អន្តរជាតិ
ហាវ៉ៃដំឡើងស៊ីរ៉ែនប្រកាសអាសន្ននុយក្លេអ៊ែរ ក្រោយកូរ៉េខាងជើងបាញ់សាកល្បងមីស៊ីល
×![]()
ដោយ: ថ្មីៗ
រដ្ឋហាវ៉ៃដែលស្ថិតនៅកណ្តាលមហាសមុទ្រប៉ាស៊ីហ្វិកបានសម្រេចដំឡើងស៊ីរ៉ែនប្រកាសអាសន្នអាវុធនុយក្លេអ៊ែរដែលមានតាំងពីសម័យសង្គ្រាមត្រជាក់នៅសប្តាហ៍នេះ ក្រោយពេលដែលកូរ៉េខាងជើងសាកល្បងមីស៊ីរបស់ខ្លួនជាថ្មី។ កូរ៉េខាងជើងអួតថា ខ្លួនមានសមត្ថភាពបាញ់មីស៊ីលដល់គ្រប់ទីកន្លែងលើពិភពលោក។
នៅថ្ងៃសុក្រ ស៊ីរ៉ែនដែលមានសំឡេងថ្មីសម្រាប់ផ្តល់ដំណឹងដល់ប្រជាជនពលរដ្ឋពីការវាយប្រហារអាវុធនុយក្លេអ៊ែរត្រូវបានគេសាកល្បងនៅរដ្ឋហាវ៉ៃ បន្ថែមពីលើស៊ីរ៉ែនប្រកាសអាសន្នពីគ្រោះមហន្តរាយធម្មជាតិ។ ស៊ីរ៉ែននេះត្រូវបានបំពាក់ជាលើកដំបូង គិតចាប់តាំងពីសង្គ្រាមត្រជាក់បិទបញ្ចប់ទៅ។
«យើងជឿថា វាជារឿងសំខាន់ដែលយើងត្រូវត្រៀមលក្ខណៈសម្រាប់រាល់គ្រោះមហន្តរាយទាំងអស់នៅពេលបច្ចប្បន្នក្នុងនោះមានទាំងការវាយប្រហារអាវុធនុយក្លេអ៊ែរផង»។ នេះជាការបញ្ជាក់របស់អភិបាលរដ្ឋហាវ៉ៃលោក David Ige ដែលស្រង់សម្តីដោយទីភ្នាក់ងារព័ត៌ AP ។
តំណាងរដ្ឋហាវ៉ៃនេះបានបញ្ជាក់ថា ស៊ីរ៉ែនថ្មីដែលត្រូវសាកល្បងនេះនឹងអាចធានាបានថា សាធារណជនអាចដឹងបានថា គេត្រូវធ្វើអ្វីនៅពេលដែលមានករណីវាយប្រហារកើតឡើង។ ប្រសិនបើមានការបាញ់មីស៊ីល ប្រជាជននិងអ្នកទេសចរអាចមានពេលប្រហែល ២០នាទីដើម្បីស្វែងរកកន្លែងសុវត្ថិភាព។
លោក David Ige បានបន្ថែមដូច្នេះ៖«វាត្រូវមានវិធានការផ្សេងគ្នាប្រសិនបើមានការវាយប្រហារនុយក្លេអ៊ែរ ដែលវាប្លែកពីការត្រៀមខ្លួនពេលមានព្យុះ ឬមានរលកយក្សស៊ូណាមិនោះ»។
ប្រព័ន្ធផ្តល់សញ្ញាប្រកាសអាសន្ននេះនឹងមានសំឡេងប្លែកពីសំឡេងស៊ីរ៉ែនដែលបន្លឺពេលមានព្យុះ ហើយវាជាសំឡេងដែលប្រជាជនរដ្ឋហាវ៉ៃធ្លាប់លឺហើយនោះ។
អ្នករដ្ឋបាលនៃទីភ្នាក់ងារគ្រប់គ្រងគ្រោះមហន្តរាយនៅរដ្ឋហាវ៉ៃ Vern Miyagi បានអះអាងថា រដ្ឋហាវ៉ៃពន្យារពេលសាកល្បងស៊ីរ៉ែននេះកន្លងមកដោយសារអាជ្ញាធរចង់ទុកពេលឲ្យប្រជាជនបានដឹងជាមុន។ អាជ្ញាធរបានផ្សព្វផ្សាយព័ត៌មាននេះតាមវិទ្យុ ទូរទស្សន៍ និងប្រកាសព័ត៌មានឲ្យសាធារណជនបានដឹងជាមុនរួចហើយ ទើបមានការសាកល្បងស៊ីរ៉ែននេះ។
សូមបញ្ជាក់ថា ការសាកល្បងស៊ីរ៉ែនប្រកាសអាសន្នករណីមានការវាយប្រហារដោយអាវុធនុយក្លេអ៊ែរនេះធ្វើឡើងក្រោយពេលដែលកូរ៉េខាងជើងបាញ់សាកល្បងអាវុធរបស់ខ្លួនជាថ្មីនៅដើមសប្តាហ៍នេះ។ ក្រោយបាញ់សាកល្បង កូរ៉េខាងជើងប្រកាសថា មីស៊ីលខ្លួនអាចបាញ់ដល់គ្រប់ទីកន្លែងទូទាំងពិភពលោក ដែលបញ្ជាក់បានថាខ្លួនមានសមត្ថភាពដូចបណ្តាប្រទេសមហាអំណាចនុយក្លេអ៊ែរដទៃទៀតដែរ៕
នៅថ្ងៃសុក្រ ស៊ីរ៉ែនដែលមានសំឡេងថ្មីសម្រាប់ផ្តល់ដំណឹងដល់ប្រជាជនពលរដ្ឋពីការវាយប្រហារអាវុធនុយក្លេអ៊ែរត្រូវបានគេសាកល្បងនៅរដ្ឋហាវ៉ៃ បន្ថែមពីលើស៊ីរ៉ែនប្រកាសអាសន្នពីគ្រោះមហន្តរាយធម្មជាតិ។ ស៊ីរ៉ែននេះត្រូវបានបំពាក់ជាលើកដំបូង គិតចាប់តាំងពីសង្គ្រាមត្រជាក់បិទបញ្ចប់ទៅ។
«យើងជឿថា វាជារឿងសំខាន់ដែលយើងត្រូវត្រៀមលក្ខណៈសម្រាប់រាល់គ្រោះមហន្តរាយទាំងអស់នៅពេលបច្ចប្បន្នក្នុងនោះមានទាំងការវាយប្រហារអាវុធនុយក្លេអ៊ែរផង»។ នេះជាការបញ្ជាក់របស់អភិបាលរដ្ឋហាវ៉ៃលោក David Ige ដែលស្រង់សម្តីដោយទីភ្នាក់ងារព័ត៌ AP ។
តំណាងរដ្ឋហាវ៉ៃនេះបានបញ្ជាក់ថា ស៊ីរ៉ែនថ្មីដែលត្រូវសាកល្បងនេះនឹងអាចធានាបានថា សាធារណជនអាចដឹងបានថា គេត្រូវធ្វើអ្វីនៅពេលដែលមានករណីវាយប្រហារកើតឡើង។ ប្រសិនបើមានការបាញ់មីស៊ីល ប្រជាជននិងអ្នកទេសចរអាចមានពេលប្រហែល ២០នាទីដើម្បីស្វែងរកកន្លែងសុវត្ថិភាព។
លោក David Ige បានបន្ថែមដូច្នេះ៖«វាត្រូវមានវិធានការផ្សេងគ្នាប្រសិនបើមានការវាយប្រហារនុយក្លេអ៊ែរ ដែលវាប្លែកពីការត្រៀមខ្លួនពេលមានព្យុះ ឬមានរលកយក្សស៊ូណាមិនោះ»។
ប្រព័ន្ធផ្តល់សញ្ញាប្រកាសអាសន្ននេះនឹងមានសំឡេងប្លែកពីសំឡេងស៊ីរ៉ែនដែលបន្លឺពេលមានព្យុះ ហើយវាជាសំឡេងដែលប្រជាជនរដ្ឋហាវ៉ៃធ្លាប់លឺហើយនោះ។
អ្នករដ្ឋបាលនៃទីភ្នាក់ងារគ្រប់គ្រងគ្រោះមហន្តរាយនៅរដ្ឋហាវ៉ៃ Vern Miyagi បានអះអាងថា រដ្ឋហាវ៉ៃពន្យារពេលសាកល្បងស៊ីរ៉ែននេះកន្លងមកដោយសារអាជ្ញាធរចង់ទុកពេលឲ្យប្រជាជនបានដឹងជាមុន។ អាជ្ញាធរបានផ្សព្វផ្សាយព័ត៌មាននេះតាមវិទ្យុ ទូរទស្សន៍ និងប្រកាសព័ត៌មានឲ្យសាធារណជនបានដឹងជាមុនរួចហើយ ទើបមានការសាកល្បងស៊ីរ៉ែននេះ។
សូមបញ្ជាក់ថា ការសាកល្បងស៊ីរ៉ែនប្រកាសអាសន្នករណីមានការវាយប្រហារដោយអាវុធនុយក្លេអ៊ែរនេះធ្វើឡើងក្រោយពេលដែលកូរ៉េខាងជើងបាញ់សាកល្បងអាវុធរបស់ខ្លួនជាថ្មីនៅដើមសប្តាហ៍នេះ។ ក្រោយបាញ់សាកល្បង កូរ៉េខាងជើងប្រកាសថា មីស៊ីលខ្លួនអាចបាញ់ដល់គ្រប់ទីកន្លែងទូទាំងពិភពលោក ដែលបញ្ជាក់បានថាខ្លួនមានសមត្ថភាពដូចបណ្តាប្រទេសមហាអំណាចនុយក្លេអ៊ែរដទៃទៀតដែរ៕
Tag:
ហាវ៉ៃ
កូរ៉េខាងជើង
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
11 ម៉ោង
