរចាជាមួយអាស៊ានជាក្រុម។ ការចរចាប្រហែលជាត្រូវចំណាយពេលរាប់ឆ្នាំទៅមុខថែមទៀតផង។ ប៉ុន្តែចិនចាត់ទុកថា ចេតនារបស់អាមេរិកក្នុងការទប់ស្កាត់ចិនធ្វើឲ្យការដោះស្រាយបញ្ហាជម្លោះកាន់តែស្មុគស្មាញ និងលំបាក៕
Tag:
ចិន
ដូណាល់ ត្រាំ
សមុទ្រចិនខាងត្បូង
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
