អន្តរជាតិ
ឥណ្ឌូណេស៊ីបិទព្រលានយន្តហោះកោះបាលី ខណៈភ្នំភ្លើង Agung កម្រើកកាន់តែខ្លាំង
ភ្នំភ្លើង Agung កំពុងបញ្ចេញផ្សែងផេះទៅលើមេឃ (រូបភាព៖ Xinhua)
×![]()
ដោយ: តន ចាន់រិទ្ធារ៉ា
អាជ្ញាធរឥណ្ឌូណេស៊ីបានបិទចរាចរណ៍ផ្លូវអាកាសទាំងអស់នៅព្រលានយន្តហោះកោះទេសចរណ៍បាលី ក្រោយពេលភ្នំភ្លើង Agung មានសកម្មភាពកាន់តែខ្លាំងឡើងៗ។ នៅថ្ងៃទី២៧ ខែវិច្ឆកា ឥណ្ឌូណេស៊ី បានដំឡើងកម្រិតព្រមានដល់កម្រិតខ្ពស់បំផុតជាមួយនឹងការបារម្ភថា ភ្នំភ្លើងនេះអាចផ្ទុះក្នុងពេលដ៏ខ្លី។ ភ្នំភ្លើង Agung បានបញ្ចេញកម្ទេចផេះ និងផ្សែងខ្មៅដល់ទៅកម្ពស់ជាងបីគីឡូម៉ែត្រកាលពីសប្ដាហ៍មុន បន្ទាប់ពីបានស្ងប់ស្ងាត់មួយរយៈមក។
អាជ្ញាធរឥណ្ឌូណេស៊ី នៅព្រឹកថ្ងៃទី២៧ ខែវិច្ឆិកា បានដំឡើងកម្រិតព្រមានគ្រោះថ្នាក់នៃការផ្ទុះភ្នំភ្លើងដល់កម្រិតទី៤ ដែលជាកម្រិតខ្ពស់បំផុត ស្របពេលដែលភ្នំភ្លើង Agung ចាប់ផ្ដើមកម្រើកជាលើកទីពីរក្នុងរយៈពេលត្រឹមមួយសប្ដាហ៍។ ការកម្រើកនេះ បញ្ចេញជាផ្សែងខ្មៅទៅលើរយៈកម្ពស់ដ៏ខ្ពស់ ក្រោយសកម្មភាពលើកកម្រើកដំបូងកាលពីចុងសប្ដាហ៍មុន។ គេបារម្ភថា ការផ្ទុះដ៏ខ្លាំងមួយអាចកើតឡើងជាបន្តមិនខាន។
ព្រលានយន្តហោះទីក្រុង Denpasar ស្ថិតលើកោះបាលី ត្រូវបានបិទបណ្ដោះអាសន្នរយៈពេល២៤ម៉ោង ចាប់ពីថ្ងៃទី២៧ ដល់ថ្ងៃទី២៨ ខែវិច្ឆិកា ដែលធ្វើឲ្យមានការលុបចោលជើងហោះហើរជាច្រើន ខណៈយន្តហោះដឹកនាំអ្នកដំណើរមួយចំនួនទៀត ត្រូវបានបង្វែរគោលដៅចុះចតនៅទីក្រុងផ្សេងវិញ។ បើតាមសារព័ត៌មាន The Jakarta Post អ្នកនាំពាក្យព្រលានយន្តហោះក្រុង Denpasar និយាយថា អ្នកដំណើររាប់ពាន់នាក់រងផលប៉ះពាល់ដោយសារការកម្រើករបស់ភ្នំភ្លើង Agung ។
ទន្ទឹមគ្នានេះ ឥណ្ឌូណេស៊ីក៏បានពង្រាយឡានក្រុង និងស្រឡាងជាច្រើនដើម្បីដឹកជញ្ជូនអ្នកដំណើរដែលជាប់គាំងនៅព្រលានយន្តហោះកោះបាលី។ អ្នកដំណើរទាំងអស់អាចធ្វើដំណើរតាមផ្លូវទឹកឆ្ពោះសំដៅកោះជ្វាដែលនៅក្បែរខាង រួចសឹមបន្តដំណើរទៅកាន់ព្រលានយន្តហោះដែលនៅកៀកបំផុត ដ្បិតការបិទចរាចរណ៍ផ្លូវអាកាសលើកោះបាលីនឹងបន្តរហូតដល់មានការអនុញ្ញាតជាថ្មី។
ដោយសារភ្នំភ្លើងនេះមានសកម្មភាពកាន់តែខ្លាំង អាជ្ញាធរឥណ្ឌូណេស៊ីបានពង្រីកតំបន់ហាមឃាត់ជុំវិញភ្នំភ្លើង Agung ក្នុងចម្ងាយ១០គីឡូម៉ែត្រ ដោយការជម្លៀសបានចាប់ផ្ដើមតាំងពីសប្ដាហ៍មុន។ ប្រជាជនចំនួនជាងបួនម៉ឺននាក់រស់នៅតំបន់ហាមឃាត់នេះ បានកាន់តំបន់មានសុវត្ថិភាពរួចរាល់ហើយដែរ។ គណៈកម្មាធិការគ្រប់គ្រងគ្រោះមហន្តរាយឥណ្ឌូណេស៊ីអះអាងថា ការផេះនៅតែបន្តហុយអមដោយការផ្ទុះតូចៗ និងពន្លឺភ្លើងព្រាកនៅពេលយប់ ដែលជាសញ្ញាមុនការផ្ទុះទ្រង់ទ្រាយធំ។
សូមបញ្ជាក់ថា ភ្នំភ្លើង Agung បានបញ្ចេញសកម្មភាពចុងក្រោយបំផុតក្នុងឆ្នាំ១៩៦៣ ដោយបានសម្លាប់មនុស្ស១៦០០នាក់។ ក្រោយការស្ងប់ស្ងាត់អស់ពេលយូរមក ភ្នំភ្លើងនេះបានកម្រើកជាថ្មីនៅក្នុងខែកញ្ញា ហើយអាជ្ញាធរឥណ្ឌូណេស៊ក៏ដំឡើងកម្រិតព្រមានដល់កម្រិតពីរ។ មនុស្សជាង១សែននាក់ក៏ត្រូវបានជម្លៀសចេញទៅរកទីតាំងសុវត្ថិភាពដែរ៕
អាជ្ញាធរឥណ្ឌូណេស៊ី នៅព្រឹកថ្ងៃទី២៧ ខែវិច្ឆិកា បានដំឡើងកម្រិតព្រមានគ្រោះថ្នាក់នៃការផ្ទុះភ្នំភ្លើងដល់កម្រិតទី៤ ដែលជាកម្រិតខ្ពស់បំផុត ស្របពេលដែលភ្នំភ្លើង Agung ចាប់ផ្ដើមកម្រើកជាលើកទីពីរក្នុងរយៈពេលត្រឹមមួយសប្ដាហ៍។ ការកម្រើកនេះ បញ្ចេញជាផ្សែងខ្មៅទៅលើរយៈកម្ពស់ដ៏ខ្ពស់ ក្រោយសកម្មភាពលើកកម្រើកដំបូងកាលពីចុងសប្ដាហ៍មុន។ គេបារម្ភថា ការផ្ទុះដ៏ខ្លាំងមួយអាចកើតឡើងជាបន្តមិនខាន។
ព្រលានយន្តហោះទីក្រុង Denpasar ស្ថិតលើកោះបាលី ត្រូវបានបិទបណ្ដោះអាសន្នរយៈពេល២៤ម៉ោង ចាប់ពីថ្ងៃទី២៧ ដល់ថ្ងៃទី២៨ ខែវិច្ឆិកា ដែលធ្វើឲ្យមានការលុបចោលជើងហោះហើរជាច្រើន ខណៈយន្តហោះដឹកនាំអ្នកដំណើរមួយចំនួនទៀត ត្រូវបានបង្វែរគោលដៅចុះចតនៅទីក្រុងផ្សេងវិញ។ បើតាមសារព័ត៌មាន The Jakarta Post អ្នកនាំពាក្យព្រលានយន្តហោះក្រុង Denpasar និយាយថា អ្នកដំណើររាប់ពាន់នាក់រងផលប៉ះពាល់ដោយសារការកម្រើករបស់ភ្នំភ្លើង Agung ។
ទន្ទឹមគ្នានេះ ឥណ្ឌូណេស៊ីក៏បានពង្រាយឡានក្រុង និងស្រឡាងជាច្រើនដើម្បីដឹកជញ្ជូនអ្នកដំណើរដែលជាប់គាំងនៅព្រលានយន្តហោះកោះបាលី។ អ្នកដំណើរទាំងអស់អាចធ្វើដំណើរតាមផ្លូវទឹកឆ្ពោះសំដៅកោះជ្វាដែលនៅក្បែរខាង រួចសឹមបន្តដំណើរទៅកាន់ព្រលានយន្តហោះដែលនៅកៀកបំផុត ដ្បិតការបិទចរាចរណ៍ផ្លូវអាកាសលើកោះបាលីនឹងបន្តរហូតដល់មានការអនុញ្ញាតជាថ្មី។
ដោយសារភ្នំភ្លើងនេះមានសកម្មភាពកាន់តែខ្លាំង អាជ្ញាធរឥណ្ឌូណេស៊ីបានពង្រីកតំបន់ហាមឃាត់ជុំវិញភ្នំភ្លើង Agung ក្នុងចម្ងាយ១០គីឡូម៉ែត្រ ដោយការជម្លៀសបានចាប់ផ្ដើមតាំងពីសប្ដាហ៍មុន។ ប្រជាជនចំនួនជាងបួនម៉ឺននាក់រស់នៅតំបន់ហាមឃាត់នេះ បានកាន់តំបន់មានសុវត្ថិភាពរួចរាល់ហើយដែរ។ គណៈកម្មាធិការគ្រប់គ្រងគ្រោះមហន្តរាយឥណ្ឌូណេស៊ីអះអាងថា ការផេះនៅតែបន្តហុយអមដោយការផ្ទុះតូចៗ និងពន្លឺភ្លើងព្រាកនៅពេលយប់ ដែលជាសញ្ញាមុនការផ្ទុះទ្រង់ទ្រាយធំ។
សូមបញ្ជាក់ថា ភ្នំភ្លើង Agung បានបញ្ចេញសកម្មភាពចុងក្រោយបំផុតក្នុងឆ្នាំ១៩៦៣ ដោយបានសម្លាប់មនុស្ស១៦០០នាក់។ ក្រោយការស្ងប់ស្ងាត់អស់ពេលយូរមក ភ្នំភ្លើងនេះបានកម្រើកជាថ្មីនៅក្នុងខែកញ្ញា ហើយអាជ្ញាធរឥណ្ឌូណេស៊ក៏ដំឡើងកម្រិតព្រមានដល់កម្រិតពីរ។ មនុស្សជាង១សែននាក់ក៏ត្រូវបានជម្លៀសចេញទៅរកទីតាំងសុវត្ថិភាពដែរ៕
Tag:
ឥណ្ឌូណេស៊ី
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 នាទី
