អន្តរជាតិ
មីយ៉ាន់ម៉ា ចោទ បង់ក្លាដែសថា ព្យាយាមពន្យារពេលបញ្ចូនជនភៀសខ្លួន ដ្បិតចង់បានជំនួយបន្ថែម
ជនភៀសខ្លួនរ៉ូហ៊ីងយ៉ានៅឯជំរំភៀសខ្លួនក្នុងទឹកដីបង់ក្លាដែស (រូបភាពពីគេហទំព័រអង្គការសហប្រជាជាតិ)
×![]()
រដ្ឋាភិបាលក្រុងណៃពិដោរ បានចោទរដ្ឋាភិបាលក្រុងដាហ្កា ថាបានព្យាយាមពន្យារពេលក្នុងការបញ្ជូនជនភៀសខ្លួនរបស់មីយ៉ាន់ម៉ាទៅប្រទេសដើមវិញ ។ ក្រុងណៃពិដោរ ថែមទាំងបានអះអាងថា ការណ៍ដែលក្រុងដាហ្កាធ្វើបែបនេះ ក៏ព្រោះតែ ផលប្រយោជន៍ហិរញ្ញវត្ថុ ដែលផ្តល់ដោយសហគមន៍អន្តរជាតិ ។
អ្នកនាំពាក្យរដ្ឋាភិបាលមីយ៉ាន់ម៉ា លោក Zaw Htay បានឲ្យដឹងថា រដ្ឋាភិបាលមីយ៉ាន់ម៉ា បានត្រៀមខ្លួនរួចជាស្រេចហើយក្នុងការទទួលជនភៀសខ្លួនពីបង់ក្លាដែសវិញ ដោយយោងតាមកិច្ចព្រមព្រៀងទ្វេភាគីរបស់ប្រទេសទាំងពីរ ក៏ប៉ុន្តែភាគីម្ខាងទៀត បានព្យាយាមពន្យារពេល ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters នៅថ្ងៃ៣១ តុលា ។
តាមប្រភពព័ត៌មានដដែល បន្ថែមពីបន្ទោសភាពយឺតយ៉ាវនៃការបញ្ជូនជនភៀសខ្លួន អ្នកនាំពាក្យដដែលនោះ បានភ្ជាប់ការពន្យារពេលរបស់បង់ក្លាដែសជាមួយនឹងជំនួយអន្តរជាតិ ដែលផ្តល់ឲ្យបង់ក្លាដែសសម្រាប់សង្គ្រោះជនភៀសខ្លួន ។
លោក លើកឡើងយ៉ាងដូច្នេះថា៖« បច្ចុប្បន្ន ពួកគេ (បង់ក្លាដែស) បានទទួលជំនួយ ៤០០ លានដុល្លាររួចហើយ ។ យើង មានការព្រួយបារម្ភថា កម្មវិធីនៃការបញ្ជូនជនភៀសខ្លួន ត្រូវពន្យារពេល ដោយសារតែជំនួយនេះ ដ្បិត បង់ក្លាដែស ទទួលបានការគាំពារពីសហគមន៍អន្តរជាតិ»។
យ៉ាងណាក៏ដោយ នៅសប្តាហ៍មុន រដ្ឋាភិបាលបង់ក្លាដែស ក៏បានចេញសេចក្តីថ្លែងការណ៍មួយផងដែរ ដោយបានបញ្ជាក់ថា ភាគីមីយ៉ាន់ម៉ា មិនទាន់យល់ព្រមក្នុងការអនុវត្តលើកិច្ចព្រមព្រៀង ដែលផ្តោតសំខាន់លើការគាំពារជនភៀសខ្លួនជនជាតិភាគតិចរ៉ូហ៊ីងយ៉ានៅឡើយនោះទេ ។ កិច្ចព្រមព្រៀងនោះ រាប់បញ្ចូលទាំងគោលនយោបាយ ដែលចេញដោយអតីតអគ្គលេខាធិការអង្គការសហប្រជាជាតិ លោក កូហ្វី អាណាន់ផងដែរ ។
បើតាមរបាយការណ៍អង្គការសហប្រជាជាតិ ជនភៀសខ្លួនមិនតិចជាង៥០ម៉ឺននាក់ឡើយ ដែលបានចាកចេញពីរដ្ឋ Rakhine របស់មីយ៉ាន់ម៉ា ទៅកាន់បង់ក្លាដែស និងស្នាក់នៅក្នុងជំរំបណ្តោះអាសន្ននៅទីនោះ ដោយសារតែការប៉ះទង្គិចនៅចុងខែសីហាកន្លងទៅ ។ តាមរបាយការណ៍ដដែលនោះ ជនភៀសខ្លួន បានអះអាងថា ពួកគេ ត្រូវបានបង្ខំឲ្យចាកចេញ និងថែមទាំងគំរាមសម្លាប់ទៀតផង ខណៈពេលដែលភូមិ និងផ្ទះ របស់ពួកគេ ត្រូវបានអាជ្ញាធរបំផ្លាញផងដែរនោះ ៕
អ្នកនាំពាក្យរដ្ឋាភិបាលមីយ៉ាន់ម៉ា លោក Zaw Htay បានឲ្យដឹងថា រដ្ឋាភិបាលមីយ៉ាន់ម៉ា បានត្រៀមខ្លួនរួចជាស្រេចហើយក្នុងការទទួលជនភៀសខ្លួនពីបង់ក្លាដែសវិញ ដោយយោងតាមកិច្ចព្រមព្រៀងទ្វេភាគីរបស់ប្រទេសទាំងពីរ ក៏ប៉ុន្តែភាគីម្ខាងទៀត បានព្យាយាមពន្យារពេល ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters នៅថ្ងៃ៣១ តុលា ។
តាមប្រភពព័ត៌មានដដែល បន្ថែមពីបន្ទោសភាពយឺតយ៉ាវនៃការបញ្ជូនជនភៀសខ្លួន អ្នកនាំពាក្យដដែលនោះ បានភ្ជាប់ការពន្យារពេលរបស់បង់ក្លាដែសជាមួយនឹងជំនួយអន្តរជាតិ ដែលផ្តល់ឲ្យបង់ក្លាដែសសម្រាប់សង្គ្រោះជនភៀសខ្លួន ។
លោក លើកឡើងយ៉ាងដូច្នេះថា៖« បច្ចុប្បន្ន ពួកគេ (បង់ក្លាដែស) បានទទួលជំនួយ ៤០០ លានដុល្លាររួចហើយ ។ យើង មានការព្រួយបារម្ភថា កម្មវិធីនៃការបញ្ជូនជនភៀសខ្លួន ត្រូវពន្យារពេល ដោយសារតែជំនួយនេះ ដ្បិត បង់ក្លាដែស ទទួលបានការគាំពារពីសហគមន៍អន្តរជាតិ»។
យ៉ាងណាក៏ដោយ នៅសប្តាហ៍មុន រដ្ឋាភិបាលបង់ក្លាដែស ក៏បានចេញសេចក្តីថ្លែងការណ៍មួយផងដែរ ដោយបានបញ្ជាក់ថា ភាគីមីយ៉ាន់ម៉ា មិនទាន់យល់ព្រមក្នុងការអនុវត្តលើកិច្ចព្រមព្រៀង ដែលផ្តោតសំខាន់លើការគាំពារជនភៀសខ្លួនជនជាតិភាគតិចរ៉ូហ៊ីងយ៉ានៅឡើយនោះទេ ។ កិច្ចព្រមព្រៀងនោះ រាប់បញ្ចូលទាំងគោលនយោបាយ ដែលចេញដោយអតីតអគ្គលេខាធិការអង្គការសហប្រជាជាតិ លោក កូហ្វី អាណាន់ផងដែរ ។
បើតាមរបាយការណ៍អង្គការសហប្រជាជាតិ ជនភៀសខ្លួនមិនតិចជាង៥០ម៉ឺននាក់ឡើយ ដែលបានចាកចេញពីរដ្ឋ Rakhine របស់មីយ៉ាន់ម៉ា ទៅកាន់បង់ក្លាដែស និងស្នាក់នៅក្នុងជំរំបណ្តោះអាសន្ននៅទីនោះ ដោយសារតែការប៉ះទង្គិចនៅចុងខែសីហាកន្លងទៅ ។ តាមរបាយការណ៍ដដែលនោះ ជនភៀសខ្លួន បានអះអាងថា ពួកគេ ត្រូវបានបង្ខំឲ្យចាកចេញ និងថែមទាំងគំរាមសម្លាប់ទៀតផង ខណៈពេលដែលភូមិ និងផ្ទះ របស់ពួកគេ ត្រូវបានអាជ្ញាធរបំផ្លាញផងដែរនោះ ៕
Tag:
មីយ៉ាន់ម៉ា
បង់ក្លាដែស
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
9 ម៉ោង
