អត្ថបទពាណិជ្ជកម្ម
ISUZU យកភ្នំពេញដើម្បីចម្រាញ់រកជើងខ្លាំងដណ្តើមប្រាក់លាន និងរថយន្តភីកអាប់ Isuzu D-Max
×![]()
ដោយ: ជី ដាណា
ក្រុមហ៊ុន Tri Petch Isuzu Sales Co., Ltd ដែលជាក្រុមហ៊ុនលក់រថយន្តម៉ាក Isuzu ដ៏ធំជាងគេលំដាប់ពិភពលោក និងជាអ្នកឧបត្ថម្ភធំជាងគេ សម្រាប់ការប្រកួតប្រដាល់លំដាប់អន្តរជាតិ Thai Fights បានជ្រើសរើសយកទីក្រុងភ្នំពេញ រៀបចំប្រកួតវគ្គជម្រុះជុំទី១ដោយដាក់ឈ្មោះថា«Khmer-Thai Fights» ដើម្បីចម្រាញ់ជើងខ្លាំង ត្រៀមប្រជែងជើងឯក Thai Fight 2017។ ការជ្រើសរើសពហុកីឡដ្ឋានជាតិ ដើម្បីរៀបចំជុំទី១នេះត្រូវអគ្គនាយកក្រុមហ៊ុនខាងលើ បញ្ជាក់ថា គឺដើម្បីរឹតចំណងមិត្តភាព រវាងកម្ពុជា-ថៃ ឲ្យកាន់តែជិតស្និទ្ធ និងដើម្បីឲ្យអតិថិជននៅកម្ពុជា ស្គាល់ស្លាកសញ្ញា Isuzu កាន់តែច្បាស់ថែមទៀត។
កាលពីថ្ងៃទី២៥ វិច្ឆិកា កន្លងទៅ Isuzu បានជ្រើសរើសយកទីក្រុងភ្នំពេញ នៅចំណុចវិមានពហុកីឡដ្ឋានជាតិ រៀបចំការប្រកួតប្រដាល់លំដាប់លក្ខណៈអន្តរជាតិ Khmer-Thai Fights ដែលជាការប្រកួតវគ្គជម្រុះជុំទី១ ដើម្បីចម្រាញ់ជើងខ្លាំង សម្រាប់ប្រជែង ជើងឯក Thai Fight ពានរង្វាន់ព្រះបាទ ភូមិបុល អាឌុលយ៉ាដេត និងព្រះបាទ ម៉ាហា វ៉ាជីរ៉ាឡុងកន ប្រចាំឆ្នាំ២០១៧។ Isuzu បាននាំយកម្ចាស់ជើងឯក Isuzu Cup Super-Fight 2017 របស់ខ្លួន គឺកីឡាករ សេនសាថាន ភី.ខេ សេនឆៃ មួយថៃយីម (Saensatharn P.K. Saenchai Muaythaigym) ដើម្បីប្រកួតជាមួយកីឡាករប្រេស៊ីល Thiago Goulate ។ ជាលទ្ធផល ម្ចាស់ជើងឯករូបនេះ យកឈ្នះកីឡាករប្រេស៊ីល ដោយពិន្ទុ ដើម្បីឡើងទៅវគ្គពាក់កណ្តាលផ្តាច់ព្រ័ត្រ។
ពាក់ព័ន្ធនឹងគោលបំណង ដែលជ្រើសរើសទីក្រុងភ្នំពេញធ្វើជាទីតាំង សម្រាប់ការប្រកួតវគ្គជម្រុះជុំទី១ លោក ថូស៊ីអាគិ ម៉ាអេខាវ៉ា (Toshiaki Maekawa) អគ្គនាយកក្រុមហ៊ុន Tri Petch Isuzu Sales Co., Ltd បានរៀបរាប់ថា៖«ដើម្បីជាការបង្កើននូវទំនាក់ទំនង រវាងប្រទេសកម្ពុជា និងប្រទេសថៃ ឲ្យកាន់តែជិតស្និទ្ធ ក៏ដូចជាជួយឲ្យអតិថិជនរបស់ Isuzu នៅកម្ពុជា ស្គាល់ពីស្លាកសញ្ញានេះកាន់តែច្បាស់ផងដែរ។ យើងនៅចាំ កែវ រំចង់ ដែលជាកីឡាករប្រដាល់ដ៏ល្បីល្បាញនៅកម្ពុជា ដែលបានបង្ហាញការ តស៊ូជាមួយកីឡាករថៃ Iquezang ក្នុងកម្មវិធី Thai Fight ក្នុងខែធ្នូ ឆ្នាំ២០១៦ កន្លងមក»។
អគ្គនាយកក្រុមហ៊ុនលក់រថយន្តម៉ាក Isuzu រូបនេះបន្ថែមថា៖«ពួកយើង បានរៀបចំព្រឹត្តិការណ៍ Isuzu Cup ដែលជាកម្មវិធីផ្សាយផ្ទាល់ រយៈពេលវែង និងជាកម្មវិធីប្រដាល់មានប្រជាប្រិយភាពជាងគេ នៅប្រទេសថៃ អស់រយៈពេលជាង២៨ឆ្នាំមកហើយ។ ក្នុងឆ្នាំ២០១០ យើងចង់លើកតម្កើងកម្មវិធីប្រដាល់មួយនេះ ទៅកាន់ឆាកអន្តរជាតិ តាមរយៈការចូលរួម ក្នុងនាមជាអ្នកឧបត្ថមធំ នៃកម្មវិធីប្រដាល់ លក្ខណៈអន្តរជាតិនេះ។ ជាងនេះទៅទៀត ជើងឯក Isuzu Cup របស់យើង ក៏បានចូលរួមជាតំណាងឲ្យប្រទេសថៃផងដែរ»។
ក្រៅពីការប្រកួតដែលជាគូសំខាន់ប្រចាំព្រឹត្តិការណ៍ Khmer-Thai Fight ខាងលើ ក៏មានការប្រកួតមិត្តភាពអន្តរជាតិ៧គូផ្សេងទៀតផងដែរ។ ក្នុងនោះ កីឡាករម្ចាស់មេដាយសំរឹទ្ធស៊ីហ្គេម ពេជ្រ ម្ទេសខ្មាំង បានផ្តួលកីឡាករប្រេស៊ីល Jonathans Silva ឲ្យសន្លប់ ក្នុងនាទីដំបូងនៃទឹកទី១, ម្ចាស់មេដាយមាសស៊ីហ្គេម ឃីម ឌីម៉ា យកឈ្នះពិន្ទុកីឡាករ Dmitrii Mordvinov, ម្ចាស់មេដាយសំរឹទ្ធស៊ីហ្គេម ឡៅ ចិត្រា ឈ្នះពិន្ទុកីឡាករ រុស្ស៊ី Kazbek Alisultanov មុនម្ចាស់មេដាយប្រាក់ស៊ីហ្គេម ម៉ឺន សុភា ឈ្នះពិន្ទុ Muhammad Khalil, កីឡាករថៃ Saechai បានយកឈ្នះពិន្ទុ Arthur Sorsor, P.T.T.Pechrungrueng ឈ្នះពិន្ទុ Gokhan Boran និងកីឡាករ Sudsakorn Sor.klinmee ឈ្នះពិន្ទុ Oleksandr Moisa។
សម្រាប់ការប្រកួត Thai Fight 2017 វគ្គពាក់កណ្ដាលផ្ដាច់ព្រ័ត្រ ធ្វើឡើងនៅថ្ងៃទី២៣ ធ្នូ នៅខេត្ត ឈៀងម៉ៃ ប្រទេសថៃ ចំណែកវគ្គផ្ដាច់ព្រ័ត្រ ធ្វើឡើងនៅថ្ងៃទី២៧ ខែមករា ឆ្នាំ២០១៨ នៅទីក្រុង បាងកក។ ម្ចាស់ជើងឯកពានរង្វាន់ Thai Fight 2017 ម្នាក់ៗ នឹងទទួលបានរង្វាន់រថយន្តភីកអាប់ Isuzu D-Max ព្រមជាមួយប្រាក់សុទ្ធ១លានបាត (ស្មើនឹង១២៣លានរៀល)។ ចំណែកជើងឯករង នឹងទទួលបានប្រាក់សុទ្ធ៣សែនបាត (ស្មើនឹងជាង៣៧០លានរៀល) ដែលសរុបរង្វាន់ជាទឹកប្រាក់សុទ្ធទាំងអស់ ជាង៤លានបាត (ស្មើនឹងជាង៤៩២លានរៀល)៕
(អត្ថបទពាណិជ្ជកម្ម )
កាលពីថ្ងៃទី២៥ វិច្ឆិកា កន្លងទៅ Isuzu បានជ្រើសរើសយកទីក្រុងភ្នំពេញ នៅចំណុចវិមានពហុកីឡដ្ឋានជាតិ រៀបចំការប្រកួតប្រដាល់លំដាប់លក្ខណៈអន្តរជាតិ Khmer-Thai Fights ដែលជាការប្រកួតវគ្គជម្រុះជុំទី១ ដើម្បីចម្រាញ់ជើងខ្លាំង សម្រាប់ប្រជែង ជើងឯក Thai Fight ពានរង្វាន់ព្រះបាទ ភូមិបុល អាឌុលយ៉ាដេត និងព្រះបាទ ម៉ាហា វ៉ាជីរ៉ាឡុងកន ប្រចាំឆ្នាំ២០១៧។ Isuzu បាននាំយកម្ចាស់ជើងឯក Isuzu Cup Super-Fight 2017 របស់ខ្លួន គឺកីឡាករ សេនសាថាន ភី.ខេ សេនឆៃ មួយថៃយីម (Saensatharn P.K. Saenchai Muaythaigym) ដើម្បីប្រកួតជាមួយកីឡាករប្រេស៊ីល Thiago Goulate ។ ជាលទ្ធផល ម្ចាស់ជើងឯករូបនេះ យកឈ្នះកីឡាករប្រេស៊ីល ដោយពិន្ទុ ដើម្បីឡើងទៅវគ្គពាក់កណ្តាលផ្តាច់ព្រ័ត្រ។
ពាក់ព័ន្ធនឹងគោលបំណង ដែលជ្រើសរើសទីក្រុងភ្នំពេញធ្វើជាទីតាំង សម្រាប់ការប្រកួតវគ្គជម្រុះជុំទី១ លោក ថូស៊ីអាគិ ម៉ាអេខាវ៉ា (Toshiaki Maekawa) អគ្គនាយកក្រុមហ៊ុន Tri Petch Isuzu Sales Co., Ltd បានរៀបរាប់ថា៖«ដើម្បីជាការបង្កើននូវទំនាក់ទំនង រវាងប្រទេសកម្ពុជា និងប្រទេសថៃ ឲ្យកាន់តែជិតស្និទ្ធ ក៏ដូចជាជួយឲ្យអតិថិជនរបស់ Isuzu នៅកម្ពុជា ស្គាល់ពីស្លាកសញ្ញានេះកាន់តែច្បាស់ផងដែរ។ យើងនៅចាំ កែវ រំចង់ ដែលជាកីឡាករប្រដាល់ដ៏ល្បីល្បាញនៅកម្ពុជា ដែលបានបង្ហាញការ តស៊ូជាមួយកីឡាករថៃ Iquezang ក្នុងកម្មវិធី Thai Fight ក្នុងខែធ្នូ ឆ្នាំ២០១៦ កន្លងមក»។
អគ្គនាយកក្រុមហ៊ុនលក់រថយន្តម៉ាក Isuzu រូបនេះបន្ថែមថា៖«ពួកយើង បានរៀបចំព្រឹត្តិការណ៍ Isuzu Cup ដែលជាកម្មវិធីផ្សាយផ្ទាល់ រយៈពេលវែង និងជាកម្មវិធីប្រដាល់មានប្រជាប្រិយភាពជាងគេ នៅប្រទេសថៃ អស់រយៈពេលជាង២៨ឆ្នាំមកហើយ។ ក្នុងឆ្នាំ២០១០ យើងចង់លើកតម្កើងកម្មវិធីប្រដាល់មួយនេះ ទៅកាន់ឆាកអន្តរជាតិ តាមរយៈការចូលរួម ក្នុងនាមជាអ្នកឧបត្ថមធំ នៃកម្មវិធីប្រដាល់ លក្ខណៈអន្តរជាតិនេះ។ ជាងនេះទៅទៀត ជើងឯក Isuzu Cup របស់យើង ក៏បានចូលរួមជាតំណាងឲ្យប្រទេសថៃផងដែរ»។
ក្រៅពីការប្រកួតដែលជាគូសំខាន់ប្រចាំព្រឹត្តិការណ៍ Khmer-Thai Fight ខាងលើ ក៏មានការប្រកួតមិត្តភាពអន្តរជាតិ៧គូផ្សេងទៀតផងដែរ។ ក្នុងនោះ កីឡាករម្ចាស់មេដាយសំរឹទ្ធស៊ីហ្គេម ពេជ្រ ម្ទេសខ្មាំង បានផ្តួលកីឡាករប្រេស៊ីល Jonathans Silva ឲ្យសន្លប់ ក្នុងនាទីដំបូងនៃទឹកទី១, ម្ចាស់មេដាយមាសស៊ីហ្គេម ឃីម ឌីម៉ា យកឈ្នះពិន្ទុកីឡាករ Dmitrii Mordvinov, ម្ចាស់មេដាយសំរឹទ្ធស៊ីហ្គេម ឡៅ ចិត្រា ឈ្នះពិន្ទុកីឡាករ រុស្ស៊ី Kazbek Alisultanov មុនម្ចាស់មេដាយប្រាក់ស៊ីហ្គេម ម៉ឺន សុភា ឈ្នះពិន្ទុ Muhammad Khalil, កីឡាករថៃ Saechai បានយកឈ្នះពិន្ទុ Arthur Sorsor, P.T.T.Pechrungrueng ឈ្នះពិន្ទុ Gokhan Boran និងកីឡាករ Sudsakorn Sor.klinmee ឈ្នះពិន្ទុ Oleksandr Moisa។
សម្រាប់ការប្រកួត Thai Fight 2017 វគ្គពាក់កណ្ដាលផ្ដាច់ព្រ័ត្រ ធ្វើឡើងនៅថ្ងៃទី២៣ ធ្នូ នៅខេត្ត ឈៀងម៉ៃ ប្រទេសថៃ ចំណែកវគ្គផ្ដាច់ព្រ័ត្រ ធ្វើឡើងនៅថ្ងៃទី២៧ ខែមករា ឆ្នាំ២០១៨ នៅទីក្រុង បាងកក។ ម្ចាស់ជើងឯកពានរង្វាន់ Thai Fight 2017 ម្នាក់ៗ នឹងទទួលបានរង្វាន់រថយន្តភីកអាប់ Isuzu D-Max ព្រមជាមួយប្រាក់សុទ្ធ១លានបាត (ស្មើនឹង១២៣លានរៀល)។ ចំណែកជើងឯករង នឹងទទួលបានប្រាក់សុទ្ធ៣សែនបាត (ស្មើនឹងជាង៣៧០លានរៀល) ដែលសរុបរង្វាន់ជាទឹកប្រាក់សុទ្ធទាំងអស់ ជាង៤លានបាត (ស្មើនឹងជាង៤៩២លានរៀល)៕
(អត្ថបទពាណិជ្ជកម្ម )
Tag:
Thai Fight
Toshiaki Maekawa
ISUZU
© រក្សាសិទ្ធិដោយ thmeythmey.com
