ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
សន្និសីទសារព័ត៌ស្តីពីការប្រកួតពានរង្វាន់ជើងឯកកុមារតូយ៉ូតា កម្ពុជា២០១៧
24, Nov 2017 ,
3:36 pm
រូបភាព
×
ដោយ:
ភ្នំពេញ៖ កាលពីពេលថ្មីៗកន្លងទៅនេះ ក្រុមហ៊ុន តូយ៉ូតា(ខេមបូឌា) ដែលជាក្រុមហ៊ុនទទួលសិទ្ធិនាំចូលផ្តាច់មុខ រថយន្តម៉ាក តូយ៉ូតា គ្រប់ប្រភេទ បានសហការជាមួយស្ថាប័ន Global Footbal Soriya Co.,Ltd (GFA Soriya) រៀបចំសន្និសីទសារព័ត៌មាន ស្តីអំពីការប្រកួតពានរង្វាន់ជើងឯកកុមារតូយ៉ូតាកម្ពុជា ឆ្នាំ២០១៧ នៅឯពហុកីឡដ្ឋានជាតិអូឡាំពិក។
នៅក្នុងកម្មវិធីនេះ មានការអញ្ជើញចូលរួមជាអធិបតី លោកឧកញ៉ា គង់ នួន ប្រធានក្រុមហ៊ុនតូយ៉ូតា(ខេមបូឌា) លោក ហ៊ីរ៉ូយូគិ អ៊ីតុ អគ្គនាយកក្រុមហ៊ុន លោក លី ប៊ុនហៃ នាយកគ្រប់គ្រងទូទៅផ្នែកលក់ និងទីផ្សារ លោក តៃ សៃតូ នាយកគ្រប់គ្រង GFA Soriya លោក ប្រាក់ មុន្នីឧត្តម កីឡាករជម្រើសជាតិ ព្រមទាំងវត្តមានរបស់ថ្នាក់ដឹកនាំដទៃទៀត។
លោក ហ៊ីរ៉ូយូគិ អ៊ីតុ អគ្គនាយកក្រុមហ៊ុន តូយ៉ូតា(ខេមបូឌា) បានឲ្យដឹងថា នេះគឺជាមោទនភាពរបស់ក្រុមហ៊ុន តូយ៉ូតា(ខេមបូឌា) ក្នុងកិច្ចសហការជាមួយនឹងស្ថាប័ន GFA Soriya ដើម្បីនាំមកនូវការប្រកួតពានរង្វាន់ជើងឯកកុមារតួយ៉ូតា កម្ពុជា២០១៧នេះ។ លោកបន្តទៀតថា បើគិតចាប់ពីឆ្នាំ២០១៥មក នេះគឺជាលើកទី៣ ហើយដែលការប្រកួតពានរង្វាន់ជើងឯកកុមារ ត្រូវបានប្រារព្វឡើង ក្នុងប្រទេសកម្ពុជា ក្នុងគោលបំណងផ្តល់ឱកាសដល់កុមារជំនាន់ក្រោយ បានបញ្ចេញសមត្ថភាព និងជំនាញរបស់ពួកគេ ពាក់ព័ន្ធនឹងវិស័យបាល់ទាត់នេះ។ លោក បានឲ្យដឹងទៀតថា រយៈពេលប៉ុន្មានឆ្នាំដែលក្រុមហ៊ុនបានរៀបចំកម្មវិធីនេះ លោកសង្កេតឃើញថា ប្អូនៗដែលស្រឡាញ់វិស័យនេះ ពិតជាមានការតាំងចិត្តខ្ពស់ ហើយការរីកចម្រើនរបស់ពួកគេ ក៏មានសន្ទុះគួរឲ្យកត់សម្គាល់ដែរ។
លោក ហ៊ីរ៉ូយូគិ អ៊ីតុ បានថ្លែងឲ្យដឹងថា ការប្រកួតពានរង្វាន់ជើងឯកកុមារតូយ៉ូតានេះ បង្កើតឡើងដើម្បីជំរុញ លើកទឹកចិត្ត និងផ្តល់ការបង្ហាត់បង្ហាញ ព្រមទាំងការបង្វឹកផ្សេងៗដល់ប្អូនៗកុមារ ក្នុងការជួយបណ្តុះឲ្យពួកគាត់ ឲ្យក្លាយទៅជាកីឡាករបាល់ទាត់ដ៏ឆ្នើមប្រចាំប្រទេស នៅថ្ងៃអនាគត។ ឆ្លៀតនៅក្នុងឱកាសនេះ លោកនាយក ក៏បានបញ្ជាក់ឲ្យដឹងថា ក្នុងឆ្នាំ២០១៧នេះ ការប្រកួតនេះ ទទួលបានការចូលរួមពីសំណាក់សាលាបឋមសិក្សារដ្ឋ និងឯកជន ចំនួន២៤សាលា ដែលសាលាទាំងអស់នោះ សុទ្ធសឹងតែមានការប្តេជ្ញាចិត្តខ្ពស់ ក្នុងការដណ្តើមយកពានរង្វាន់។
GFA Soriya និងក្រុមហ៊ុន តូយ៉ូតា(ខេមបូឌា) បានរៀបចំការប្រកួតបាល់ទាត់ តាមសាលារដ្ឋ និងឯកជនទាំងអស់ ចាប់ពីថ្ងៃទី១៣ ខែវិច្ឆិកា ឆ្នាំ២០១៧ កន្លងមកម្ល៉េះ ហើយការប្រកួតវគ្គផ្តាច់ព្រ័ត្រ នឹងត្រូវប្រព្រឹត្តទៅ នាព្រឹកថ្ងៃទី១៣ ខែធ្នូ ឆ្នាំ២០១៧ខាងមុខ នៅពហុកីឡដ្ឋានជាតិអូឡាំពិក។
ដូច្នេះ លោកនាយកក្រុមហ៊ុន បានស្នើសុំឲ្យមានការចូលរួម និងគាំទ្រឲ្យបានច្រើនកុះករ ដើម្បីលើកទឹកចិត្តដល់ប្អូនៗកីឡាករបាល់ទាត់ ក៏ដូចជាចូលរួមលើកស្ទួយវិស័យបាល់ទាត់ នៅប្រទេសកម្ពុជា។
ស្របពេលជាមួយគ្នានេះ កីឡាករបាល់ទាត់ឆ្នើមប្រចាំប្រទេស លោក ប្រាក់ មុន្នីឧត្តម ក៏បានបង្ហាញនូវចំណាប់អារម្មណ៍ ដ៏សប្បាយរីករាយ ក្នុងការបន្តគាំទ្រលើកស្ទួយ និងលើកទឹកចិត្តដល់ប្អូនៗកុមារ ឲ្យមានភាពក្លាហាន និងខិតខំប្រឹងប្រែងឲ្យអស់ពីសមត្ថភាព ក្នុងការប្រកួតដណ្តើមពានរង្វាន់ជើងឯកនេះ។ លោកក៏បានចែករំលែកបទពិសោធន៍ រួមផ្សំនឹងការផ្តល់ជាគន្លឹះសំខាន់ៗ ដើម្បីឲ្យប្អូនៗជំនាន់ក្រោយ អាចដុសខាត់ទេពកោសល្យ និងពង្រឹងជំនាញរបស់ខ្លួន ឲ្យបានកាន់តែប្រសើរជាងមុន ថែមមួយកម្រិតទៀត ក្នុងការត្រៀមចូលរួមការប្រកួតផ្សេងៗដែលនឹងខិតជិតចូលមកដល់នាពេលឆាប់ៗនេះ៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
4 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
5 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
6 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
7 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
4 ថ្ងៃ
អត្ថបទពេញនិយមបន្ថែម