ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ស្ត្រីជោគជ័យក្នុងអាជីពចែករំលែកបទពិសោធន៍ជោគជ័យរបស់ខ្លួន
25, Dec 2017 ,
9:19 pm
រូបភាព
លោកស្រី អ៊ឹង កន្ថាផាវី
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ ក្នុងសិក្ខាសាលាដែលមានវត្តមានស្ត្រីក្នុងវិស័យរដ្ឋ និងឯកជន រួមទាំងស្ត្រីជាតារាចម្រៀងល្បីៗ បានមកចែកបទពិសោធន៍ ជោគជ័យក្នុងអាជីពរបស់ខ្លួនដល់យុវជន។ ការចែករំលែកបទពិសោធន៍នេះ នឹងធ្វើឲ្យយុវជនមានភាពក្លាហាន និងរឹងមាំជាងមុន។ ជាមួយគ្នានេះសិក្ខាសាលានេះ ផ្ដោតសំខាន់សម្រាប់នារី គឺធ្វើយ៉ាងណាឲ្យនារីក្លាយជានារីរឹងមាំ មានគុណភាព ដែលសង្គមត្រូវការ។
ស្ត្រីមកពីផ្នែកជំនួញ ស្ត្រីជាមន្ត្រីរាជការ និងស្ត្រីក្នុងផ្នែកសិល្បៈ ចំនួន៨រូប បានចូលរួមចែករំលែកបទពិសោធន៍ជោគជ័យក្នុងអាជីពរបស់ខ្លួន ដល់យុវជនជំនាន់ក្រោយ។ វាគ្មិនជាស្ត្រីជោគជ័យ និងឆ្នើមទាំងនេះ បានបង្កើតទំនុកចិត្ត និងបង្កើតភាពរឹងមាំដល់អ្នកចូលរួម ដែលភាគច្រើនជាយុវវ័យ។
សិក្ខាសាលា «កសាងខ្លួនឲ្យក្លាយជានារីរឹងមាំ មានគុណភាព លើសពីនារីដែលគ្រាន់តែស្អាត» ជាសិក្ខាសាលាមួយ ដែលរៀបចំដោយ YES I CAN។ កញ្ញា ស្រេង ណៃហ៊ុយ ប្រធានក្រុមយុវជន YES I CAN បានប្រាប់ឲ្យដឹងថា កម្មវិធី SUPER WOMEN នេះ រៀបចំឡើងក្នុងគោលបំណង បង្កើនចំនួននារីដែលមានគុណភាព រឹងមាំ លើសពីអ្វីដែលខ្លួនមានពីកំណើត និងក្លាយជាមនុស្សស្រីដែលមនុស្សគ្រប់រូបត្រូវការ សង្គមត្រូវការ និងអាចពឹងពាក់បាន។
លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានលើកឡើងថា ការពង្រឹងភាពអង់អាចរបស់ស្ត្រី ធ្វើឲ្យស្ត្រីទទួលបានភាពម្ចាស់ការ ដឹកនាំជីវិតរបស់ខ្លួន និងនាំផលដល់ក្រុមគ្រួសារ សង្គមជាតិ។ លោក អ៊ឹង កន្ថាផាវី ក៏បានក្រើនរំលឹកដល់ស្ត្រីគ្រប់រូប ត្រូវមានក្ដីសង្ឃឹម និងក្ដីសុបិនទៅមុនបន្តទៀត និងត្រូវមានជំនឿទៅខ្លួនឯង។
លោកស្រី ស្រ៊ាត មុំសុភា
ចំណែកឯស្ត្រីក្នុងវិស័យជំនួញវិញ លោកស្រី ស្រ៊ាត មុំសុភា អគ្គលេខាធិការនៃសមាគមន៍សហគ្រិននារីកម្ពុជា និងជាប្រធានក្រុមហ៊ុន SOPHIYA ក៏បានចែករំលែកនៃជីវិតតស៊ូក្នុងការសិក្សា និងជីវិតជោគជ័យក្នុងអាជីពការងារផងដែរ។ លោកស្រី ស្រ៊ាត មុំសុខភា បានផ្ដល់ជាគន្លឹះសំខាន់សម្រាប់ស្ត្រីជាច្រើន ដោយជំរុញឲ្យស្ត្រីមានភាពក្លាហាន ហើយជាស្ត្រីដែលរឹងមាំ តែមិនរឹងរូស។
សម្រាប់អ្នកចូលរួមក្នុងសិក្ខាសាលានេះ យុវតី ពុទ្ធិបញ្ញា បាននិយាយថា សិក្ខាសាលានេះ ធ្វើឲ្យនាងមានទំនុកចិត្ត និងរឹងមាំជាងមុន ដោយបង្កើនចំណេះដឹងបន្ថែមដល់នាង។ យុវតីរូបនេះ បន្ថែមថា នាងចាប់អារម្មណ៍លើស្ត្រីផ្នែកជំនួញ ដែលបានចែករំលែកបទពិសោធន៍ជោគជ័យ និងបរាជ័យក្នុងវិស័យជំនួញ ដែលជាអាជីពក្នុងក្ដីស្រមៃរបស់នាង។
ពុទ្ធិបញ្ញា (ខាងឆ្វេង)
សូមបញ្ជាក់ថា សិក្ខាសាលានេះ មានវាគ្មិនជាស្ត្រីល្បីៗរួមមាន លោកស្រី អ៊ឹង កន្ថាផាវី លោកស្រី កែវ មុំ លោកស្រី ឈី វិជ្ជរ៉ា លោកស្រី សំ លីនណា លោកស្រី ស្រ៊ាត មុំសុភា លោកស្រី គង់ សូរីតា អ្នកនាង ចាន់ កែវនិមល និងកញ្ញា ឱក សុគន្ធកញ្ញា៕
កញ្ញា ឱក សុគន្ធកញ្ញា
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស្ត្រី
ជោគជ័យ
បទពិសោធន៍
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រទានកម្ម»មានន័យដូចម្តេច?
2 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម