កីឡាជាតិ
ចាន់ វឌ្ឍនាកា ខកចិត្តក្រោយពីមិនអាចជួយក្រុមឲ្យឡើងទៅកាន់វគ្គបន្ត។ រូប Ken Gadaffi
×![]()
ដោយ: រួបរួម
ការស៊ុតបាល់បញ្ចូលទីតែមួយគ្រាប់របស់ខ្សែប្រយុទ្ធ Iyad Gharqoud នៅបីនាទីមុនបញ្ចប់ការប្រកួតបាននាំឲ្យក្រុម Alquds Hilal របស់ប៉ាឡេស្ទ៊ីនចាប់ដៃជាមួយ FC Balkan របស់តួកមេនីស្ថានក្នុងការឈានទៅកាន់ជុំចុងក្រោយនៃយុទ្ធនាការ AFC President’s Cup ឆ្នាំ២០១៣ ដោយបន្សល់ទុកនូវការខកចិត្តសម្រាប់ក្រុមម្ចាស់ផ្ទះបឹងកេត។
សម្រាប់ការប្រកួតចុងក្រោយនៅថ្ងៃពូល C នៅលើទីលានពហុកីឡដ្ឋានជាតិនាថ្ងៃសុក្រ ទី១០ ខែឧសភា ឆ្នាំ២០១៣ ចម្ការកៅស៊ូបឹងកេតត្រូវការជ័យជម្នះជាដាច់ខាត ប៉ុន្តែពួកគេមិនអាចទម្លាយសំណាញ់របស់ក្រុមប៉ាឡេស្ទ៊ីនដែលលេងរបៀបការពារច្រើនបានឡើយ។ ផ្ទុយទៅវិញ ការខកចិត្តបានកើតឡើងនៅពេលដែល Alquds Hilal មានប្រៀបជាមួយនឹងគ្រាប់បាល់បញ្ចូលទីមុននឹងបញ្ចប់ការប្រកួត។
FC Balkan បានទទួល៩ពិន្ទុពេញនៅក្នុងពូល C បន្ទាប់ពីពូកគេបានបំបាក់ក្រុម Sri Lanka SC ក្នុងលទ្ធផល ៥-០ នៅថ្ងៃចុងក្រោយ ខណៈ Aquds Hilal ស្ថិតនៅលំដាប់លេខ២ដោយមាន៦ពិន្ទុ។ ម្ចាស់ផ្ទះបឹងកេតមាន៣ពិន្ទុ និង Sri Lanka SC ដែលចាញ់ទាំងបីប្រកួតត្រូវហាលអាវ។
ជំនួបពីរពូលផ្សេងទៀតរង់ចាំតែការប្រកួតចុងក្រោយប៉ុណ្ណោះ ដោយបច្ចុប្បន្នក្រុម Three Star Club របស់ម្ចាស់ផ្ទះនេប៉ាល់កំពុងនាំមុខគេនៅក្នុងពូល A ដោយមាន៤ពិន្ទុ ខណៈ Abahani Limited Dhaka របស់បង់ក្លាដែស ស្ថិតនៅលេខ២ ដោយមានពិន្ទុ២ពិន្ទុស្មើ Taiwan Power Company របស់តៃវ៉ាន់ ខណៈ Erchim របស់ម៉ុងហ្គោលីទើបតែមាន១ពិន្ទុ។
រីឯក្នុងពូល B ក្រុម Dordoi Bishkek របស់គៀហ្ស៊ីសស្ថានកំពុងនាំមុខដោយមាន៤ពិន្ទុស្មើ KRL របស់ប៉ាគីស្ថាន រីឯ Global FC របស់ម្ចាស់ផ្ទះហ្វីលីពីន មាន៣ពិន្ទុ ខណៈ Yeedzin របស់ប៊ូតានបានហាលអាវទៅហើយក្រោយចាញ់ពីរប្រកួតជាប់គ្នា។
ពីរក្រុមកំពូលនៃពូល A និងពូល B ត្រូវឈានបន្តនៅជុំចុងក្រោយពីថ្ងៃទី២៣ ដល់ថ្ងៃទី២៩ ខែកញ្ញា ឆ្នាំ២០១៣ ដែលមាន FC Balkan និង Alquds Hilal រង់ចាំរួចជាស្រេច៕
សម្រាប់ការប្រកួតចុងក្រោយនៅថ្ងៃពូល C នៅលើទីលានពហុកីឡដ្ឋានជាតិនាថ្ងៃសុក្រ ទី១០ ខែឧសភា ឆ្នាំ២០១៣ ចម្ការកៅស៊ូបឹងកេតត្រូវការជ័យជម្នះជាដាច់ខាត ប៉ុន្តែពួកគេមិនអាចទម្លាយសំណាញ់របស់ក្រុមប៉ាឡេស្ទ៊ីនដែលលេងរបៀបការពារច្រើនបានឡើយ។ ផ្ទុយទៅវិញ ការខកចិត្តបានកើតឡើងនៅពេលដែល Alquds Hilal មានប្រៀបជាមួយនឹងគ្រាប់បាល់បញ្ចូលទីមុននឹងបញ្ចប់ការប្រកួត។
FC Balkan បានទទួល៩ពិន្ទុពេញនៅក្នុងពូល C បន្ទាប់ពីពូកគេបានបំបាក់ក្រុម Sri Lanka SC ក្នុងលទ្ធផល ៥-០ នៅថ្ងៃចុងក្រោយ ខណៈ Aquds Hilal ស្ថិតនៅលំដាប់លេខ២ដោយមាន៦ពិន្ទុ។ ម្ចាស់ផ្ទះបឹងកេតមាន៣ពិន្ទុ និង Sri Lanka SC ដែលចាញ់ទាំងបីប្រកួតត្រូវហាលអាវ។
ជំនួបពីរពូលផ្សេងទៀតរង់ចាំតែការប្រកួតចុងក្រោយប៉ុណ្ណោះ ដោយបច្ចុប្បន្នក្រុម Three Star Club របស់ម្ចាស់ផ្ទះនេប៉ាល់កំពុងនាំមុខគេនៅក្នុងពូល A ដោយមាន៤ពិន្ទុ ខណៈ Abahani Limited Dhaka របស់បង់ក្លាដែស ស្ថិតនៅលេខ២ ដោយមានពិន្ទុ២ពិន្ទុស្មើ Taiwan Power Company របស់តៃវ៉ាន់ ខណៈ Erchim របស់ម៉ុងហ្គោលីទើបតែមាន១ពិន្ទុ។
រីឯក្នុងពូល B ក្រុម Dordoi Bishkek របស់គៀហ្ស៊ីសស្ថានកំពុងនាំមុខដោយមាន៤ពិន្ទុស្មើ KRL របស់ប៉ាគីស្ថាន រីឯ Global FC របស់ម្ចាស់ផ្ទះហ្វីលីពីន មាន៣ពិន្ទុ ខណៈ Yeedzin របស់ប៊ូតានបានហាលអាវទៅហើយក្រោយចាញ់ពីរប្រកួតជាប់គ្នា។
ពីរក្រុមកំពូលនៃពូល A និងពូល B ត្រូវឈានបន្តនៅជុំចុងក្រោយពីថ្ងៃទី២៣ ដល់ថ្ងៃទី២៩ ខែកញ្ញា ឆ្នាំ២០១៣ ដែលមាន FC Balkan និង Alquds Hilal រង់ចាំរួចជាស្រេច៕
© រក្សាសិទ្ធិដោយ thmeythmey.com
