ជាតិ
សុខភាព
CDC ប្រាប់ឲ្យពលរដ្ឋប្រុងប្រយ័ត្នជំងឺផ្ដាសាយបក្សីផ្ទុះឡើងជាថ្មី នៅខេត្តកំពង់ចាម និងកំពង់ធំ
×![]()
ដោយ: ថ្មីៗ
ភ្នំពេញ៖ ក្រសួងសុខាភិបាល ប្រកាសពីជំងឺផ្ដាសាយបក្សី (H5N1) ដែលកំពុងផ្ទុះឡើង នៅក្នុងខេត្តកំពង់ចាម និងខេត្តកំពង់ធំ ។ ក្រសួងស្នើឲ្យពលរដ្ឋ មានការប្រុងប្រយ័ត្ន ចំពោះសត្វបក្សីឈឺ ឬងាប់ ។
នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានរកឃើញករណីជំងឺផ្ដាសាយបក្សី (H5N1) ដែលបានកើតលើសត្វបក្សី ដូចជា មាន់ ទា នៅក្នុងស្រុកព្រៃឈរ និងស្រុកចំការលើ ខេត្តកំពង់ចាម និងស្រុកស្ទោង ខេត្តកំពង់ធំ។ ប៉ុន្តែករណីនេះ មិនទាន់មានការឆ្លងមកលើមនុស្សនៅឡើយទេ។
តាមរយៈហ្វេសប៊ុកនាយកដ្ឋានប្រយុទ្ធប្រឆាំងនឹងជំងឺឆ្លង បានសរសេរដូច្នេះ៖« មន្ត្រីជំនាញក្រសួងសុខាភិបាលកំពុងបន្តតាមស្ថានភាពជំងឺយ៉ាងយកចិត្តទុកដាក់បំផុតចំពោះសុខភាពមនុស្ស។ សូមពលរដ្ឋមានការប្រុងប្រយ័ត្នខ្ពស់អំពីការចំលងជំងឺនេះ ។ជាពិសេសក្នុងពិធីបុណ្យផ្សេង ដែលនឹងឈានមកដល់ក្នុងពេលឆាប់ៗនេះ។ សូមពលរដ្ឋប្រុងប្រយ័ត្នជានិច្ចអំពីការចម្លងជំងឺផ្តាសាយបក្សី »។
នាយកដ្ឋានប្រយុទ្ធប្រឆាំងនឹងជំងឺឆ្លង ក៏អំពាវនាវឲ្យពលរដ្ឋ កុំយកសត្វមាន់ ទា និងសត្វបក្សីឈឺ ឬងាប់ មករៀបចំជាអាហារ ឫលក់បន្តឡើយ។ ជាពិសេសមុនបរិភោគសត្វបក្សីទាំងនោះ ពលរដ្ឋត្រូវអនុវត្តអនាម័យក្នុងការបោចរោម និង ចំអិនឲ្យឆ្អិនល្អជាប់ជានិច្ច ហើយបើមានករណីដែលសង្ស័យថា មានសត្វផ្ទុកវិរុសផ្ដាសាយបក្សី ត្រូវរាយការណ៏ជាបន្ទាន់ទៅមន្ត្រីជំនាញផងដែរ ។
«បុគ្គលដែលមានរោគសញ្ញាគ្រុនក្តៅ លើសពី ៣៨.៥ អង្សារសេ និងមានរោគសញ្ញា ក្អក ឬ ឈឺក ឬ ដកដង្ហើម ហត់ និងមានប្រវត្តិប៉ះពាល់ជាមួយបក្សីឈឺ ឬងាប់ ក្នុងកំឡុងពេល ៧ ថ្ងៃមុនចេញរោគសញ្ញា ចាត់ទុកថាជាករណីសង្ស័យ ដែលត្រូវបញ្ចូនអ្នកជំងឺទៅមណ្ឌលសុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសំរាប់ព្យាបាលជំងឺនេះ»។ នេះបើតាមនាយកដ្ឋានប្រយុទ្ធប្រឆាំងនឹងជំងឺឆ្លង។
សូមរម្លឹកថា ចាប់តាំងពីឆ្នាំ ២០០៥ ដល់ ២០១៤ ប្រទេសកម្ពុជាធ្លាប់កើតមានជំងឺផ្តាសាយបក្សី ដែលបានឆ្លងពីសត្វបក្សីមកមនុស្សចំនួន៥៦ករណី ក្នុងនោះ ៣៧ ករណីបានស្លាប់ ។ ដោយឡែកគ្រាន់តែឆ្នាំ ២០១៣ មានករណីជំងឺផ្ដាសាយបក្សីឆ្លងលើមនុស្សចំនួន ២៦ករណី ដែលក្នុងនោះមាន ១៤ករណីបានស្លាប់ និងក្នុងឆ្នាំ២០១៤ មាន ៩ករណី និង ៤ករណីបានស្លាប់ ៕
ពត៌មានបន្ថែមសូមទាក់ទងទូរស័ព្ទលេខ ១១៥ មកកាន់អ្នកជំនាញក្រសួងសុខាភិបាល ។
នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានរកឃើញករណីជំងឺផ្ដាសាយបក្សី (H5N1) ដែលបានកើតលើសត្វបក្សី ដូចជា មាន់ ទា នៅក្នុងស្រុកព្រៃឈរ និងស្រុកចំការលើ ខេត្តកំពង់ចាម និងស្រុកស្ទោង ខេត្តកំពង់ធំ។ ប៉ុន្តែករណីនេះ មិនទាន់មានការឆ្លងមកលើមនុស្សនៅឡើយទេ។
តាមរយៈហ្វេសប៊ុកនាយកដ្ឋានប្រយុទ្ធប្រឆាំងនឹងជំងឺឆ្លង បានសរសេរដូច្នេះ៖« មន្ត្រីជំនាញក្រសួងសុខាភិបាលកំពុងបន្តតាមស្ថានភាពជំងឺយ៉ាងយកចិត្តទុកដាក់បំផុតចំពោះសុខភាពមនុស្ស។ សូមពលរដ្ឋមានការប្រុងប្រយ័ត្នខ្ពស់អំពីការចំលងជំងឺនេះ ។ជាពិសេសក្នុងពិធីបុណ្យផ្សេង ដែលនឹងឈានមកដល់ក្នុងពេលឆាប់ៗនេះ។ សូមពលរដ្ឋប្រុងប្រយ័ត្នជានិច្ចអំពីការចម្លងជំងឺផ្តាសាយបក្សី »។
នាយកដ្ឋានប្រយុទ្ធប្រឆាំងនឹងជំងឺឆ្លង ក៏អំពាវនាវឲ្យពលរដ្ឋ កុំយកសត្វមាន់ ទា និងសត្វបក្សីឈឺ ឬងាប់ មករៀបចំជាអាហារ ឫលក់បន្តឡើយ។ ជាពិសេសមុនបរិភោគសត្វបក្សីទាំងនោះ ពលរដ្ឋត្រូវអនុវត្តអនាម័យក្នុងការបោចរោម និង ចំអិនឲ្យឆ្អិនល្អជាប់ជានិច្ច ហើយបើមានករណីដែលសង្ស័យថា មានសត្វផ្ទុកវិរុសផ្ដាសាយបក្សី ត្រូវរាយការណ៏ជាបន្ទាន់ទៅមន្ត្រីជំនាញផងដែរ ។
«បុគ្គលដែលមានរោគសញ្ញាគ្រុនក្តៅ លើសពី ៣៨.៥ អង្សារសេ និងមានរោគសញ្ញា ក្អក ឬ ឈឺក ឬ ដកដង្ហើម ហត់ និងមានប្រវត្តិប៉ះពាល់ជាមួយបក្សីឈឺ ឬងាប់ ក្នុងកំឡុងពេល ៧ ថ្ងៃមុនចេញរោគសញ្ញា ចាត់ទុកថាជាករណីសង្ស័យ ដែលត្រូវបញ្ចូនអ្នកជំងឺទៅមណ្ឌលសុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសំរាប់ព្យាបាលជំងឺនេះ»។ នេះបើតាមនាយកដ្ឋានប្រយុទ្ធប្រឆាំងនឹងជំងឺឆ្លង។
សូមរម្លឹកថា ចាប់តាំងពីឆ្នាំ ២០០៥ ដល់ ២០១៤ ប្រទេសកម្ពុជាធ្លាប់កើតមានជំងឺផ្តាសាយបក្សី ដែលបានឆ្លងពីសត្វបក្សីមកមនុស្សចំនួន៥៦ករណី ក្នុងនោះ ៣៧ ករណីបានស្លាប់ ។ ដោយឡែកគ្រាន់តែឆ្នាំ ២០១៣ មានករណីជំងឺផ្ដាសាយបក្សីឆ្លងលើមនុស្សចំនួន ២៦ករណី ដែលក្នុងនោះមាន ១៤ករណីបានស្លាប់ និងក្នុងឆ្នាំ២០១៤ មាន ៩ករណី និង ៤ករណីបានស្លាប់ ៕
ពត៌មានបន្ថែមសូមទាក់ទងទូរស័ព្ទលេខ ១១៥ មកកាន់អ្នកជំនាញក្រសួងសុខាភិបាល ។
Tag:
សុខាភិបាល
H5N1
© រក្សាសិទ្ធិដោយ thmeythmey.com
