ជាតិ
នយោបាយជាតិ
នាយករដ្ឋមន្ត្រីចិន នឹងមកទស្សនកិច្ចនៅកម្ពុជា ជាលើកដំបូង (Xinhua) សម្ដេច ហ៊ុន សែន ចាប់ដៃលោក លី ខឹឈាំង ក្នុងជំនួបនៅខេត្តហៃណាន ប្រទេសចិន កាលពីឆ្នាំ២០១៦
× ភ្នំពេញ៖ នាយករដ្ឋមន្ត្រីចិនលោក លី ខឹឈាំង (Li Keqiang) នឹងមកទស្សនៈកិច្ចជាផ្លូវការនៅកម្ពុជា នៅសប្ដាហ៍ក្រោយនេះ។ នេះបើតាមហ្វេសប៊ុកសម្ដេចនាយករដ្ឋមន្ត្រី ហ៊ុន សែន។
នេះក៏ជាដំណើរទស្សនកិច្ចលើកទី១របស់លោក លី ខឹឈាំង មកកម្ពុជា ក្រោយលោកចូលកាន់តំណែងនាយករដ្ឋមន្ត្រីកាលពីឆ្នាំ ២០១៣ ។ លោក លី ខឹឈាំង គឺជាមន្ត្រីកំពូលទី២ របស់មហាយក្សចិន បន្ទាប់ពីលោក ស៊ី ជិនភីង។
ក្នុងវត្តមាននៅប្រទេសកម្ពុជា លោក លី ខឹឈាំង ក៏ត្រូវចូលរួមប្រជុំកំពូលមេដឹកនាំ កិច្ចសហប្រតិបត្តិការមេគង្គ-ឡានឆាង លើកទី២ នៅរាជធានីភ្នំពេញផងដែរ។ បើតាមហ្វេសប៊ុកសម្ដេច ហ៊ុន សែន ដំណើរទស្សនកិច្ចមេដឹកនាំចិនរូបនេះ ក៏នឹងនាំអ្នកវិនិយោគគិនចិនជាច្រើនមករកឱកាស បណ្តាក់ទុនវិនិយោគនៅក្នុងប្រទេសកម្ពុជាផងដែរ៕
© រក្សាសិទ្ធិដោយ thmeythmey.com