ត្រឹមរយៈពេល២ថ្ងៃ រដ្ឋាភិបាលចំណាយថវិកាជាង៣០លានរៀល ដល់កម្មការិនីសម្រាលកូន

ជាតិ

ត្រឹមរយៈពេល២ថ្ងៃ រដ្ឋាភិបាលចំណាយថវិកាជាង៣០លានរៀល ដល់កម្មការិនីសម្រាលកូន

03, Jan 2018 , 4:22 pm

រូបភាព

ដោយ: ថ្មីៗ

ភ្នំពេញ៖ ដូចការគ្រោងទុករដ្ឋាភិបាលបានចំណាយថវិកាជាង៣០លានរៀល ដល់កម្មការិនីរោងចក្រ ដែលសម្រាលកូនក្នុងរយៈពេលពីថ្ងៃដើមឆ្នាំ២០១៨នេះ។ សម្ដេចនាយករដ្ឋមន្ត្រី ហ៊ុន សែន បាននិយាយថា រដ្ឋាភិបាលបានចំណាយថវិកាជាង១០លានរៀល សម្រាប់កម្មការិនី២៨នាក់ ដែលបានសម្រាលកូនកាលពីថ្ងៃទី១ មករា។ រីកម្មការិនី៤៨នាក់ បានសម្រាលកូនកាលពីថ្ងៃទី២ មករា ក៏បានទទួលថវិកាពីរដ្ឋាភិបាលតាមការកំណត់ដែរ។

ថ្លែងក្នុងពិធីជួបសំណេះសំណាលជាមួយកម្មកររោងចក្រ នៅម្ដុំទួលសង្កែ នៅថ្ងៃទី៣ មករានេះ សម្ដេចនាយករដ្ឋមន្ត្រី ហ៊ុន សែន បាននិយាយដូច្នេះថា៖

នៅឆ្នាំ២០១៨ខាងមុខនេះ កម្មការិនីរោងចក្រ ដែលសម្រាលកូន នឹងទទួលបានប្រាក់ឧបត្ថម្ភពីរដ្ឋាភិបាល ដោយក្នុងនោះសម្រាលកូន១ ទទួលប្រាក់៤០ម៉ឺនរៀល កូនភ្លោះទទួលប្រាក់៨០ម៉ឺនរៀល និងកូនភ្លោះ៣ ទទួលបានទឹកប្រាក់១លាន ២សែនរៀល ។ សម្រាប់អ្នកសម្រាលកូនភ្លោះ៣នេះ និងទទួលបានប្រាក់ឧបត្ថម្ភ៥លានរៀលបន្ថែម ពីសម្ដេច ហ៊ុន សែន ផងដែរ។ ប៉ុន្តែក្នុងករណីកម្មការិនី ដែលសម្រាលកូនហើយ មិនទទួលបានប្រាក់ឧបត្ថម្ភពីរដ្ឋាភិបាលនោះ ត្រូវប្រាប់សម្ដេច ហ៊ុន សែន តាមរយៈការផ្ញើសារមកក្នុងហ្វេសប៊ុកខ្លួន។ រដ្ឋាភិបាល បានរៀបចំថវិកា១០លានដុល្លារ សម្រាប់គោលនយោបាយលើកទឹកចិត្តដល់កម្មការិនីមានផ្ទៃពោះនេះ៕

អត្ថបទទាក់ទង

កម្មការិនីអាចផ្ញើសារប្រាប់សម្តេច ក្នុងករណីសម្រាលកូនហើយ តែមិនបានប្រាក់ឧបត្ថម្ភ