អន្តរជាតិ
ប្រព័ន្ធការពារមីស៊ីល THAAD របស់អាមេរិកដែលដំឡើងនៅកូរ៉េខាងត្បូង (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ក្រសួងការពារជាតិកូរ៉េខាងត្បូង នៅថ្ងៃទី២៤ ខែវិច្ឆិកា និយាយថា ខ្លួនមិនទាន់មានផែនការចរចាជាមួយភាគីលើបញ្ហាប្រព័ន្ធការពារអាកាស THAAD នៅឡើយទេ។ ការលើកឡើងបែបនេះ ធ្វើឡើងក្រោយចិនបានស្នើជាផ្លូវការ សុំជួបចរចាលើការពង្រាយប្រព័ន្ធការពារ THAAD របស់អាមេរិក នៅកូរ៉េខាងត្បូង។ ការពង្រាយ THAAD នេះហើយដែលធ្វើឲ្យទំនាក់ទំនងរវាងកូរ៉េខាងត្បូង និងចិនល្អក់កករនាពេលកន្លងមក។
ដោយសារតែការពង្រាយ THAAD កូរ៉េខាងត្បូង និងចិនមើលមុខគ្នាមិនចំឡើយ។ កូរ៉េខាងត្បូងត្រូវការ THAAD ដើម្បីការពារខ្លួនពីការគំរាមកំហែងរបស់សត្រូវបងប្អូន គឺកូរ៉េខាងជើង។ ចិនឯណោះវិញចាត់ទុកជាការគំរាមកំហែងមកលើសន្តិសុខរបស់ខ្លួន ព្រោះបារម្ភអាមេរិកប្រើរ៉ាដានៃប្រព័ន្ធនេះដើម្បីស៊ើបការណ៍ផ្ទៃក្នុងរបស់ខ្លួន។ យ៉ាងណាមិញ ស្ថានការណ៍បានប្រែប្រួល ក្រោយសេអ៊ូលប្រកាសមិន ពង្រាយខែលនេះថែមទៀត។
ចិនបានដាក់សំណើសុំចរចាផ្នែកយោធាជាផ្លូវការលើបញ្ហា THAAD ក្នុងជំនួបទ្វេភាគីរវាងរដ្ឋមន្ត្រីការបរទេសកូរ៉េខាងត្បូង កាង ឃ្យុងវ៉ា (Kang Kyung-wha) និងរដ្ឋមន្ត្រីការបរទេសចិន វ៉ាង យី ក្នុងទីក្រុងប៉េកាំងកាលពីថ្ងៃទី២២ ខែវិច្ឆិកា។ លោកស្រី កាង បានសន្យាថា លោកស្រីនឹងពាំនាំសំណើនេះទៅកាន់ក្រសួងការពារជាតិកូរ៉េខាងត្បូងដើម្បីពិចារណា។ នេះបើតាមការផ្សាយរបស់សារព័ត៌មាន Joongang Daily ។
មកដល់ថ្ងៃទី២៤ គេមិនទាន់ឃើញមានការឆ្លើយតបណាមួយសំណាក់កូរ៉េខាងត្បូងឡើយ។ ក្នុងសន្និសីទសារព័ត៌មានប្រចាំថ្ងៃទី២៤ ខែវិច្ឆិកា អ្នកនាំពាក្យក្រសួងការពារជាតិកូរ៉េខាងត្បូង លោក Moon Sang-gyun និយាយថា មកទល់ពេលនេះមិនទាន់ផែនការដើម្បីពិភាក្សាជាមួយចិនទេ។
បន្ទាប់ពីមើលមុខគ្នាមិនត្រូវអស់ពេលយូរគួរសមនោះ អ្នកជិតខាងទាំងពីរនេះក៏សម្រេចចិត្តនិយាយគ្នាវិញ។ កាលពីចុងខែតុលា ប្រមុខការទូតទាំងពីរប្រទេសបានព្រមព្រៀងគ្នាលើការពង្រឹងទំនាក់ទំនងដើម្បីឈានដល់ភាពប្រក្រតីឡើងវិញ ប៉ុន្តែបញ្ហា THAAD នេះនៅតែជាឧបសគ្គដដែល ព្រោះចិនបានស្នើឲ្យកូរ៉េខាងត្បូងអនុវត្តសកម្មភាពឲ្យជាក់ស្ដែងតាមការប្ដេជ្ញាចិត្តរបស់ខ្លួន។ ក្នុងជំនួបនៅចិន មន្ត្រីការទូតទាំងពីរក៏បានសម្រេចចិត្តប្រើយន្តការយោធាដើម្បីទាក់ទងគ្នាលើបញ្ហា THAAD ។
ទោះជាបញ្ហានៅមិនទាន់ដោះស្រាយស្រេចបាច់ក្ដី ការព្រមព្រៀងគ្នាថ្មីៗនេះ ជាសញ្ញានៃការវិលទៅរកភាពល្អប្រសើរឡើងវិញរវាងកូរ៉េខាងត្បូង និងចិន។ ប្រធានាធិបតីកូរ៉េខាងត្បូង មូន ចេអ៊ីន បានជួបជាមួយសមភាគីចិន ស៊ី ជិនភីង នៅក្រៅកិច្ចប្រជុំ APEC វៀតណាមកាលពីដើមខែនេះ ហើយនៅខែក្រោយ លោក មូន នឹងធ្វើទស្សនកិច្ចផ្លូវរដ្ឋលើកដំបូងទៅកាន់ចិនផងដែរ។ ច្បាស់ណាស់ថា THAAD របស់អាមេរិកនឹងជាប្រធានបទសំខាន់មួយនៃជំនួបកំពូលនេះ៕
ដោយសារតែការពង្រាយ THAAD កូរ៉េខាងត្បូង និងចិនមើលមុខគ្នាមិនចំឡើយ។ កូរ៉េខាងត្បូងត្រូវការ THAAD ដើម្បីការពារខ្លួនពីការគំរាមកំហែងរបស់សត្រូវបងប្អូន គឺកូរ៉េខាងជើង។ ចិនឯណោះវិញចាត់ទុកជាការគំរាមកំហែងមកលើសន្តិសុខរបស់ខ្លួន ព្រោះបារម្ភអាមេរិកប្រើរ៉ាដានៃប្រព័ន្ធនេះដើម្បីស៊ើបការណ៍ផ្ទៃក្នុងរបស់ខ្លួន។ យ៉ាងណាមិញ ស្ថានការណ៍បានប្រែប្រួល ក្រោយសេអ៊ូលប្រកាសមិន ពង្រាយខែលនេះថែមទៀត។
ចិនបានដាក់សំណើសុំចរចាផ្នែកយោធាជាផ្លូវការលើបញ្ហា THAAD ក្នុងជំនួបទ្វេភាគីរវាងរដ្ឋមន្ត្រីការបរទេសកូរ៉េខាងត្បូង កាង ឃ្យុងវ៉ា (Kang Kyung-wha) និងរដ្ឋមន្ត្រីការបរទេសចិន វ៉ាង យី ក្នុងទីក្រុងប៉េកាំងកាលពីថ្ងៃទី២២ ខែវិច្ឆិកា។ លោកស្រី កាង បានសន្យាថា លោកស្រីនឹងពាំនាំសំណើនេះទៅកាន់ក្រសួងការពារជាតិកូរ៉េខាងត្បូងដើម្បីពិចារណា។ នេះបើតាមការផ្សាយរបស់សារព័ត៌មាន Joongang Daily ។
មកដល់ថ្ងៃទី២៤ គេមិនទាន់ឃើញមានការឆ្លើយតបណាមួយសំណាក់កូរ៉េខាងត្បូងឡើយ។ ក្នុងសន្និសីទសារព័ត៌មានប្រចាំថ្ងៃទី២៤ ខែវិច្ឆិកា អ្នកនាំពាក្យក្រសួងការពារជាតិកូរ៉េខាងត្បូង លោក Moon Sang-gyun និយាយថា មកទល់ពេលនេះមិនទាន់ផែនការដើម្បីពិភាក្សាជាមួយចិនទេ។
បន្ទាប់ពីមើលមុខគ្នាមិនត្រូវអស់ពេលយូរគួរសមនោះ អ្នកជិតខាងទាំងពីរនេះក៏សម្រេចចិត្តនិយាយគ្នាវិញ។ កាលពីចុងខែតុលា ប្រមុខការទូតទាំងពីរប្រទេសបានព្រមព្រៀងគ្នាលើការពង្រឹងទំនាក់ទំនងដើម្បីឈានដល់ភាពប្រក្រតីឡើងវិញ ប៉ុន្តែបញ្ហា THAAD នេះនៅតែជាឧបសគ្គដដែល ព្រោះចិនបានស្នើឲ្យកូរ៉េខាងត្បូងអនុវត្តសកម្មភាពឲ្យជាក់ស្ដែងតាមការប្ដេជ្ញាចិត្តរបស់ខ្លួន។ ក្នុងជំនួបនៅចិន មន្ត្រីការទូតទាំងពីរក៏បានសម្រេចចិត្តប្រើយន្តការយោធាដើម្បីទាក់ទងគ្នាលើបញ្ហា THAAD ។
ទោះជាបញ្ហានៅមិនទាន់ដោះស្រាយស្រេចបាច់ក្ដី ការព្រមព្រៀងគ្នាថ្មីៗនេះ ជាសញ្ញានៃការវិលទៅរកភាពល្អប្រសើរឡើងវិញរវាងកូរ៉េខាងត្បូង និងចិន។ ប្រធានាធិបតីកូរ៉េខាងត្បូង មូន ចេអ៊ីន បានជួបជាមួយសមភាគីចិន ស៊ី ជិនភីង នៅក្រៅកិច្ចប្រជុំ APEC វៀតណាមកាលពីដើមខែនេះ ហើយនៅខែក្រោយ លោក មូន នឹងធ្វើទស្សនកិច្ចផ្លូវរដ្ឋលើកដំបូងទៅកាន់ចិនផងដែរ។ ច្បាស់ណាស់ថា THAAD របស់អាមេរិកនឹងជាប្រធានបទសំខាន់មួយនៃជំនួបកំពូលនេះ៕
Tag:
កូរ៉េខាងត្បូង
ចិន
THAAD
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
