តំណាងរាស្ត្រថ្មី ៤៤រូប នឹងត្រូវចូលស្បថនៅព្រះបរមរាជវាំង នៅថ្ងៃនេះ

ជាតិ

នយោបាយជាតិ

តំណាងរាស្ត្រថ្មី ៤៤រូប នឹងត្រូវចូលស្បថនៅព្រះបរមរាជវាំង នៅថ្ងៃនេះ

28, Nov 2017 , 10:10 am

រូបភាព

ដោយ: ថ្មីៗ

ភ្នំពេញ៖ ក្រោយរដ្ឋសភាប្រកាសសុពលភាពរួចមក តំណាងរាស្ត្រថ្មី ៤៤រូប ដែលមកពីគណបក្សចំនួន៣ នឹងត្រូវចូលស្បថនៅព្រះបរមរាជវាំង ចំពោះមុខព្រះមហាក្សត្រ នៅរសៀលថ្ងៃទី២៨ វិច្ឆិកានេះ។

តំណាងរាស្ត្រទាំង៤៤រូបនេះ មកពីគណបក្សហ្វ៊ុនស៊ិនប៉ិច ៤១រូប គណបក្សសញ្ជាតិកម្ពុជា២រូប និងគណបក្សខ្មែរអភិវឌ្ឍន៍សេដ្ឋកិច្ច១រូប ។ ចំណែកកៅអី១១ ទៀត ដែលបានមកពីការរំលាយគណបក្សសង្គ្រោះជាតិនោះ ត្រូវធ្លាក់ទៅគណបក្សប្រជាជនកម្ពុជា។

តុលាការកំពូល បានសម្រេចរំលាយគណបក្សសង្គ្រោះជាតិ កាលពីថ្ងៃទី១៦ វិច្ឆិកា។ អាសនៈគណបក្សសង្គ្រោះជាតិទាំង៥៥ នេះ ត្រូវបានគណៈកម្មាធិការជាតិរៀបចំការបោះឆ្នោត បែងចែកទៅគណបក្សនយោបាយដែលចូលរួមការបោះឆ្នោត កាលពីឆ្នាំ២០១៣ កន្លងមក៕

អត្ថបទទាក់ទង

សភា៖ CPP ៧៩ ហ៊្វុនស៊ិនប៉ិច៤១ សញ្ជាតិកម្ពុជា២ និងខ្មែរអភិវឌ្ឍន៍សេដ្ឋកិច្ច១