អន្តរជាតិ
×![]()
រដ្ឋាភិបាលក្រុងហ្សាការតា បានពន្លិចទូកនេសាទបរទេសជាច្រើនគ្រឿងទៅក្នុងរណ្តៅ ក្នុងយុទ្ធនាការបោសសម្អាតបទល្មើសនេសាទ ក៏ដូចជាដើម្បីព្រមានក្រុមអ្នកនេសាទបរទេស ដែលតែងតែបំពានដែនអធិបតេយ្យខ្លួនដោយមិនមានញញឺត ។
ជំនួសដោយការបំផ្ទុះ រដ្ឋមន្ត្រីនេសាទ និងកិច្ចការសមុទ្រ លោកស្រី Susi Pudjiastuti និងកងកម្លាំងប្រយុទ្ធប្រឆាំងបទល្មើសនេសាទឥណ្ឌូណេស៊ី នៅសប្តាហ៍នេះ បានពន្លិចនាវាបរទេស១៧គ្រឿង ដែលត្រូវបានប្រើប្រាស់ក្នុងប្រតិបត្តិការនេសាទខុសច្បាប់នៅក្នុងដែនទឹកឥណ្ឌូណេស៊ី ។ នេះបើយោងតាមការចុះផ្សាយរបស់សារព័ត៌មាន The Jakarta Post ។
ជុំវិញចំណាត់ការនេះ លោកស្រីរដ្ឋមន្ត្រី បានអះអាងថា ការពន្លិចនាវាទាំងនេះ គឺជាភស្តុតាងដ៏សំខាន់មួយដែលបង្ហាញថា ឥណ្ឌូណេស៊ី តែងតែយកចិត្តទុកដាក់បំផុតក្នុងកិច្ចការការពារដែនទឹករបស់ខ្លួនសម្រាប់ពេលអនាគត ។ នេះបើយោងតាមប្រភពព័ត៌មានដដែល ។
ជាមួយគ្នានេះ ប្រធានកងកម្លាំងប្រឆាំងបទល្មើសនេសាទ លោក Wahyudi Hendro Dwiyono ក៏បានពន្យល់ដែរថា ឥណ្ឌូណេស៊ី មិនប្រើប្រាស់ការបំផ្ទុះដើម្បីកម្ទេចនាវានេសាទខុសច្បាប់ទាំងនោះឡើយ។ ត្រឹមពន្លិចនៅក្នុងរណ្តៅជ្រៅនោះ វាគ្រប់គ្រាន់ហើយ ។
មន្ត្រីរូបនេះបានអះអាងទៀតថា គិតចាប់ពីខែមករាមក មាននាវានេសាទ ៨៨ គ្រឿងហើយ ត្រូវបានពន្លិចចោល បន្ទាប់ពីកងកម្លាំងរកឃើញថា វាមានពាក់ព័ន្ធនឹងការនេសាទខុសច្បាប់នោះ ។
សូមជម្រាបផងដែរថា ឥណ្ឌូណេស៊ី ដែលជាប្រទេសដែលមានបណ្តុំកោះច្រើន និងជាប្រទេសជាងធំជាងគេរបស់អាស៊ាន បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។
វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូណេស៊ីបាត់បង់ចំណូលជាតិជាច្រើនលានដុល្លារ ។ កន្លងមកអាជ្ញាធរឥណ្ឌូណេស៊ី ក៏បានកម្ទេចទូកនេសាទជាច្រើនរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ា ដោយរដ្ឋាភិបាលចោទថា ពួកគេចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
ជំនួសដោយការបំផ្ទុះ រដ្ឋមន្ត្រីនេសាទ និងកិច្ចការសមុទ្រ លោកស្រី Susi Pudjiastuti និងកងកម្លាំងប្រយុទ្ធប្រឆាំងបទល្មើសនេសាទឥណ្ឌូណេស៊ី នៅសប្តាហ៍នេះ បានពន្លិចនាវាបរទេស១៧គ្រឿង ដែលត្រូវបានប្រើប្រាស់ក្នុងប្រតិបត្តិការនេសាទខុសច្បាប់នៅក្នុងដែនទឹកឥណ្ឌូណេស៊ី ។ នេះបើយោងតាមការចុះផ្សាយរបស់សារព័ត៌មាន The Jakarta Post ។
ជុំវិញចំណាត់ការនេះ លោកស្រីរដ្ឋមន្ត្រី បានអះអាងថា ការពន្លិចនាវាទាំងនេះ គឺជាភស្តុតាងដ៏សំខាន់មួយដែលបង្ហាញថា ឥណ្ឌូណេស៊ី តែងតែយកចិត្តទុកដាក់បំផុតក្នុងកិច្ចការការពារដែនទឹករបស់ខ្លួនសម្រាប់ពេលអនាគត ។ នេះបើយោងតាមប្រភពព័ត៌មានដដែល ។
ជាមួយគ្នានេះ ប្រធានកងកម្លាំងប្រឆាំងបទល្មើសនេសាទ លោក Wahyudi Hendro Dwiyono ក៏បានពន្យល់ដែរថា ឥណ្ឌូណេស៊ី មិនប្រើប្រាស់ការបំផ្ទុះដើម្បីកម្ទេចនាវានេសាទខុសច្បាប់ទាំងនោះឡើយ។ ត្រឹមពន្លិចនៅក្នុងរណ្តៅជ្រៅនោះ វាគ្រប់គ្រាន់ហើយ ។
មន្ត្រីរូបនេះបានអះអាងទៀតថា គិតចាប់ពីខែមករាមក មាននាវានេសាទ ៨៨ គ្រឿងហើយ ត្រូវបានពន្លិចចោល បន្ទាប់ពីកងកម្លាំងរកឃើញថា វាមានពាក់ព័ន្ធនឹងការនេសាទខុសច្បាប់នោះ ។
សូមជម្រាបផងដែរថា ឥណ្ឌូណេស៊ី ដែលជាប្រទេសដែលមានបណ្តុំកោះច្រើន និងជាប្រទេសជាងធំជាងគេរបស់អាស៊ាន បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។
វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូណេស៊ីបាត់បង់ចំណូលជាតិជាច្រើនលានដុល្លារ ។ កន្លងមកអាជ្ញាធរឥណ្ឌូណេស៊ី ក៏បានកម្ទេចទូកនេសាទជាច្រើនរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ា ដោយរដ្ឋាភិបាលចោទថា ពួកគេចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
Tag:
ឥណ្ឌូណេស៊ី
អាស៊ាន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
