អន្តរជាតិ
បោះឆ្នោតកេនយ៉ា៖ អ្នកឈ្នះត្រៀមចូលកាន់តំណែងប្រធានាធិបតី ឯអ្នកចាញ់ត្រៀមធ្វើបាតុកម្ម
រូបភាព៖ Xinhua
×![]()
ដោយ: តន ចាន់រិទ្ធារ៉ា
លោក អ៊ូហ៊ូរូ កេនយ៉ាតា (Uhuru Kenyatta) ដែលទើបឈ្នះការបោះឆ្នោតជុំទីពីរកាលពីពេលថ្មីៗនេះ នឹងស្បថចូលកាន់តំណែងប្រធានាធិបតីកេនយ៉ាអាណត្តិទី២ នៅថ្ងៃទី២៨ ខែវិច្ឆិកា។ សន្តិសុខត្រូវបានពង្រឹងយ៉ាងខ្លាំងក្នុងរដ្ឋធានីណៃរ៉ូប៊ី ជាពិសេសនៅកន្លែងប្រារព្ធពិធីស្បថ ខណៈបក្សប្រឆាំងក៏ត្រៀមធ្វើបាតុកម្មដែរ។ បក្សប្រឆាំងកេនយ៉ាដឹកនាំដោយលោក រ៉ៃឡា អូឌីងហ្កា (Raila Odinga) ចាត់ទុកជ័យជម្នះរបស់លោក កេនយ៉ាតា ជារឿងមិនស្របច្បាប់។
ឆ្លងកាត់ការបោះឆ្នោតពីរដងកន្លងមក លោក អ៊ូហ៊ូរូ កេនយ៉ាតា ត្រូវបានប្រកាសជាប្រធានាធិបតីជាប់ឆ្នោតរបស់កេនយ៉ា។ ពិធីស្បថចូលកាន់តំណែងនឹងរៀបចំនៅក្នុងកីឡដ្ឋានជាតិក្នុងរដ្ឋធានីណៃរ៉ូប៊ី ដោយមនុស្សប្រមាណ៦ម៉ឺននាក់នឹងមានវត្តមានក្នុងពិធីនេះ។ ប៉ុន្តែមេដឹកនាំប្រឆាំង រ៉ៃឡា អូឌីងហ្កា បានបដិសេធចូលរួមកម្មវិធីនេះ ដោយចោទលោក កេនយ៉ាតា ឈ្នះឆ្នោតដោយមិនស្របតាមច្បាប់អ្វីឡើយ។
តាមពិតទៅ លោក កេនយ៉ាតា បានផ្ដួលលោក អូឌីងហ្កា ម្ដងរួចទៅហើយក្នុងការបោះឆ្នោតជ្រើសរើសប្រធានាធិបតីលើកទីមួយ ថ្ងៃទី៨ ខែសីហា។ ប៉ុន្តែជ័យជម្នះនេះត្រូវបានតុលាការកំពូលកេនយ៉ាទាត់ចោលយ៉ាងភ្ញាក់ផ្អើល ដោយលើកហេតុផលថា ការបោះឆ្នោតមានភាពមិនប្រក្រតីជាច្រើន និងចេញបញ្ជាឲ្យរៀបចំការបោះឆ្នោតម្ដងទៀតនៅថ្ងៃទី២៦ ខែតុលា។ លោក អូឌីងហ្កា បានដកខ្លួនចេញពីការបោះឆ្នោតលើកទីពីរ ហើយលោក កេនយ៉ាតា ក៏ទទួលជ័យជម្នះដោយស្រួល។
ការដកខ្លួនរបស់មេដឹកនាំប្រឆាំង កើតឡើងបន្ទាប់ពីមានអំពើហិង្សារវាងក្រុមបាតុករ និងប៉ូលិសរបស់រដ្ឋាភិបាលលោក កេនយ៉ាតា ។ មនុស្សយ៉ាងតិចណាស់៥០នាក់ត្រូវបានរាយការណ៍ថាស្លាប់ក្នុងការប៉ះទង្គិចក្រោយការសម្រេចចិត្តរបស់តុលាការកំពូល។ បើតាមសារព័ត៌មាន BBC លោក អូឌីងហ្កា បានប្រកាសធ្វើបាតុកម្ដងទៀតនៅថ្ងៃស្បថចូលកាន់តំណែងអាណត្តិទីពីររបស់លោក កេនយ៉ាតា ដើម្បីរំឭកដល់អ្នកស្លាប់។
អ្នកគាំទ្រលោក កេនយ៉ាតា រាប់ម៉ឺននាក់បានសម្រុកចូលកីឡដ្ឋាន Kasarani ជាទីប្រារព្ធពិធីស្បថចូលកាន់តំណែងនៃប្រធានាធិបតីថ្មី។ ប៉ូលិសបានប្រើប្រាស់ឧស្ម័នបង្ហូរទឹកភ្នែកដើម្បីបំបែកហ្វូងអ្នកគាំទ្រដែលប្រឹងប្រជ្រៀតចូលកីឡដ្ឋាន និងបានដំឡើងផ្ទាំងសំពត់សដ៏ធំខាងក្រៅផងដែរ។ មេដឹកនាំបរទេសមួយចំនួននឹងចូលរួមកម្មវិធីនេះដូចជា នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ និងប្រធានាធិបតីរវ៉ាន់ដា ប៉ូល កាហ្កាម៉េ ជាដើម។
ចំណែកអ្នកគាំទ្ររបស់លោក អូឌីងហ្កា និយាយថា ការចរចាជាមួយបក្សកាន់អំណាចមានន័យស្មើនឹងការទទួលស្គាល់បរាជ័យ។ ពួកគេក៏ចោទបក្សលោក កេនយ៉ាតា ថាលួចសន្លឹកឆ្នោត ពុករលួយ បញ្ជាឲ្យកម្លាំងសន្តិសុខបង្ក្រាបបាតុករ និងរើសអើងការអភិវឌ្ឍនៅតាមតំបន់ជាច្រើនក្នុងប្រទេស ជាពិសេសតំបន់ដែលសម្បូរដោយអ្នកគាំទ្ររបស់លោក អូឌីងហ្កា ។ បើតាមបក្សប្រឆាំង ការបែងចែកបែបនេះមិនអាចដោះស្រាយតាមការចរចាឡើយ៕
ឆ្លងកាត់ការបោះឆ្នោតពីរដងកន្លងមក លោក អ៊ូហ៊ូរូ កេនយ៉ាតា ត្រូវបានប្រកាសជាប្រធានាធិបតីជាប់ឆ្នោតរបស់កេនយ៉ា។ ពិធីស្បថចូលកាន់តំណែងនឹងរៀបចំនៅក្នុងកីឡដ្ឋានជាតិក្នុងរដ្ឋធានីណៃរ៉ូប៊ី ដោយមនុស្សប្រមាណ៦ម៉ឺននាក់នឹងមានវត្តមានក្នុងពិធីនេះ។ ប៉ុន្តែមេដឹកនាំប្រឆាំង រ៉ៃឡា អូឌីងហ្កា បានបដិសេធចូលរួមកម្មវិធីនេះ ដោយចោទលោក កេនយ៉ាតា ឈ្នះឆ្នោតដោយមិនស្របតាមច្បាប់អ្វីឡើយ។
តាមពិតទៅ លោក កេនយ៉ាតា បានផ្ដួលលោក អូឌីងហ្កា ម្ដងរួចទៅហើយក្នុងការបោះឆ្នោតជ្រើសរើសប្រធានាធិបតីលើកទីមួយ ថ្ងៃទី៨ ខែសីហា។ ប៉ុន្តែជ័យជម្នះនេះត្រូវបានតុលាការកំពូលកេនយ៉ាទាត់ចោលយ៉ាងភ្ញាក់ផ្អើល ដោយលើកហេតុផលថា ការបោះឆ្នោតមានភាពមិនប្រក្រតីជាច្រើន និងចេញបញ្ជាឲ្យរៀបចំការបោះឆ្នោតម្ដងទៀតនៅថ្ងៃទី២៦ ខែតុលា។ លោក អូឌីងហ្កា បានដកខ្លួនចេញពីការបោះឆ្នោតលើកទីពីរ ហើយលោក កេនយ៉ាតា ក៏ទទួលជ័យជម្នះដោយស្រួល។
ការដកខ្លួនរបស់មេដឹកនាំប្រឆាំង កើតឡើងបន្ទាប់ពីមានអំពើហិង្សារវាងក្រុមបាតុករ និងប៉ូលិសរបស់រដ្ឋាភិបាលលោក កេនយ៉ាតា ។ មនុស្សយ៉ាងតិចណាស់៥០នាក់ត្រូវបានរាយការណ៍ថាស្លាប់ក្នុងការប៉ះទង្គិចក្រោយការសម្រេចចិត្តរបស់តុលាការកំពូល។ បើតាមសារព័ត៌មាន BBC លោក អូឌីងហ្កា បានប្រកាសធ្វើបាតុកម្ដងទៀតនៅថ្ងៃស្បថចូលកាន់តំណែងអាណត្តិទីពីររបស់លោក កេនយ៉ាតា ដើម្បីរំឭកដល់អ្នកស្លាប់។
អ្នកគាំទ្រលោក កេនយ៉ាតា រាប់ម៉ឺននាក់បានសម្រុកចូលកីឡដ្ឋាន Kasarani ជាទីប្រារព្ធពិធីស្បថចូលកាន់តំណែងនៃប្រធានាធិបតីថ្មី។ ប៉ូលិសបានប្រើប្រាស់ឧស្ម័នបង្ហូរទឹកភ្នែកដើម្បីបំបែកហ្វូងអ្នកគាំទ្រដែលប្រឹងប្រជ្រៀតចូលកីឡដ្ឋាន និងបានដំឡើងផ្ទាំងសំពត់សដ៏ធំខាងក្រៅផងដែរ។ មេដឹកនាំបរទេសមួយចំនួននឹងចូលរួមកម្មវិធីនេះដូចជា នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ និងប្រធានាធិបតីរវ៉ាន់ដា ប៉ូល កាហ្កាម៉េ ជាដើម។
ចំណែកអ្នកគាំទ្ររបស់លោក អូឌីងហ្កា និយាយថា ការចរចាជាមួយបក្សកាន់អំណាចមានន័យស្មើនឹងការទទួលស្គាល់បរាជ័យ។ ពួកគេក៏ចោទបក្សលោក កេនយ៉ាតា ថាលួចសន្លឹកឆ្នោត ពុករលួយ បញ្ជាឲ្យកម្លាំងសន្តិសុខបង្ក្រាបបាតុករ និងរើសអើងការអភិវឌ្ឍនៅតាមតំបន់ជាច្រើនក្នុងប្រទេស ជាពិសេសតំបន់ដែលសម្បូរដោយអ្នកគាំទ្ររបស់លោក អូឌីងហ្កា ។ បើតាមបក្សប្រឆាំង ការបែងចែកបែបនេះមិនអាចដោះស្រាយតាមការចរចាឡើយ៕
Tag:
អាហ្វ្រិក
កេនយ៉ា
Uhuru Kenyatta
Raila Odinga
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ម៉ោង
