Man Utd នឹងទិញ Bale ពី Real តែហ៊ានថ្លៃពាក់កណ្តាលកាលដាក់ដើមរដូវកាល

កីឡាអន្តរជាតិ

អន្តរជាតិ

Man Utd នឹងទិញ Bale ពី Real តែហ៊ានថ្លៃពាក់កណ្តាលកាលដាក់ដើមរដូវកាល

05, Dec 2017 , 1:53 pm

រូបភាព

ដោយ: ទេព ពិទូរ្យ

Manchester United នឹងចុះហត្ថលេខានាំយក Gareth Bale ពី Real Madrid លើតម្លៃខ្លួនត្រឹមតែ ៥០លានផោន ប្រហែល ៦៧លានដុល្លារប៉ុណ្ណោះ ពោលគឺក្លិបយក្សនៅអេស្ប៉ាញមួយនេះត្រូវខាតជិត៥០លានដុល្លារ។

សារព័ត៌មាន The Sun បានផ្សាយថា អ្នកចាត់ការទូទៅក្រុមបិសាចក្រហម លោក Jose Mourinho នៅតែមានចំណាប់អារម្មណ៏នាំយកខ្សែបម្រើ វ័យ ២៨ឆ្នាំរូបនេះ បើទោះបីរូបគេញាំញីដោយសាររបួសមិនសូវបានបង្ហាញខ្លួនក៏ដោយ។ ប៉ុន្តែយ៉ាងណា អ្នកចាត់ការសញ្ជាតិព័រទុយហ្គាល់ ហ៊ានថ្លៃត្រឹមពាក់កណ្តាល ១០០លានផោន តែប៉ុណ្ណោះ។

Mourinho ធ្លាប់បរាជ័យយកអតីតយុវជនរបស់ Southampton នេះ ម្តងរួចមកហើយកាលពីដើមរដូ វកាលកន្លងទៅ ទោះដាក់តម្លៃ១០០លានផោន ១៣៤លានដុល្លារ ក៏ដោយ។ Bale នៅជាប់កិច្ចសន្យាជាមួយក្រុមរហស្សនាមអធិរាជសដល់ឆ្នាំ២០២២ ដោយទទួលបានប្រាក់ឈ្នួល ៣៥ម៉ឺនផោន ជាង៤៧ម៉ឺនដុល្លារក្នុង១សប្តាហ៍។

ខ្សែបម្រើអន្តរជាតិវេលស៍មានបញ្ជារបួស ២៦លើកមកហើយចាប់តាំងពីចូលរួមជាមួយក្រុមម្ចាស់ជើងឯក La Liga ៣៣សម័យកាល ក្រោយចាកចេញពី Tottenham Hotspur កាលពីឆ្នាំ២០១៣ ក្នុងតម្លៃកំណត់ត្រាក្លិប ៨៥លានផោន ប្រមាណ១១៤លានដុល្លារ។ ដោយសារមិនសូវបានបង្ហាញខ្លួនជួយក្រុមនេះហើយ ទើបធ្វើឲ្យរូបគេ ស្ថិតក្នុងបញ្ជីត្រូវលក់ចេញរបស់ Zinedine Zidane ដើម្បីប្រមូលប្រាក់ទិញយកកីឡាករល្អៗដ៏ទៃទៀតមកពង្រឹងក្រុមឡើងវិញ។

កីឡាករដែលអ្នកចាត់ការសញ្ជាតិបារាំង ដាក់គោលដៅនាំយកមកទឹកដី Santiago Bernabéu នៅពេលទីផ្សារដោះដូរកីឡាករបើកទ្វារនៅដើមខែមករាខាងមុខនេះមានដូចជា អ្នកចាំទី David De Gea, Neymar និង Kevin De Bruyne ជាដើម៕