អន្តរជាតិ
សមាជិកសហភាពអឺរ៉ុបទាំងអស់មានប្រទេសណាខ្លះ ?
× សហភាពអឺរ៉ុប ដែលហៅកាត់ថា EU ជាអង្គការអន្តរជាតិ និងជាអង្គការអន្តររដ្ឋាភិបាលមួយប្រចាំតំបន់អឺរ៉ុប ដែលត្រូវបានបង្កើតឡើងនៅឆ្នាំ១៩៥៨ ពោលគឺ បន្ទាប់ពីការបញ្ចប់សង្គ្រាមលោកលើកទី២ ។ មិនខុសពីអង្គការអន្តររដ្ឋាភិបាលប្រចាំតំបន់ផ្សេងទៀតឡើយ សហភាពអឺរ៉ុប ត្រូវបានបង្កើតឡើងក្នុងគោលដៅពង្រឹងកិច្ចសហប្រតិបត្តិការនយោបាយ សេដ្ឋកិច្ច និងវប្បធម៌ជាដើម ។
«សហភាពអឺរ៉ុប» មិនមែនជាឈ្មោះដើមរបស់ស្ថាប័ននេះឡើយ ។ ដំបូងស្ថាប័ននេះ មានឈ្មោះថា សហគមន៍សេដ្ឋកិច្ចអឺរ៉ុប ដែលមានស្ថាបនិកដូចជា បែលហ្ស៊ិក អាល្លឺម៉ង់ បារាំង អ៊ីតាលី លុចសំបួ និងហូឡង់ ។ ដោយសារការវិវត្តជាបន្តបន្ទាប់ និងសក្តានុពល តាមរយៈកិច្ចសហប្រតិបត្តិការសេដ្ឋកិច្ចនេះ ទើបបានប្រែក្លាយស្ថាប័ននេះ ទៅសហភាពអឺរ៉ុប ដែលជាស្ថាប័នមួយ មានការធ្វើសមាហរណកម្មស៊ីជម្រៅស្ទើរគ្រប់វិស័យ និងថែមមានសមាជិកច្រើនទៀតផង ។
មកទល់ពេលនេះ សមាជិកទាំងអស់របស់សហភាពអឺរ៉ុបទាំងអស់រួមមាន ២៨ប្រទេស ដូចមានរៀបរាប់នៅខាងក្រោម ៖
១. អូទ្រីស ២. បែលហ្ស៊ិក ៣. ប៊ុលហ្ការី ៤. ក្រូអាស៊ី ៥. ស៊ីប ៦. សាធារណរដ្ឋឆែក ៧. ដាណឺម៉ាក ៨. អេស្តូនី ៩. ហ្វាំងឡង់ ១០. បារាំង ១១. អាល្លឺម៉ង់ ១២. ក្រិក ១៣. ហុងគ្រី ១៤. អៀរឡង់ ១៥. អ៊ីតាលី ១៦. ឡេតូនី ១៧. លីទុយអានី ១៨. លុចសំបួ ១៩. ម៉ាល់ត៌ ២០. ហូឡង់
២១. ប៉ូឡូញ ២២. ព័រទុយហ្កាល់ ២៣. រ៉ូម៉ានី ២៤. ស្លូវ៉ាគី ២៥. ស្លូវេនី ២៦. អេស្បាញ
២៧. ស៊ុយអ៊ែត ២៨. ចក្រភពអង់គ្លេស ។
យ៉ាងណាក៏ដោយ នៅពេលខាងមុខ សហភាពអឺរ៉ុបនឹងមានសមាជិកត្រឹម ២៧ ប៉ុណ្ណោះ ដោយសារអង់គ្លេសសម្រេចបញ្ចប់ជីវិតរស់នៅរួមគ្នាជាគ្រួសារជាមួយសហភាពអឺរ៉ុបរួចទៅហើយកន្លងមក៕
© រក្សាសិទ្ធិដោយ thmeythmey.com