សម្ដេច ហ៊ុន សែន ឲ្យថៅកែរោងចក្របញ្ឈប់ប្រធានផ្នែកការងារណា ដែលជេរប្រមាថកម្មករ

ជាតិ

សម្ដេច ហ៊ុន សែន ឲ្យថៅកែរោងចក្របញ្ឈប់ប្រធានផ្នែកការងារណា ដែលជេរប្រមាថកម្មករ

03, Jan 2018 , 9:19 pm

រូបភាព

ដោយ: ថ្មីៗ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន គ្រោងជួបជាមួយប្រធានរដ្ឋបាល ប្រធានផ្នែក ប្រធានក្រុម កាត់ដេរ និងជំនួយការនៅតាមរោងចក្រ ចំនួនជិត៦០០នាក់ ដើម្បីសំណេះសំណាលពីបញ្ហាមួយចំនួន ដែលទាក់ទងនឹងការគ្រប់គ្រងកម្មករ។ បញ្ហាដែលសម្ដេច ហ៊ុន សែន ចង់និយាយប្រាប់ប្រធានផ្នែកទាំងនោះ គឺក្រមសីលធម៌នៅក្នុងការងារ ដែលមិនត្រូវឲ្យមានការជេរប្រមាថ មកលើកម្មករនោះឡើយ។

ថ្លែងក្នុងពិធីជួបសំណេះសំណាលជាមួយកម្មកររោងចក្រជាង១ម៉ឺននាក់ នៅទួលសង្កែរ នៅថ្ងៃទី៣ មករានេះ សម្ដេច ហ៊ុន សែន បាននិយាយដូច្នេះថា៖

និយាយត្រង់ចំណុចនេះ ប្រមុខរដ្ឋាភិបាល ស្នើឲ្យថៅកែរោងចក្រ ចាត់វិធានការលើប្រធានផ្នែកណា ដែលជេរប្រមាថលើកម្មករផងដែរ។ ហើយបើក្នុងករណីថៅកែរោងចក្រ ឈានដល់ការបញ្ឈប់ប្រធានផ្នែក ដែលជេរប្រមាថកម្មករនេះ សម្ដេច ហ៊ុន សែន ក៏ប្រកាសគាំទ្រទៀតផង។