អន្តរជាតិ
លោកស្រី អ៊ុងសាន ស៊ូជី ពេលទទួលសញ្ញបត្របណ្ឌិតកិត្តិយសពីសាកលវិទ្យាល័យ Oxford (រូបភាព៖ AP)
×![]()
ដោយ: តន ចាន់រិទ្ធារ៉ា
ទីប្រឹក្សារដ្ឋមីយ៉ាន់ម៉ា អ៊ុងសាន ស៊ូជី ត្រូវបានដកហូតពានរង្វាន់ប្រចាំទីក្រុង Oxford របស់ចក្រភពអង់គ្លេសហើយ ដោយសារលោកស្រីមិនមានចំណាត់ការសមស្របដើម្បីដោះស្រាយវិបត្តិរ៉ូហ៊ីងយ៉ា។ វិបត្តិរ៉ូហ៊ីងយ៉ា បានបង្កជាចលនាចំណាកស្រុកដ៏ធំពីមីយ៉ាន់ម៉ាទៅបង់ក្លាដែស ប៉ុន្តែរដ្ឋាភិបាលស៊ីវិលរបស់មីយ៉ាន់ម៉ាមិនបានឆ្លើយតបតាមស្ថានការណ៍ឡើយ ខណៈជនមូស្លីមរ៉ូហ៊ីងយ៉ាប្រឈមមុខបញ្ហាលំបាកវេទនាគ្រប់យ៉ាង។
ក្រុមប្រឹក្សាក្រុង Oxford បានបោះឆ្នោតជាឯកច្ឆន្ទដកហូតពានរង្វាន់ Freedom of the City of Oxford ពីលោកស្រី អ៊ុងសាន ស៊ូជី នៅថ្ងៃទី២៧ ខែវិច្ឆិកា ព្រោះលោកស្រីអសកម្មក្នុងការឆ្លើយតបទៅនឹងការធ្វើទុក្ខបុកម្នេញលើជនមូស្លីមរ៉ូហ៊ីងយ៉ា។ ចំពោះការដកពានរង្វាន់ដែលត្រូវបានប្រគល់ឲ្យលោកស្រី ស៊ូជី នៅឆ្នាំ១៩៩៧ ក្រុង Oxford បានប្រាប់មូលហេតុថា ខ្លួនមិនចង់អបអរអ្នកដែលធ្វើមិនដឹងមិនឮលើអំពើហិង្សាឡើយ។
បើតាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែចុងសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ាជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ាទៅកាន់បង់ក្លាដែស ដោយបានអះអាងថា ពួកគេរងការគំរាមកំហែងពីសំណាក់អាជ្ញាធរ។ រដ្ឋាភិបាលស៊ីវិលមីយ៉ាន់ម៉ារងការិះគន់ខ្លាំងដោយបញ្ហានេះ ខណៈសហគមន៍អន្តរជាតិនៅតែទទូចឲ្យប្រញាប់ដោះស្រាយ និងបញ្ឈប់សកម្មភាពណាដែលប៉ះពាល់ដល់សិទ្ធិ និងសុវត្ថិភាពប្រជាជន។
លោកស្រី Mary Clarkson ជាអ្នកស្នើដកពានរង្វាន់នេះ បានប្រាប់សារព័ត៌មាន BBC ថា ថ្ងៃនេះ យើងបានចាត់វិធានការមិនធ្លាប់មានក្នុងការដកហូតពានរង្វាន់ខ្ពស់បំផុតក្នុងទីក្រុង ដោយសារតែអសកម្មភាពរបស់លោកស្រីចំពោះមុខវិបត្តិរ៉ូហ៊ីងយ៉ា។ លោកស្រីបន្ថែមថា ចំណាត់នេះនឹងក្លាយជាសំឡេងមួយបន្ថែមទៀតក្នុងការស្នើឲ្យមានការគោរពសិទ្ធិមនុស្ស និងយុត្តិធម៌សម្រាប់ជនមូស្លីមរ៉ូហ៊ីងយ៉ា។
ខណៈដែលបញ្ហាកំពុងកើតឡើងនេះ រដ្ឋាភិបាលមីយ៉ាន់ម៉ា និងបង់ក្លាដែស បានចុះកិច្ចព្រមព្រៀងធ្វើមាតុភូមិនិវត្តន៍ជនជាតិរ៉ូហ៊ីងយ៉ាដែលកំពុងស្នាក់នៅតាមជំរំជនភៀសខ្លួនតោកយ៉ាកតាមព្រំដែនប្រទេសទាំងពីរ។ នេះអាចជាជំហានទៅមុខដ៏ធំក្នុងការដោះស្រាយបញ្ហា តែស្ថានភាពជាក់ស្ដែងនោះ ជនភៀសខ្លួនទាំងអស់នៅតែបន្តរងគ្រោះដដែល ហើយចំនួនជនភៀសខ្លួនក៏កើនឡើងជាលំដាប់ ដ្បិតយោធាមីយ៉ាន់ម៉ាក៏ចេះតែបន្តសកម្មភាពហិង្សារបស់ខ្លួនដដែល។
ដោយសារសកម្មភាពរបស់យោធានេះហើយ បានជាលោកស្រី ស៊ូជី បាក់មុខខ្លាំងលើឆាកអន្តរជាតិ ហើយយោធានេះទៀតសោតតែងបដិសេធទង្វើរបស់ខ្លួនជាឧក្រិដ្ឋកម្ម ឬការរើសអើងឡើយ។ ក្នុងជំនួបជាមួយសម្ដេចប៉ាប ហ្វ្រង់ស៊ីស ដែលកំពុងទស្សនកិច្ចនៅមីយ៉ាន់ម៉ា អគ្គបញ្ជាការកងទ័ពមីយ៉ាន់ម៉ា មីន អ៊ុងឡាំង និយាយថា គ្មានការរើសអើងសាសនាអ្វីទាំងអស់នៅមីយ៉ាន់ម៉ា៕
ក្រុមប្រឹក្សាក្រុង Oxford បានបោះឆ្នោតជាឯកច្ឆន្ទដកហូតពានរង្វាន់ Freedom of the City of Oxford ពីលោកស្រី អ៊ុងសាន ស៊ូជី នៅថ្ងៃទី២៧ ខែវិច្ឆិកា ព្រោះលោកស្រីអសកម្មក្នុងការឆ្លើយតបទៅនឹងការធ្វើទុក្ខបុកម្នេញលើជនមូស្លីមរ៉ូហ៊ីងយ៉ា។ ចំពោះការដកពានរង្វាន់ដែលត្រូវបានប្រគល់ឲ្យលោកស្រី ស៊ូជី នៅឆ្នាំ១៩៩៧ ក្រុង Oxford បានប្រាប់មូលហេតុថា ខ្លួនមិនចង់អបអរអ្នកដែលធ្វើមិនដឹងមិនឮលើអំពើហិង្សាឡើយ។
បើតាមរបាយការណ៍របស់អង្គការសហប្រជាជាតិ គិតចាប់ពីការប៉ះទង្គិចនៅខែចុងសីហាមក មានជនភៀសខ្លួនជនជាតិភាគតិចម៉ូស្លីមរ៉ូហ៊ីងយ៉ាជាង៦០ម៉ឺននាក់ហើយ បានភៀសខ្លួនចេញពីរដ្ឋ Rakhine របស់មីយ៉ាន់ម៉ាទៅកាន់បង់ក្លាដែស ដោយបានអះអាងថា ពួកគេរងការគំរាមកំហែងពីសំណាក់អាជ្ញាធរ។ រដ្ឋាភិបាលស៊ីវិលមីយ៉ាន់ម៉ារងការិះគន់ខ្លាំងដោយបញ្ហានេះ ខណៈសហគមន៍អន្តរជាតិនៅតែទទូចឲ្យប្រញាប់ដោះស្រាយ និងបញ្ឈប់សកម្មភាពណាដែលប៉ះពាល់ដល់សិទ្ធិ និងសុវត្ថិភាពប្រជាជន។
លោកស្រី Mary Clarkson ជាអ្នកស្នើដកពានរង្វាន់នេះ បានប្រាប់សារព័ត៌មាន BBC ថា ថ្ងៃនេះ យើងបានចាត់វិធានការមិនធ្លាប់មានក្នុងការដកហូតពានរង្វាន់ខ្ពស់បំផុតក្នុងទីក្រុង ដោយសារតែអសកម្មភាពរបស់លោកស្រីចំពោះមុខវិបត្តិរ៉ូហ៊ីងយ៉ា។ លោកស្រីបន្ថែមថា ចំណាត់នេះនឹងក្លាយជាសំឡេងមួយបន្ថែមទៀតក្នុងការស្នើឲ្យមានការគោរពសិទ្ធិមនុស្ស និងយុត្តិធម៌សម្រាប់ជនមូស្លីមរ៉ូហ៊ីងយ៉ា។
ខណៈដែលបញ្ហាកំពុងកើតឡើងនេះ រដ្ឋាភិបាលមីយ៉ាន់ម៉ា និងបង់ក្លាដែស បានចុះកិច្ចព្រមព្រៀងធ្វើមាតុភូមិនិវត្តន៍ជនជាតិរ៉ូហ៊ីងយ៉ាដែលកំពុងស្នាក់នៅតាមជំរំជនភៀសខ្លួនតោកយ៉ាកតាមព្រំដែនប្រទេសទាំងពីរ។ នេះអាចជាជំហានទៅមុខដ៏ធំក្នុងការដោះស្រាយបញ្ហា តែស្ថានភាពជាក់ស្ដែងនោះ ជនភៀសខ្លួនទាំងអស់នៅតែបន្តរងគ្រោះដដែល ហើយចំនួនជនភៀសខ្លួនក៏កើនឡើងជាលំដាប់ ដ្បិតយោធាមីយ៉ាន់ម៉ាក៏ចេះតែបន្តសកម្មភាពហិង្សារបស់ខ្លួនដដែល។
ដោយសារសកម្មភាពរបស់យោធានេះហើយ បានជាលោកស្រី ស៊ូជី បាក់មុខខ្លាំងលើឆាកអន្តរជាតិ ហើយយោធានេះទៀតសោតតែងបដិសេធទង្វើរបស់ខ្លួនជាឧក្រិដ្ឋកម្ម ឬការរើសអើងឡើយ។ ក្នុងជំនួបជាមួយសម្ដេចប៉ាប ហ្វ្រង់ស៊ីស ដែលកំពុងទស្សនកិច្ចនៅមីយ៉ាន់ម៉ា អគ្គបញ្ជាការកងទ័ពមីយ៉ាន់ម៉ា មីន អ៊ុងឡាំង និយាយថា គ្មានការរើសអើងសាសនាអ្វីទាំងអស់នៅមីយ៉ាន់ម៉ា៕
Tag:
មីយ៉ាន់ម៉ា
អ៊ុងសាន ស៊ូជី
រ៉ូហ៊ីងយ៉ា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
