អត្ថបទពាណិជ្ជកម្ម
បុគ្គលិកក្រុមហ៊ុនសាណូហ្វីកម្ពុជា ស្ម័គ្រចិត្តបរិច្ចាគឈាម ដើម្បីប្រយោជន៍សង្គមកាន់តែច្រើន
×![]()
ដោយ: ជី ដាណា
ក្រុមហ៊ុន សាណូហ្វីកម្ពុជា សហការជាមួយមជ្ឈមណ្ឌលជាតិផ្តល់ឈាម បានបង្កើតកម្មវិធីស្ម័គ្រចិត្តបរិច្ចាគឈាម ដើម្បីរួមចំណែកដោះស្រាយបញ្ហាតម្រូវការឈាមនៅកម្ពុជា ខណៈដែលការផ្គត់ផ្គង់ឈាមឲ្យត្រូវនឹងតម្រូវការ ឬសម្រាប់ករណីសង្គ្រោះបន្ទាន់ នៅតែជាបញ្ហាប្រឈមនៅឡើយ។
នាយិកាគ្រប់គ្រងក្រុមហ៊ុន សាណូហ្វីកម្ពុជា លោកស្រី ដាវ ធូង៉ា (Dao Thu Nga) បានមានប្រសាសន៍ថា៖ «ដោយសារតម្រូវការឈាមសម្រាប់អ្នកជំងឺ មានកម្រិតខ្ពស់ ជាពិសេសសម្រាប់ករណីសង្គ្រោះបន្ទាន់ យើងយល់ឃើញថា កម្មវិធីបរិច្ចាគឈាមពិតជាសំខាន់ និងចាំបាច់។ ដូច្នេះយើង បង្កើតកម្មវិធីនេះឡើង ដើម្បីរួមចំណែកដោះស្រាយបញ្ហាតម្រូវការឈាម និងជាផ្នែកមួយនៃការចែករំលែកក្តីស្រលាញ់»។
លោកស្រី ដាវ ធុង៉ា បានបន្ថែមថា កម្មវិធីនេះ ក៏មានគោលបំណងក្នុងការជំរុញលើកទឹកចិត្ត និងលើកកម្ពស់ការយល់ដឹងអំពីសារៈសំខាន់នៃការបរិច្ចាគឈាមផងដែរ។ បើតាមលោកស្រី ការបរិច្ចាគដោយស្ម័គ្រចិត្តគឺជាមធ្យោបាយមួយ ដែលបុគ្គលិកក្រុមហ៊ុន អាចបង្ហាញពីសាមគ្គីភាព និងការប្តេជ្ញាចិត្តរបស់ពួកគេ ចំពោះសហគមន៍កម្ពុជា។ នាយិកាគ្រប់គ្រងក្រុមហ៊ុន សាណូហ្វីកម្ពុជា រូបនេះ បានសម្តែងពីចំណាប់អារម្មណ៍យ៉ាងដូច្នេះថា «យើង មានមោទនភាពចំពោះបុគ្គលិករបស់យើង ដែលបានយល់ដឹង និងស្ម័គ្រចិត្តក្នុងសកម្មភាពសង្គម និងបង្ហាញក្តីស្រឡាញ់របស់ពួកគេ តាមរយៈការបរិច្ចាគឈាម»។
ជុំវិញបញ្ហាខាងលើ លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាមបានថ្លែងថា ឈាមដែលបរិច្ចាគដោយស្ម័គ្រចិត្តកាលពីឆ្នាំ២០១៦ មានតែ៣០%ប៉ុណ្ណោះ ដែលភាគរយនេះគឺទាបជាងភាគរយនៅតាមបណ្តាប្រទេសដទៃទៀត។
ចំណែកឯ លោក អ៊ុង ង៉ួនតុលា មន្ត្រីទំនាក់ទំនងនៃមជ្ឈមណ្ឌលជាតិផ្តល់ឈាមកម្ពុជា បានឲ្យដឹងថា តម្រូវការឈាមប្រចាំថ្ងៃ គឺប្រហែល ២០០ប្លោកក្នុងមួយថ្ងៃ ប៉ុន្តែតម្រូវការនេះ នៅមិនទាន់គ្រប់គ្រាន់នៅឡើយ។ លោកវេជ្ជបណ្ឌិត លើកឡើងថា ប្រជាជនកម្ពុជាមួយចំនួន ទំនងជាមានការភ័យខ្លាចនឹងម្ជុលចាក់ថ្នាំ ឬក៏មានការយល់ច្រឡំថា ការបរិច្ចាគឈាមធ្វើឲ្យពួកគេប្រឈមនឹងហានិភ័យសុខភាព។
តាមការពិត ការបរិច្ចាគឈាមដោយស្ម័គ្រចិត្ត គឺមានសុវត្ថិភាពជាងការផ្តល់ឈាម ដែលធ្វើឡើងភ្លាមៗក្នុងពេលមានអាសន្ន។ នេះបើតាមលោក អ៊ុង ង៉ួនតុលា ដដែល ដោយលោក បានពន្យល់ថា វាមានសុវត្ថិភាពជាង ព្រោះតែអ្នកបរិច្ចាគត្រូវតែទទួលបានការពិនិត្យសុខភាពដោយវេជ្ជបណ្ឌិតជំនាញ មុនពេលពួកគេ បរិច្ចាគឈាម។ លោក បន្តថា ការបរិច្ចាគឈាម អាចមានសារៈប្រយោជន៍ដល់សុខភាពអ្នកបរិច្ចាគ។
លោក អ៊ុង ង៉ួនតុលា បញ្ជាក់យ៉ាងដូច្នេះថា៖«ការផ្តល់ឈាម អាចជួយកាត់បន្ថយហានិភ័យនៃជំងឺលើសសម្ពាធឈាម ជំងឺមហារីក និងជំងឺផ្សេងៗទៀត។ ហើយកោសិកាឈាម អាចរស់បានតែ ១២០ថ្ងៃប៉ុណ្ណោះ មុននឹងវាកើតឡើងជាថ្មីម្តងទៀត។ ដូច្នេះ សូមបរិច្ចាគឈាមទៅកាន់ប្រជាជន ដែលស្ថិតក្នុងស្ថានភាពគ្រោះថ្នាក់ ដូចជាមនុស្សដែលរងគ្រោះ ដោយសារគ្រោះថ្នាក់ចរាចរណ៍ ឬក៏អ្នកជំងឺខ្សោយតម្រងនោម ដែលត្រូវការឈាមជាប្រចាំ»។
លោកវេជ្ជបណ្ឌិតរូបនេះ បានអំពាវនាវថា៖«ខ្ញុំសូមសំណូមពរឲ្យយុវជន និងមនុស្សពេញវ័យ ដែលមានសុខភាពល្អនិងមានវ័យចាប់ពី ១៨រហូតដល់ ៦០ឆ្នាំ បរិច្ចាគឈាមដោយស្ម័គ្រចិត្តឲ្យកាន់តែច្រើន»។ បន្ទាប់មក លោក បានថ្លែងអំណរគុណដល់បុគ្គលិកក្រុមហ៊ុនសាណូហ្វីកម្ពុជា ដែលបានប្តេជ្ញាចិត្តបរិច្ចាគឈាម ដល់មជ្ឈមណ្ឌលជាតិផ្តល់ឈាម ហើយក៏លើកទឹកចិត្តឲ្យក្រុមហ៊ុន បន្តសកម្មភាពមនុស្សធម៌បែបនេះជាបន្តបន្ទាប់ទៅមុខទៀត៕
(អត្ថបទពាណិជ្ជកម្ម)
នាយិកាគ្រប់គ្រងក្រុមហ៊ុន សាណូហ្វីកម្ពុជា លោកស្រី ដាវ ធូង៉ា (Dao Thu Nga) បានមានប្រសាសន៍ថា៖ «ដោយសារតម្រូវការឈាមសម្រាប់អ្នកជំងឺ មានកម្រិតខ្ពស់ ជាពិសេសសម្រាប់ករណីសង្គ្រោះបន្ទាន់ យើងយល់ឃើញថា កម្មវិធីបរិច្ចាគឈាមពិតជាសំខាន់ និងចាំបាច់។ ដូច្នេះយើង បង្កើតកម្មវិធីនេះឡើង ដើម្បីរួមចំណែកដោះស្រាយបញ្ហាតម្រូវការឈាម និងជាផ្នែកមួយនៃការចែករំលែកក្តីស្រលាញ់»។
លោកស្រី ដាវ ធុង៉ា បានបន្ថែមថា កម្មវិធីនេះ ក៏មានគោលបំណងក្នុងការជំរុញលើកទឹកចិត្ត និងលើកកម្ពស់ការយល់ដឹងអំពីសារៈសំខាន់នៃការបរិច្ចាគឈាមផងដែរ។ បើតាមលោកស្រី ការបរិច្ចាគដោយស្ម័គ្រចិត្តគឺជាមធ្យោបាយមួយ ដែលបុគ្គលិកក្រុមហ៊ុន អាចបង្ហាញពីសាមគ្គីភាព និងការប្តេជ្ញាចិត្តរបស់ពួកគេ ចំពោះសហគមន៍កម្ពុជា។ នាយិកាគ្រប់គ្រងក្រុមហ៊ុន សាណូហ្វីកម្ពុជា រូបនេះ បានសម្តែងពីចំណាប់អារម្មណ៍យ៉ាងដូច្នេះថា «យើង មានមោទនភាពចំពោះបុគ្គលិករបស់យើង ដែលបានយល់ដឹង និងស្ម័គ្រចិត្តក្នុងសកម្មភាពសង្គម និងបង្ហាញក្តីស្រឡាញ់របស់ពួកគេ តាមរយៈការបរិច្ចាគឈាម»។
ជុំវិញបញ្ហាខាងលើ លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាមបានថ្លែងថា ឈាមដែលបរិច្ចាគដោយស្ម័គ្រចិត្តកាលពីឆ្នាំ២០១៦ មានតែ៣០%ប៉ុណ្ណោះ ដែលភាគរយនេះគឺទាបជាងភាគរយនៅតាមបណ្តាប្រទេសដទៃទៀត។
ចំណែកឯ លោក អ៊ុង ង៉ួនតុលា មន្ត្រីទំនាក់ទំនងនៃមជ្ឈមណ្ឌលជាតិផ្តល់ឈាមកម្ពុជា បានឲ្យដឹងថា តម្រូវការឈាមប្រចាំថ្ងៃ គឺប្រហែល ២០០ប្លោកក្នុងមួយថ្ងៃ ប៉ុន្តែតម្រូវការនេះ នៅមិនទាន់គ្រប់គ្រាន់នៅឡើយ។ លោកវេជ្ជបណ្ឌិត លើកឡើងថា ប្រជាជនកម្ពុជាមួយចំនួន ទំនងជាមានការភ័យខ្លាចនឹងម្ជុលចាក់ថ្នាំ ឬក៏មានការយល់ច្រឡំថា ការបរិច្ចាគឈាមធ្វើឲ្យពួកគេប្រឈមនឹងហានិភ័យសុខភាព។
តាមការពិត ការបរិច្ចាគឈាមដោយស្ម័គ្រចិត្ត គឺមានសុវត្ថិភាពជាងការផ្តល់ឈាម ដែលធ្វើឡើងភ្លាមៗក្នុងពេលមានអាសន្ន។ នេះបើតាមលោក អ៊ុង ង៉ួនតុលា ដដែល ដោយលោក បានពន្យល់ថា វាមានសុវត្ថិភាពជាង ព្រោះតែអ្នកបរិច្ចាគត្រូវតែទទួលបានការពិនិត្យសុខភាពដោយវេជ្ជបណ្ឌិតជំនាញ មុនពេលពួកគេ បរិច្ចាគឈាម។ លោក បន្តថា ការបរិច្ចាគឈាម អាចមានសារៈប្រយោជន៍ដល់សុខភាពអ្នកបរិច្ចាគ។
លោក អ៊ុង ង៉ួនតុលា បញ្ជាក់យ៉ាងដូច្នេះថា៖«ការផ្តល់ឈាម អាចជួយកាត់បន្ថយហានិភ័យនៃជំងឺលើសសម្ពាធឈាម ជំងឺមហារីក និងជំងឺផ្សេងៗទៀត។ ហើយកោសិកាឈាម អាចរស់បានតែ ១២០ថ្ងៃប៉ុណ្ណោះ មុននឹងវាកើតឡើងជាថ្មីម្តងទៀត។ ដូច្នេះ សូមបរិច្ចាគឈាមទៅកាន់ប្រជាជន ដែលស្ថិតក្នុងស្ថានភាពគ្រោះថ្នាក់ ដូចជាមនុស្សដែលរងគ្រោះ ដោយសារគ្រោះថ្នាក់ចរាចរណ៍ ឬក៏អ្នកជំងឺខ្សោយតម្រងនោម ដែលត្រូវការឈាមជាប្រចាំ»។
លោកវេជ្ជបណ្ឌិតរូបនេះ បានអំពាវនាវថា៖«ខ្ញុំសូមសំណូមពរឲ្យយុវជន និងមនុស្សពេញវ័យ ដែលមានសុខភាពល្អនិងមានវ័យចាប់ពី ១៨រហូតដល់ ៦០ឆ្នាំ បរិច្ចាគឈាមដោយស្ម័គ្រចិត្តឲ្យកាន់តែច្រើន»។ បន្ទាប់មក លោក បានថ្លែងអំណរគុណដល់បុគ្គលិកក្រុមហ៊ុនសាណូហ្វីកម្ពុជា ដែលបានប្តេជ្ញាចិត្តបរិច្ចាគឈាម ដល់មជ្ឈមណ្ឌលជាតិផ្តល់ឈាម ហើយក៏លើកទឹកចិត្តឲ្យក្រុមហ៊ុន បន្តសកម្មភាពមនុស្សធម៌បែបនេះជាបន្តបន្ទាប់ទៅមុខទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
